1 Samuweli 25:33 - Siswati 1996 Bible

³³ Shangatsi ungabusiswa ngalomcondvo wakho lokhaliphile, nekutsi ungivimbe ngingayicitsi ingati lamuhla, nekutsi ngingatiphindziseleli ngetandla tami.

1 Samuweli 25:33 ပူးပေါင်းရင်းမြစ်များ

1 Samuweli 25:26

“Njengobe Simakadze ukuphephisile wena, nkhosi yami, ekucitseni ingati kanye nasekutikhipheleni sibhongo ngetandla takho, ngifunga ngekuphila kwaSimakadze nangekwakho ngitsi, shangatsi tonkhe titsa takho nabo bonkhe labafuna kukwenta silo sengubo bangafanana naNabali.

Taga 28:23

Loyalako ubongwa kakhulu ekugcineni kunalowo lolutsa lomunye ambonge ngelite.

Taga 27:21

Isiliva negolide ihlolwa ngemlilo; kodvwa umuntfu uhlolwa ngeludvumo lalunikwa bantfu.

Taga 25:12

Njengelicici legolide, nanjengemhlobiso loligugu, linjalo livi leseluleko kulolivako alente.

Taga 17:10

Umuntfu lohlakaniphile ufundza kancono ngekwekhutwa kanye; kantsi umuntfu losilima akafundzi lutfo nome asashaywe imivimba lelikhulu.

Taga 9:9

Nawuyala umuntfu lohlakaniphile, utawusuka ahlakaniphe kakhulu; nawufundzisa umuntfu lolungile, yena usuka engete kulokufundza kwakhe.

Tihlabelelo 141:5

Ngingamane ngijeziswe ngumuntfu lolungile, loko kungumusa kimi; angamane angitsetsise, loko kungemafutsa enhloko yami, kodvwa umkhuleko wami uphambene netento letimbi talababi.

1 Samuweli 25:31

inkhosi yami ingeke itivele inelicala enhlitiyweni yayo ngekubulala ngaphandle kwesizatfu nome ngekutikhiphela sibhongo. Utawutsi Simakadze angayinika kuphumelela inkhosi yami, bese-ke iyayikhumbula incekukati yayo.”

1 Samuweli 24:19

Umuntfu nakabamba sitsa sakhe, uyasiyekela yini siphunyule angakasilimati? Shangatsi Simakadze angakuvuza ngalokuhle ngaloku lokwente kimi lamuhla.

Eksodusi 22:2

Nangabe lisela libanjwe ligcekeza lashaywa laze lafa, lowo lolibulele akanacala lengati;

Taga 13:14

Timfundziso temuntfu lohlakaniphile tingumtfombo wekuphila, umuntfu timncandza etingibeni tekufa.