15 Bonani kutsi kubete lophindzisela kulomunye lokubi ngalokubi, kodvwa ngato tonkhe tikhatsi yetamani kwenta lokuhle kubo bonkhe bantfu.
Wase uyabahambisa labomnakabo, batsi nase besuka wabayala watsi: “Ningabohambe nilwa endleleni.”
Labo labangiphindzisela lokubi ngalokuhle, batitsa tami, ngobe ngilandzela lokulungile.
nangiphindzisele ngalokubi kumnganami, nome ngaphanga sitsa sami ngaphandle kwesono,
Nangabe umuntfu achubeka kuphindzisela lokuhle ngalokubi, lokubi kungeke kuphindze kuphume endlini yakhe.
Ungasho kutsi: “Ngitatiphindziselela ngalokubi;” tsembela kuSimakadze, yena utakulungiselela.
Ungakujabuleli kuwa kwesitsa sakho, inhlitiyo yakho ingatfokoti nasikhubatela;
Ungasho nekutsi: “Ngitamenta loko langenta kona! Ngitakwenana njengobe enta kimi!”
Nangabe sitsa sakho silambile, siphe kudla sidle; nasomile, siphe emanti sinatse.
Ungatibuyiseleli nome ube nemagcubu nebantfwana bebantfu bakini, kodvwa uyawutsandza makhelwane wakho njengobe utitsandza wena. NginguSimakadze.
Kodvwa mine ngitsi kini: Ningamelani nalokubi; umuntfu nakakumukula esihlatsini sangesekudla, mnike nalesi lesinye.
Cha! Tsandzani titsa tenu nitentele lokuhle, nitjeleke ningabheki lutfo! Niyawuba nemvuzo lomkhulu ezulwini, nibe ngemadvodzana aLosetikwako Konkhe. Ngobe unemusa kulabangabongi nakulababi.
Kodvwa Pawula wamemeta ngelivi lelikhulu watsi: “Ungatilimati! Sikhona sonkhe.”
Lutsandvo kufanele lubete kutentisa. Tondzani lokubi, nibambisise lokuhle.
Ngako-ke, asilangatelele lokuletsa kuthula nekwakhana.
Jongani lutsandvo, kutsi nilangatelele tiphiwo taMoya, kakhulu kuphrofetha.
Nakufika Thimothi lapho kini, nibocaphelisisa kutsi nimemukele, ativele asekhaya, ngobe wenta msebenti munye nami, umsebenti weNkhosi.
Kwakona loko nje kutsi nibe niloku nimangalelana, kukhomba kona kwehluleka. Yini kungabi ncono kini kutsi noniwe? Yini kungabi ncono kini kutsi nidlelelwe?
Ngako-ke njengobe sinematfuba nje, asente lokuhle kubo bonkhe bantfu, ikakhulu kubendlu yaketfu yekukholwa.
Ngako-ke caphelani kutsi nitiphatsa njani. Ningatiphatsisi kwebantfu labangakahlakaniphi, kepha njengalabahlakaniphile.
Noko-ke, akube ngulowo nalowo atsandze umkakhe, njengobe atitsandza yena, nemfati ahloniphe indvodza yakhe.
Niyawulandzela umtsetfo wona wodvwa, nehlulele ngebucotfo bodvwa, kuze niphile nilidle lelive Simakadze Nkulunkulu wenu lanipha lona.
sanidvudvuta ngamunye ngamunye sinikhutsata, siniyala ngekutsi nihambe ngalokufanelekile kuNkulunkulu, lonibitela embusweni wakhe nasebukhosini bakhe.
Hlolisisani konkhe, nibambisise lokulungile,
Kodvwa wena, muntfu waNkulunkulu, kubalekele loko; jonga kulunga, nekwesaba Nkulunkulu, nekukholwa, nelutsandvo, nekubeketela, nebumnene.
Sisebenti seNkhosi asikafaneli kutsi silwe, kodvwa sifanele kutsi sibe mnene kubo bonkhe bantfu, sibe nelisu lekufundzisa, sibeketele,
Kubete lokhuluma kabi ngalomunye, bangabi tilwi, babeketele, bakhombise bumnene kubo bonkhe bantfu.
Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.
Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.
Hloniphani bonkhe bantfu, nitsandze bazalwane, nesabe Nkulunkulu, nihloniphe uMbusi.
Ningaphindziseli lokubi ngalokubi, nome inhlamba ngenhlamba; kodvwa esikhundleni saloko busisani, ngobe nabitelwa loko kutsi nidle lifa lekubusiswa.
Wena lotsandzekako, ungasilandzeli sibonelo lesibi, kepha ubolandzela sibonelo lesihle. Umuntfu lowenta lokulungile waNkulunkulu; kepha umuntfu lowenta lokubi akazange asambone Nkulunkulu.
Ngase ngiwela ngasetinyaweni tayo ngayikhotsama, kodvwa yatsi kimi: “Ungakwenti loko! Nami ngisisebenti kanye nawe nebazalwane bakho labanebufakazi baJesu. Khotsama Nkulunkulu.” Ngobe bufakazi baJesu bunguMoya wesiphrofetho.
Yatsi kimi: “Ungakwenti loko. Nami ngisisebenti nje njengawe, nebazalwane bakho lababaphrofethi, kanye nabo bonkhe labawentako lamavi alencwadzi. Khotsama Nkulunkulu.”
Njengobe kusho sisho salabadzala sitsi: ‘Kubenti balokubi kuvela tento letimbi,’ ngako mine ngingeke ngikubeke sandla.