1 Samuweli 25:13 - Siswati 1996 Bible

¹³ Davide wakhuluma kulamadvodza, watsi: “Hlomani tinkemba tenu!” Ngako lamadvodza avele ahloma, naDavide naye wahloma ngeyakakhe. Bekungemadvodza labengaba ngema-400 lenyuka naDavide, kwatsi lawa langema-200 wona asala agadza timphahla.

1 Samuweli 25:13 ပူးပေါင်းရင်းမြစ်များ

1 Samuweli 23:13

Ngako Davide nemabutfo akhe, emadvodza langema-600, babaleka eKheyila, besuka behla benyuka tindzawo ngetindzawo. Kwatsi Sawula nakatjelwa kutsi Davide sewubalekile eKheyila, wangabe asehla.

Taga 25:8

Ungasheshi uye enkantolo ngaloko lokubonile, ngobe nase kuphele lelicala lomunye wafakaza wakwenta silima, utawube sewentani-ke?

Taga 19:11

Umuntfu lonekucondza uyakubamba kutfukutsela kwakhe; nangabe umuntfu amkhuba, kuba ludvumo kuye kumtsetselela.

Taga 19:2

Akukuhle kuba nenshisekelo ungenalo lwati. Umuntfu lonematata ulahlekelwa yindlela.

Taga 14:29

Umuntfu lowephuta kutfukutsela unekucondza lokukhulu; kodvwa umuntfu lonenhlitiyo lencane utibonakalisa kutsi usilima.

Joshuwa 9:14

Emadvodza aka-Israyeli ayihlola lemiphako yawo, kodvwa akazange abute lutfo kuSimakadze.

Taga 16:32

Kuncono kuba ngumuntfu lobeketelako kunekuba silwi. Uncono umuntfu lotibambako kunemncobi nemtfumbi wemadolobha.

1 Samuweli 22:2

Kwatsi bonkhe laba bebahluphekile, nalababenetikwelede, nalababengeneliseki babutsana kuye, waba ngumholi wabo. Kwaba ngemadvodza labengaba ngema-400.

1 Samuweli 25:12

Lamajaha akaDavide ancandzeka abuyela emuva. Atsi kube efike, abika konkhe lokwakukhulunywe nguNabali.

1 Samuweli 27:2

Ngako Davide kanye nalamadvodza langema-600 labenawo, bahamba bewelela ngesheya ku-Akhishi, umsa waMayoki, inkhosi yaseGathi.

2 Samuweli 15:18

Onkhe emadvodza ayo endlula eceleni kwayo kanye nawo onkhe emaKherethi nemaPhelethi, nawo onkhe emaGathi langema-600 labehamba nawo esuka eGathi, nawo futsi endlula embikwenkhosi.

Taga 20:22

Ungasho kutsi: “Ngitatiphindziselela ngalokubi;” tsembela kuSimakadze, yena utakulungiselela.