1 kubaseThesalonika 3:2 - Siswati 1996 Bible

² sase sinitfumelela Thimothi, umzalwane wetfu, lesibambisene naye emsebentini waNkulunkulu wekushumayela liVangeli laKhristu. Samtfumela kutsi atenicinisa anikhutsate ekukholweni kwenu,

1 kubaseThesalonika 3:2 ပူးပေါင်းရင်းမြစ်များ

Imisebenti yebaPhostoli 16:1

BoPawula bahamba behlela eDebe naseListra, lapho bekukhona likholwa lelitsite, libito lalo kunguThimothi, indvodzana yemfati labengumJuda lokholwako, kodvwa uyise abengumGriki.

Imisebenti yebaPhostoli 16:5

Ngako-ke emabandla acinisela ekukholweni, bengeteka ngebunyenti emalanga ngemalanga.

Imisebenti yebaPhostoli 18:5

Kwatsi kube kufike Silasi naThimothi baphuma eMasedoniya, Pawula wase utinikela ngalokuphelele ekushumayeleni nasekufakazeni kumaJuda kutsi Jesu unguKhristu.

KubaseRoma 16:21

Thimothi, losebenta kanye nami, uyanihambisa, kanye naLukhiyosi, naJasoni, naSosipateri, tihlobo tami.

1 kubaseKorinthe 3:10

Ngemusa waNkulunkulu lengiwuphiwe, nanjengachwephesha wetekwakha, ngabeka sisekelo sendlu, lomunye wakha etikwaso. Kodvwa akube ngulowo nalowo acaphelisise kahle kutsi wakhela njani etikwaso.

1 kubaseKorinthe 4:17

Ngaloko-ke sengitfumele kini Thimothi, longumntfwanami lengimtsandzako nalowetsembekile eNkhosini. Nguye-ke lotanikhumbuta ngekuhamba kwami lokukuKhristu Jesu, njengobe ngifundzisa etindzaweni tonkhe nasemabandleni onkhe.

2 kubaseKorinthe 1:1

Lencwadzi iphuma kuPawula, umphostoli waKhristu Jesu ngekwentsandvo yaNkulunkulu, nakuThimothi, umzalwane. Iya ebandleni laNkulunkulu leliseKhorinte, nakubo bonkhe labangcwele labakulo lonkhe lase-Akhaya.

2 kubaseKorinthe 1:19

INdvodzana yaNkulunkulu lenguKhristu Jesu leyashunyayelwa ngitsi kini, mine nginaboSilasi, naThimothi, beyingesiye “Yebo” na “Cha”; kepha yona ingu “Yebo”.

2 kubaseKorinthe 2:12

Mhlazana ngifika eThrowasi kuyawushumayela liVangeli laKhristu, umnyango wawungivulekele kabanti kutsi ngisebentele iNkhosi.

2 kubaseKorinthe 2:13

Kodvwa ngabate kuphumula emphefumulweni, ngobe ngangingakamboni Thithusi umzalwane. Ngako-ke ngase ngiyabavalelisa, ngaya eMasedoniya.

2 kubaseKorinthe 8:23

Thithusi-ke yena sibambisene naye emsebentini wekunikhonta. Labazalwane-ke, batitfunywa temabandla, baludvumo kuKhristu.

KubaseFiliphi 1:25

Kuloko ngineliciniso, futsi nginelitsemba lekutsi ngisetawuphila. Ngisetawuhlala nani nonkhe nginisite kutsi nikhule ekukholweni kwengeteke injabulo yenu,

KubaseKholose 1:1

Lencwadzi iphuma kuPawula, umphostoli waKhristu Jesu ngekwentsandvo yaNkulunkulu, nakuThimothi, umzalwane wakhe.

KubaseKholose 1:7

Nafundziswa ngu-Ephafrasi lotsandzekako, losisebenti kanye natsi. Nguye losimelele ngekutsi abesikhonti lesetsembekile saKhristu.

KubaseKholose 4:12

Uyanihambisa na-Ephafrasi longulomunye wakini, inceku yaKhristu Jesu, lonilwela ngaso sonkhe sikhatsi emkhulekweni, kuze nime, niphelele nisime ekwenteni intsandvo yaNkulunkulu.

KubaseKholose 4:9

Utawube ahamba na-Onesimuse, umzalwane lomunye lowetsembekako nalotsandzekako, yena-ke ungulomunye wenu. Batanilandzisa-ke ngako konkhe lokwenteka ngalapha.

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

1 kubaseThesalonika 3:5

Ngako-ke ngitsite kube ngehluleke kubeketelela situnge ngani, ngase ngitfumela Thimothi, khona ngitekwati ngekukholwa kwenu. Bengesaba kutsi kungahle kube umlingi unilingile, kuze kutsi kusiphalata kwetfu kube lite.

2 kubaseThesalonika 2:17

angadvudvuta tinhlitiyo tenu, anakhele kuyo yonkhe imisebenti lemihle nakuwo onkhe emavi lamahle.