1 Samuweli 25:28 - Siswati 1996 Bible

²⁸ Ngicela inceku yakho uyitsetselele ngalesono lesentile, ngobe Simakadze utakwenta ube yinkhosi wena kanye netitukulwane takho, ngobe ulwa timphi takhe. Shangatsi kungabate lokubi lokutfolakala kuwe, yingci nawusaphila.

1 Samuweli 25:28 ပူးပေါင်းရင်းမြစ်များ

2 Samuweli 5:2

Kadzeni, ngesikhatsi Sawula aseyinkhosi etikwetfu, nguwe lowawuhola sive sema-Israyeli nasiyekulwa etimphini. Simakadze wakhuluma kuwe, watsi: ‘Wena utawuba ngumelusi wesive sami ema-Israyeli, ube ngumbusi waso.’ ”

2 Samuweli 7:11

njengobe benta seloku ngacala kubeka baholi etikwesive ami, ema-Israyeli. Ngitakupha nekuphumula kuto tonkhe titsa takho. “ ‘ “Simakadze ukhipha livi kuwe lekutsi Simakadze yena matfupha utakwakhela wena indlu.

2 Samuweli 7:16

Indlu yakho nembuso wakho kuyakuma embikwami kuze kube phakadze. Sihlalo sakho sebukhosi siyakuhlala sisimile phakadze naphakadze.” ’ ”

2 Samuweli 7:27

“Awu, Simakadze longuSomandla, Nkulunkulu wema-Israyeli, ukwembulile loku encekwini yakho, watsi: ‘Ngiyakwakhela indlu.’ Ngako inceku yakho ikhutsatekile kutsi inikele ngalomkhuleko kuwe.

1 Emakhosi 15:3

Abiya watenta tonkhe tono letatentiwe nguyise embikwakhe; inhlitiyo yakhe yayingakapheleli kuSimakadze Nkulunkulu wakhe, njengenhlitiyo yaDavide labengukhokho wakhe labenamatsele kuNkulunkulu.

1 Emakhosi 15:5

Ngobe Davide abenta lokuhle emehlweni aSimakadze, wangete waphambuka kuyo yonkhe imiyalo yaSimakadze emphilweni yakhe yonkhe, ngaphandle kwendzaba ya-Uriya labengumHethi.

1 Emakhosi 9:5

ngiyawusimisa sihlalo sakho sebukhosi etikwa-Israyeli phakadze naphakadze, njengobe ngametsembisa Davide, uyihlo, ngesikhatsi ngitsi: ‘Akuyikwenteka kutsi weswele umuntfu esihlalweni sebukhosi saka-Israyeli.’

1 Tikhronike 17:10

njengobe benta seloku ngacala kubeka baholi etikwesive sami, ema-Israyeli. Ngitakupha kutsi ubuse etikwato tonkhe titsa takho. “ ‘Ngikhipha livi kuwe lekutsi Simakadze yena matfupha utakwakhela wena indlu.

1 Tikhronike 17:25

“Wena, Nkulunkulu wami, ukwembulile loko encekwini yakho kutsi uyakuyakhela indlu. Ngako inceku yakho ikhutsatekile kutsi ithandaze kuwe.

2 Tikhronike 20:15

Wakhuluma watsi: “Lalela, nkhosi Jehoshafati, nilalele nani nonkhe lenihlala kaJuda naseJerusalema! Naku-ke lokushiwo nguSimakadze kini, utsi: ‘Ningesabi, futsi ningaphelelwa nangemandla ngenca yalemphi lenkhulu kangaka. Ngobe kulwa akusiko kwenu, kodvwa kwaNkulunkulu.

Tihlabelelo 7:3

Simakadze, Nkulunkulu wami, nangabe kukhona lokubi etandleni tami,

Tihlabelelo 89:29

Ngiyawumisa intalo yakhe, kuze kube phakadze, nesihlalo sakhe sebukhosi sisime, yingci nakusekhona sibhakabhaka etulu.

Numeri 23:21

“Kute emashwa latakwehlela Jakobe, Israyeli angeke abe nelusizi. Simakadze Nkulunkulu wabo, unabo; kumenyetwa nekudvunyiswa kweNkhosi kusemkhatsini wabo.

