1 kubaseThesalonika 5:21 - Siswati 1996 Bible

²¹ Hlolisisani konkhe, nibambisise lokulungile,

1 kubaseThesalonika 5:21 ပူးပေါင်းရင်းမြစ်များ

Taga 23:23

Tsenga liciniso ungatsengisi ngalo. Zuza kuhlakanipha, nemiyalo, nekucondza konkhe; ungakhohlwa ngiko.

Taga 3:1

Ndvodzana yami, ungayikhohlwa imfundziso yami, kodvwa inhlitiyo yakho ayigcine imiyalo yami,

Taga 4:13

Bambelela emyalweni ungawuyekeli, uwulondvolote, ngobe uyimphilo yakho.

Ingoma Yetingoma 3:4

Ngatsi nje ngitsi shelele kubo, ngase ngiyamtfola lotsandvwa yinhlitiyo yami. Ngamgaca ngemikhono ngamnkonkoshela, ngangabe ngisamyekela, ngaze ngayawumngenisa endlini ketfu, endlini yalowo lowangetfwala.

Isaya 8:20

Buyelani kuwo umtsetfo waNkulunkulu nasebufakazini bakhe! Nabangakhulumi njengekwalelivi, abayiwuba nako kukhanya kwekusa.

Lukha 12:57

“Anitiboneli ngani kutsi ngukuphi lokulungile?

Johane 15:4

Hlalani kimi nami kini. Njengobe ligala lingeke likwati kutsela titselo ngekwalo, kuphela nalihleti esicwini, kanjalo-ke nani kuphela nanihlala kimi.

Johane 8:31

Ngako Jesu wakhuluma kulamaJuda labesakholwe nguye watsi: “Nanime emavini ami, nibafundzi bami sibili;

Imisebenti yebaPhostoli 11:23

Lapho efika wabona kutsi Nkulunkulu abebabusisile bantfu, watfokota wabancusa bonkhe kutsi betsembeke baciniseke eNkhosini ngetinhlitiyo tonkhe tabo.

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

Imisebenti yebaPhostoli 17:11

Bantfu balapho babencono kakhulu kunebaseThesalonika, ngobe livi balemukela ngalenkhulu inshisekelo. Onkhe emalanga babephenyisisa imiBhalo bahlolisise kutsi kunjalo ngempela yini.

KubaseRoma 12:2

Ningalilingisi lelive, kodvwa niguculwe ngekwentiwa kabusha kwengcondvo yenu, khona nitekwati kuhlolisisa loko lokuyintsandvo yaNkulunkulu, nikwati lokuhle, nalokwemukelekako, nalokuphelele.

KubaseRoma 12:9

Lutsandvo kufanele lubete kutentisa. Tondzani lokubi, nibambisise lokuhle.

1 kubaseKorinthe 15:58

Ngako-ke, bazalwane bami labatsandzekako, banini ngulabasimile labangaceki, nikhutsale emsebentini weNkhosi ngaso sonkhe sikhatsi, nati kutsi kusebenta kwenu akusilo lite eNkhosini.

1 kubaseKorinthe 2:11

Empeleni kute umuntfu lowati kwalomunye umuntfu, ngaphandle kwemoya wakhe lokuye. Kuyafanana-ke, nekwaNkulunkulu akwatiwa ngumuntfu ngaphandle kwaMoya waNkulunkulu.

KubaseGalathiya 6:10

Ngako-ke njengobe sinematfuba nje, asente lokuhle kubo bonkhe bantfu, ikakhulu kubendlu yaketfu yekukholwa.

Kubase-Efesu 5:10

Yetamani kufundza lokutfokotisa iNkhosi.

KubaseFiliphi 1:10

nize nikwati kwehlukanisa lokuncono, nibe msulwa nibete sici, kuze kube lilanga laKhristu.

KubaseFiliphi 3:16

Kuphela nje kutsi lesesifikile kuko, asihambe ngemkhondvo wako.

KubaseFiliphi 4:8

Lekugcina, bazalwane, gcwalisani tinhlitiyo tenu ngako konkhe lokuliciniso, nangako konkhe lokuhloniphekako, nangako konkhe lokulungile, nangako konkhe lokumhlophe, nangako konkhe lokutsandzekako, nangako konkhe lokutusekako. Nome ngabe kukhona lokuhle, nome ngabe kukhona lokubongekako, cabangani ngaloko.

1 kubaseThesalonika 5:15

Bonani kutsi kubete lophindzisela kulomunye lokubi ngalokubi, kodvwa ngato tonkhe tikhatsi yetamani kwenta lokuhle kubo bonkhe bantfu.

1 kubaseThesalonika 5:22

nikugege konkhe lokubonakala kukubi.

2 kubaseThesalonika 2:15

Ngako-ke, bazalwane, manini nicine, nibambelele kulawo maciniso lesanifundzisa wona ngemavi emlomo nangencwadzi yetfu.

2 kuThimothi 1:15

Uyati kutsi bonkhe labase-Asiya bangifulatsela, boFigelusi naHemogenesi basemkhatsini wabo.

2 kuThimothi 3:6

Ngobe emkhatsini wabo laba kukhona labakhokhobela kungena etindlini talabasikati lababutsakatsaka ngekusindvwa tono tabo, baholwa tinkhanuko letimihibahiba.

2 kuThimothi 4:14

Alekzanda, umkhandzi welitfusi, wenta tintfo letinyenti letimbi kimi, iNkhosi iyawungenanela kuye.

KumaHebheru 10:23

Asibambelele kuso sivumo selitsemba letfu, singangabati, ngobe yena lowenta lesetsembiso wetsembekile ekutigcineni tetsembiso takhe.

1 yaJohane 4:1

Batsandzekako, ningabohambe nikholwa ngibo bonkhe bomoya, nibobahlola bomoya kutsi baNkulunkulu yini, ngobe banyenti baphrofethi bemanga labaphumele eveni.

Sembulo 2:2

Ngiyayati imisebenti yakho, nekuphishaneka kwakho, nekubeketela kwakho, nekutsi ungeke ubamele bantfu lababi, kangangekutsi nalabo labatibita ngekutsi baphostoli, kantsi abasibo, ubahlolile, wavele wabakhandza bacala emanga.

Sembulo 2:25

Kuphela nje bambelelani kuloko leninako, ngize ngifike.

Sembulo 3:11

Ngiyeta masinyane, bambisisa loko lonako, kuze kubete umuntfu lokwemuka umchele wakho.

Sembulo 3:3

Khumbula-ke loko lokwemukele wakuva, ukugcine, uphendvuke. Nangabe awuvuki ucaphele, ngitawuta kuwe ngikutume njengelisela, ngeke usati sikhatsi lengiyawukufikela ngaso.