1 kubaseThesalonika 5:13 - Siswati 1996 Bible

¹³ Bahlonipheni ngelutsandvo lolukhulu ngenca yemsebenti wabo. Hlalisanani ngekuthula.

1 kubaseThesalonika 5:13 ပူးပေါင်းရင်းမြစ်များ

Genesisi 45:24

Wase uyabahambisa labomnakabo, batsi nase besuka wabayala watsi: “Ningabohambe nilwa endleleni.”

Tihlabelelo 133:1

Maye, kuhle kumnandzi kuhlalisana kwebazalwane ngekuvana.

Matewu 10:40

“Lonemukelako nine, wemukela mine; nalowemukela mine, wemukela longitfumile.

Makho 9:50

“Luswayi lona luhle, kodvwa luswayi nase lulahlekelwe bunandzi balo, buyawubuyiselwa ngani? “Banini neluswayi ngekhatsi kwenu, nibe nekuthula lomunye kulomunye, nivane.”

Johane 15:17

Ngaloko ngiyaniyala ngitsi: ‘Tsandzanani!’ ”

2 kubaseKorinthe 13:11

Kwekugcina-ke bazalwane, ngitsi: Salani kahle. Lungisani imihambo yenu, netsabele kwemukela imiyalo, nivumelane, nihlalisane ngekuthula, khona Nkulunkulu wekuthula newelutsandvo atewuba nani.

KubaseGalathiya 4:14

Kodvwa nome loba butsakatsaka bami baba silingo lesikhulu kini, anizange ningedzelele nome ningangemukeli. Esikhundleni saloko, nangemukela njengesitfunywa saNkulunkulu, kwaba shangatsi nemukela Khristu Jesu.

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

KubaseGalathiya 6:6

Akutsi lowo lofundziswako ngelivi laNkulunkulu ahlephunelane etintfweni tonkhe letinhle nalowo lamfundzisako.

Kubase-Efesu 4:3

Nibokukhutsalela kugcina bunye baMoya ngesibopho sekuthula.

KubaseKholose 3:15

Kuthula kwaKhristu, lenabitelwa kuko emtimbeni munye, akubuse etinhlitiyweni tenu; futsi netayele kubonga.

1 kubaseThesalonika 5:14

Bazalwane, siyanikhutsata kutsi necwayise emavila, nibanike sibindzi labaphelelwa ngemandla emoyeni, ninakekele lababutsakatsaka, babeketeleleni bonkhe.

2 kubaseThesalonika 3:16

Shangatsi iNkhosi lengumtfombo wekuthula inganinika kuthula ngaso sonkhe sikhatsi ngetindlela tonkhe. INkhosi ayibe nani nonkhe.

2 kuThimothi 2:22

Ngako-ke balekela tinkhanuko tebusha, kodvwa hambisana nalabo labakhuleka eNkhosini ngenhlitiyo lehlambululekile, ujonge kulunga, nekukholwa, nelutsandvo, nekuthula.

KumaHebheru 12:14

Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.

YaJakobe 3:18

Bantfu labaletsa kuthula, basuke bahlanyela kuthula, bese bavuna kulunga.