1 kubaseThesalonika 4:1 - Siswati 1996 Bible

¹ Bazalwane betfu, nafundza kitsi kutsi nifanele nitiphatse njani kuze nijabulise Nkulunkulu, njengobe besenivele nenta. Ngako-ke ngephetsa ngekunincenga kutsi nichubeke nikhutsale kakhulu kukwenta loko,

1 kubaseThesalonika 4:1 ပူးပေါင်းရင်းမြစ်များ

2 Tikhronike 17:4

kodvwa wabuta kuNkulunkulu weyise, walandzela imiyalo yakhe esikhundleni sekulandzela bubi lobabentiwa baka-Israyeli.

Jobe 17:9

Noko, labangcwele batawubambelela etindleleni tabo, nalabo labatandla tabo tingenacala lalutfo batawuchubeka babe nemandla lamasha.

Tihlabelelo 92:14

Ebudzaleni babo bayawuchubeka batsele titselo, bafanane netihlahla letihlala tiluhlata, ngobe tona tihlala ticinile,

Taga 4:18

Kodvwa indlela yalabalungile ifanana nekukhanya kwentsatsakusa, lokuya ngekuya kuze kube ngusemini.

Johane 15:2

Onkhe emagala lakimi langatseli titselo uyawajuba. Onkhe emagala latsela titselo uyawatsena, kuze atewutsela kakhulu.

Imisebenti yebaPhostoli 20:27

Ngobe angizange nginifihlele lutfo lwentsandvo yaNkulunkulu.

KubaseRoma 8:8

Labo labanaka kwenyama bangeke bamtfokotise Nkulunkulu.

1 kubaseKorinthe 11:23

Ngobe mine ngakwemukela eNkhosini loko lenganinika kona, kutsi iNkhosi Jesu ngalobo busuku latsengiswa ngabo, watsatsa sinkhwa,

1 kubaseKorinthe 15:1

Manje-ke, bazalwane, nginikhumbuta liVangeli lenganishumayela lona nalemukela namanje niseme kulo.

1 kubaseKorinthe 15:58

Ngako-ke, bazalwane bami labatsandzekako, banini ngulabasimile labangaceki, nikhutsale emsebentini weNkhosi ngaso sonkhe sikhatsi, nati kutsi kusebenta kwenu akusilo lite eNkhosini.

2 kubaseKorinthe 10:1

Mine, Pawula matfupha, ngiyanincenga ngebumnene nangebubele baKhristu. Nginguye yena loPawula lenimtsatsa ngekutsi uyatikhobosa nasemkhatsini wenu, kodvwa abe nesibindzi kini nangekho embikwenu.

2 kubaseKorinthe 13:11

Kwekugcina-ke bazalwane, ngitsi: Salani kahle. Lungisani imihambo yenu, netsabele kwemukela imiyalo, nivumelane, nihlalisane ngekuthula, khona Nkulunkulu wekuthula newelutsandvo atewuba nani.

2 kubaseKorinthe 5:9

Ngako nome sikhona la, nome singekho la, umgomo wetfu kutsi sihlale semukelekile kuyo.

2 kubaseKorinthe 6:1

Njengobe sibambisene naNkulunkulu emsebentini wakhe, siyanincenga sitsi: Yemukelani umusa waNkulunkulu, ningawenti lite.

KubaseGalathiya 6:1

Bazalwane, nangabe lomunye wenu asawele esonweni, nine bakaMoya, lowo mephuleni, loko nikwente ngemoya wekutfobeka; kodvwa nawe uticaphele, ngobe ungahle ulingeke.

Kubase-Efesu 4:1

Ngako-ke mine siboshwa eNkhosini, ngiyanincenga kutsi nihambe ngalokufanele kubitwa lenabitwa ngako.

Kubase-Efesu 4:20

Kepha nine anizange nimfundze Khristu kanjalo,

Kubase-Efesu 5:17

Ngako-ke ningabi tilima, kodvwa yatini loko lokuyintsandvo yeNkhosi.

KubaseFiliphi 1:27

Kuphela hambani ngalokufanele liVangeli laKhristu, kuze kutsi nome ngita nginibona, nome ngingekho, ngive tindzaba letimnandzi ngani kutsi nime nicinile emoyeni munye, kukholwa liVangeli nikulwele ngebunye.

KubaseFiliphi 1:9

Ngikhulekela loku kutsi lutsandvo lwenu lukhule njalo ekwatini nasekucondzeni konkhe,

KubaseFiliphi 3:14

ngibabele emgomeni, kuyakwemukela umklomelo wekuphila kwasezulwini, Nkulunkulu langibitele kuko ngaKhristu Jesu.

KubaseKholose 1:10

Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.

KubaseKholose 2:6

Ngako-ke njengobe senemukele iNkhosi Jesu Khristu, hambani nikuye,

1 kubaseThesalonika 3:12

Shangatsi iNkhosi inganandzisa inikhulise naselutsandvweni lomunye kulomunye nakubo bonkhe bantfu, njengobe nelwetfu lunjalo kini,

1 kubaseThesalonika 4:2

ngobe niyayati imiyalo lesaninika yona ngeNkhosi Jesu.

1 kubaseThesalonika 5:12

Siyanincenga, bazalwane, kutsi nibahloniphe labo labasebenta emkhatsini wenu, babaholi benu eNkhosini, labaniyala ngemphilo yebuKhristu.

2 kubaseThesalonika 1:3

Simele kubonga Nkulunkulu ngani, bazalwane, ngaso sonkhe sikhatsi. Yebo, kufanele simbonge, ngobe kukholwa kwenu kuyakhula kakhulu, nelutsandvo lenitsandzana ngalo luyandza.

2 kubaseThesalonika 2:1

Bazalwane, macondzana nekubuya kweNkhosi yetfu Jesu Khristu nekuhlangana kwetfu kuye sinincenga,

2 kubaseThesalonika 3:1

Kwekugcina-ke, bazalwane, sithandazeleni, kuze kutsi livi leNkhosi lichubeke landze ngekushesha, lemukeleke ngeludvumo, njengobe kwaba njalo nakini.

2 kubaseThesalonika 3:13

Bazalwane, ningadzinwa kwenta lokuhle.

1 kuThimothi 5:21

Ngiyakuyalisisa, embikwaNkulunkulu, naKhristu Jesu, netingilosi letikhetsiwe, kutsi lemiyalo uyigcine ngebucotfo ungavuni muntfu; ungakhetsi muntfu.

2 kuThimothi 4:1

Ngiyakuyala embikwaNkulunkulu naKhristu Jesu, lotakwehlulela labaphilako nalabafile, ngikuyalisisa ngekubonakala kwakhe nembuso wakhe, ngitsi:

KumaHebheru 11:6

Umuntfu lote kukholwa angeke akhone kujabulisa Nkulunkulu; ngobe lota kuNkulunkulu kufanele akholwe kutsi Nkulunkulu uyaphila nekutsi uyabavuza labo labamfunako.

KumaHebheru 13:16

Ningakuyekeli kwenta lokuhle nekuhlephunelana loko leninako, ngobe iminikelo lenjalo iyamtfokotisa Nkulunkulu.

KumaHebheru 13:22

Ngiyanincenga-ke, bazalwane, kutsi nilalele kuyala kwami ngekubeketela, ngobe nginibhalele incwadzi lemfisha.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.

1 yaJohane 3:22

Konkhe lesikucelako uyasipha, ngobe siyigcina imiyalo yakhe, futsi senta lokutsandzeka emehlweni akhe.