1 kubaseThesalonika 3:10 - Siswati 1996 Bible

¹⁰ Sincusa busuku nemini ngayo yonkhe inhlitiyo yetfu kutsi simane sibonane nani buso nebuso, khona sitenengetela kuloko lokusilele ekukholweni kwenu.

1 kubaseThesalonika 3:10 ပူးပေါင်းရင်းမြစ်များ

Lukha 2:37

nyalo-ke abengumfelokati waze waba neminyaka lengema-84 budzala. Abehlale ethemphelini, akhonta, azila kudla, athandaza imini nebusuku.

Imisebenti yebaPhostoli 26:7

Ngiso lesetsembiso lesasibhekwe tive takitsi letili-12 kutsi sigcwaliseke, njengobe tikhonta Nkulunkulu ngesineke imini nebusuku. Nguleso setsembiso-ke, Nkhosi, langibeke licala ngaso emaJuda.

2 kubaseKorinthe 1:15

Kucala ngangifisa kuta kini, kuze nitewutfola umusa ngalokuphindziwe.

2 kubaseKorinthe 1:24

Asisho kutsi tsine sitikhulu etikwekukholwa kwenu, kodvwa sibambisene nani ekusebenteleni kujabula kwenu, ngobe nisimile ekukholweni.

2 kubaseKorinthe 13:11

Kwekugcina-ke bazalwane, ngitsi: Salani kahle. Lungisani imihambo yenu, netsabele kwemukela imiyalo, nivumelane, nihlalisane ngekuthula, khona Nkulunkulu wekuthula newelutsandvo atewuba nani.

2 kubaseKorinthe 13:9

Ngobe tsine siyajabula nangabe nine nicinile nome tsine sibutsakatsaka. Sithandazela kutsi nine nipheleliswe kuKhristu.

KubaseFiliphi 1:25

Kuloko ngineliciniso, futsi nginelitsemba lekutsi ngisetawuphila. Ngisetawuhlala nani nonkhe nginisite kutsi nikhule ekukholweni kwengeteke injabulo yenu,

KubaseKholose 1:28

Nguye lesimshumayelako, seluleka bonkhe bantfu, sifundzisa bonkhe bantfu ngekuhlakanipha konkhe, kuze sikwati kumisa bonkhe bantfu baphelele kuKhristu Jesu.

KubaseKholose 4:12

Uyanihambisa na-Ephafrasi longulomunye wakini, inceku yaKhristu Jesu, lonilwela ngaso sonkhe sikhatsi emkhulekweni, kuze nime, niphelele nisime ekwenteni intsandvo yaNkulunkulu.

1 kubaseThesalonika 3:11

Shangatsi Nkulunkulu, longuBabe wetfu, yena matfupha neNkhosi yetfu Jesu angacondzisa indlela yetfu kini.

2 kubaseThesalonika 1:11

Kunguko nje sinikhulekela onkhe emalanga, kuze kutsi Nkulunkulu wetfu anente nibe ngulabafanele lubito lwakhe, nekutsi aphelelise ngemandla akhe konkhe lokuhle lenifisa kukwenta, nemsebenti wekukholwa.

2 kuThimothi 1:3

Ngibonga Nkulunkulu lengimkhonta nganembeza lomhlophe, njengobe nabokhokho bami babenta. Emikhulekweni yami nangimbonga Nkulunkulu, ngikukhumbula imini nebusuku ngingakhawuli.

kuFilemoni 1:22

Lokunye-ke kutsi ungilungiselele indzawo yekuhlala, ngobe ngiyetsemba kutsi imithandazo yenu itawuphendvuleka, Nkulunkulu angisite ngite lapho kini.

Sembulo 4:8

Tonkhe letidalwa letine tatinemaphiko lasitfupha sisinye, tinemehlo yonkhe indzawo, ngephandle nangekhatsi. Tatihlabelela imini nebusuku tingakhawuli titsi: “Ingcwele, ingcwele, ingcwele iNkhosi, Nkulunkulu, Somandla, labekhona, nalokhona, nalotako!”

Sembulo 7:15

Kungako nje basembikwesihlalo sebukhosi saNkulunkulu, bamkhonta imini nebusuku ethempelini lakhe; lowo lohlala esihlalweni sebukhosi uyawubasingatsa ngebukhona bakhe.

1 Samuweli 12:23

Kodvwa mine akube khashane nami kutsi ngingona kuSimakadze ngekutsi ngingete nganikhulekela. Ngitanifundzisa indlela lenguyonayona nalelungile.