1 kubaseThesalonika 3:11 - Siswati 1996 Bible

¹¹ Shangatsi Nkulunkulu, longuBabe wetfu, yena matfupha neNkhosi yetfu Jesu angacondzisa indlela yetfu kini.

1 kubaseThesalonika 3:11 ပူးပေါင်းရင်းမြစ်များ

Isaya 63:16

Kodvwa wena unguBabe wetfu, nome nje Abrahama angasati tsine, na-Israyeli angasemukeli tsine, kodwva wena, Simakadze, unguBabe wetfu, uMhlengi wetfu; kwasemandvulo lelo Libito lakho.

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Malakhi 1:6

Simakadze Somandla utsi: “Indvodzana ihlonipha uyise, kantsi nesisebenti sihlonipha inkhosi yaso. Nangabe nginguyihlo, aningihloniphi leni? Nangabe ngiyinkhosi, aningihloniphi ngani? Ngini nine baphristi, lenedzelela Libito lami. “Kodvwa niyabuta nitsi: ‘Siledzelele kanjani Libito lakho?’

Matewu 6:14

“Ngobe nangabe niyabatsetselela bantfu tono tabo, neYihlo losezulwini uyakunitsetselela.

Matewu 6:18

kuze bantfu bangakuboni kutsi uzilile, kodvwa ubonwe nguYihlo losekusitsekeni; neYihlo lobona ekusitsekeni utakukunika umvuzo.”

Matewu 6:26

Bukani tinyoni temoya kutsi atihlanyeli, ativuni, atibeki lutfo etilulwini, kodvwa uYihlo losezulwini uyatondla. Anincono kakhulu yini nine kunato?

Matewu 6:32

Ngobe nebetive bafuna tona leto tintfo, kantsi uYihlo losezulwini uyati kutsi niyatidzinga tonkhe letintfo.

Matewu 6:4

kuze sipho sakho sibesekusitsekeni, khona uYihlo lobona ekusitsekeni utakuvuza.”

Matewu 6:6

Kepha wena nawuthandaza, ngena endlini yakho uvale umnyango, uthandaze kuYihlo losekusitsekeni, khona uYihlo lobona ekusitsekeni utawukunika umvuzo.

Makho 1:3

“Livi lalomemeta ehlane litsi: “ ‘Lungisani indlela yeNkhosi, nente imikhondvo yayo icondze.’ ”

Lukha 12:30

Ngobe tonkhe tive temhlaba tifuna letintfo; neYihlo uyati kutsi niyatidzinga letintfo.

Lukha 12:32

“Ningesabi, mhlambi lomncane, ngobe uYihlo utfokotela kona kutsi aninike umbuso.

Johane 20:17

Jesu watsi: “Ungangitsintsi, ngobe ngisengakenyukeli kuBabe, kodvwa hamba uye kubazalwane bami ubatjele kutsi sengiyenyuka ngibuyela kuye longuBabe wami neYihlo, Nkulunkulu wami naNkulunkulu wenu.”

KubaseRoma 1:3

LingeNdvodzana yakhe, iNkhosi yetfu Jesu Khristu, ebuntfwini bakhe watalwa awesitukulwane saDavide;

2 kubaseKorinthe 6:18

INkhosi, Somandla, yaphindza yatsi: “Mine ngiyawuba nguYihlo, nine-ke niyawuba ngemadvodzana nemadvodzakati ami.”

KubaseGalathiya 1:4

Nguye lowatinikela ngenca yetono tetfu, kuze kutsi ngentsandvo yaNkulunkulu longuBabe asephule kulesikhatsi lesibi.

KubaseKholose 1:2

Iya kubazalwane labangcwele baseKholose, labakholwa nguKhristu Jesu ngekwetsembeka. Akube kini umusa nekuthula lokuvela kuNkulunkulu, longuBabe wetfu.

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

1 kubaseThesalonika 4:16

Ngobe iNkhosi lucobo lwayo iyakwehla ezulwini ngelivi lenhlokomo, nangeliphimbo lengilosi lenkhulu, nangelicilongo laNkulunkulu. Labo labafe bakholwa nguKhristu bayawuvuka kucala.

1 kubaseThesalonika 5:23

Shangatsi Nkulunkulu wekuthula anganingcwelisa ngalokuphelele, agcine umoya wenu, nemphefumulo wenu, nemtimba wenu, kungabi nasici ekubuyeni kweNkhosi yetfu Jesu Khristu.

2 kubaseThesalonika 2:16

Shangatsi Jesu Khristu iNkhosi yetfu matfupha, naNkulunkulu, longuBabe lowasitsandza, kwatsi ngemusa wakhe wasikhutsata ngendvudvuto yaphakadze, wasipha nelitsemba lelihle,

2 kubaseThesalonika 3:16

Shangatsi iNkhosi lengumtfombo wekuthula inganinika kuthula ngaso sonkhe sikhatsi ngetindlela tonkhe. INkhosi ayibe nani nonkhe.

2 kubaseThesalonika 3:5

Shangatsi iNkhosi ingacondzisa tinhlitiyo tenu elutsandvweni lwaNkulunkulu nasekubeketeleni kwaKhristu.

1 yaJohane 3:1

Ase nibuke lutsandvo lolungaka Babe lasinike lona kutsi sibitwe ngekutsi sibantfwana baNkulunkulu; futsi vele singabo. Ngako-ke live alisati tsine, ngobe alimatanga yena.

Sembulo 21:3

Ngeva livi liphuma esihlalweni sebukhosi limemeta kakhulu litsi: “Nalo likhaya laNkulunkulu likubantfu. Nkulunkulu utawuhlala emkhatsini wabo, bona babe bantfu bakhe. Nkulunkulu cobo lwakhe uyawuhlala nabo, abe nguNkulunkulu wabo.