Matewu 5:16

Kanjalo-ke akukhanye kukhanya kwenu embikwebantfu, kuze babone lokulungile lenikwentako, bese badvumisa uYihlo losezulwini.”

Lukha 23:41

Noko, setfu silungile, ngobe sitfola loko lokusifanele ngalesikwentile; kodvwa yena kute lakonile.”

Lukha 23:47

Indvuna yelibutfo nayibona loko kwenteka, yabonga Nkulunkulu, yatsi: “Impela abelungile lomuntfu!”

1 Samuweli 15:28

Samuweli wakhuluma kuye watsi: “Simakadze sewuwuklebhulile umbuso wema-Israyeli kuwe, kusukela lamuhla, sewuwuniketele kulomunye wabomakhelwane bakho; yebo, uwuniketele kuloncono kunawe.

1 Samuweli 17:47

nekutsi bonkhe labantfu lababutsene lapha bati kutsi Simakadze akasindzisi ngenkemba nangesikhali. Ngobe imphi ngeyaSimakadze, nguye lotaninikela nonkhe etandleni tetfu.”

1 Samuweli 18:17

Sawula wakhuluma kuDavide, watsi: “Nansi indvodzakati yami yematubulo, Merabi. Ngitakwendzisela yona, nawungamane nje uhlehle lapha kimi, ulwe timphi taSimakadze.” Sawula abecabange watsi: “Ngingeke ngisibeke sandla sami etikwakhe. Akabulawe ngemaFilisti.”

1 Samuweli 2:35

Ngiyawutivusela mine umphristi lowetsembekile, loyawukwenta loko lokusenhlitiyweni yami nasengcondvweni yami. Ngiyakumakhela situkulwane lesicinile, uyawuhamba embikwalogcotjiwe wami phakadze naphakadze.

1 Samuweli 22:14

Ahimeleki wayiphendvula inkhosi watsi: “Ngubani kuto tonkhe tinceku takho lowetsembeke kuwe njengaDavide, umkhwenyane wenkhosi, indvuna yemabutfo lagadza wena, umuntfu lohlonishwa kangaka endlini yakho yonkhe?

1 Samuweli 24:11

Buka, babe wami, buka nasi sicephu sengubo yakho sisesandleni sami! Ngijube umphetfo wengubo yakho, kodvwa wena ngangete ngakubulala. Yati kahle-ke nyalo, ucondzisise kutsi mine anginacala lekwenta bubi nelekumelana nawe. Mine angikakoni ngalutfo, kodvwa nguwe longitfungatsela kutsi utengibulala.

1 Samuweli 24:17

Sawula wakhuluma kuDavide, watsi: “Wena ulunge kakhulu kwengca mine; ngobe wena ungentele lokuhle, kodvwa mine ngikubonge ngebubi.

1 Samuweli 24:21

Manje funga kimi ngaSimakadze kutsi ungeke usincume situkulwane sami, nelibito lami ngeke ulesule emndenini wababe.”

1 Samuweli 24:4

Lamadvodza atsi: “Lamuhla ngilo lilanga Simakadze lakhuluma ngalo ngesikhatsi atsi kuwe: ‘Ngitawunikela sitsa sakho esandleni sakho, kuze wente kuso njengekutsandza kwakho.’ ” Davide wanyonyoba wajuba umphetfo wasembatfo saSawula bangamboni.

1 Samuweli 25:24

Watijika etinyaweni takhe, watsi: “Nkhosi yami, licala alibe setikwami. Ngicela mane uvumele incekukati yakho kutsi seyimane ikhulume; ulalele kutsi incekukati yakho itawutsini.

1 Samuweli 29:3

Tindvuna temphi yemaFilisti tabuta tatsi: “Afunani lamaHebheru lawa?” Akhishi waphendvula watsi: “AkusiDavide yini lona lobekayindvuna lenkhulu yaSawula, inkhosi yema-Israyeli? Sekuze kuphele umnyaka wonkhe solomane ahlala nami lapha, kusukela ngelilanga labaleka ngalo kuSawula kuze kube ngulamuhla, angikaze ngamtfola anelicala.”

1 Samuweli 30:26

Davide watsi kube efike eSikilagi, watfumela incenye yemphango kubaholi bakaJuda lababebangani bakhe, atsi: “Naso sipho senu lesiyimphango lephuma etitseni taSimakadze.”