1 kubaseThesalonika 2:8 - Siswati 1996 Bible

⁸ Ngenca yelutsandvo lwetfu kini satimisela kutsi sihlephunelane nani, hhayi liVangeli kuphela kodvwa nemphilo yetfu lucobo, ngobe natsandzeka kakhulu kitsi.

1 kubaseThesalonika 2:8 ပူးပေါင်းရင်းမြစ်များ

Lukha 7:2

Indvuna yelibutfo lemaRoma yayinesisebenti leyayisitsandza kakhulu, sasigulela kufa.

KubaseRoma 1:1

Lencwadzi iphuma kuPawula, inceku yaKhristu Jesu, nemphostoli lokhetsiwe wabitwa nguNkulunkulu kutsi ashumayele liVangeli.

KubaseRoma 10:1

Bazalwane, sifiso senhlitiyo yami nemthandazo wami kuNkulunkulu ngebaka-Israyeli kutsi bamane basindziswe.

KubaseRoma 15:29

Ngiyati kutsi nangifika kini, ngiyawuniphatsela inala yetibusiso taKhristu.

2 kubaseKorinthe 12:15

Ngiyawujabula kutsi nginikele ngako konkhe ngize nginikelwe nami lucobo, kuze kusitakale imiphefumulo yenu. Nanginitsandza kakhulu, pho, mine kufanele yini kutsi ngitsandvwe kancane?

2 kubaseKorinthe 6:1

Njengobe sibambisene naNkulunkulu emsebentini wakhe, siyanincenga sitsi: Yemukelani umusa waNkulunkulu, ningawenti lite.

KubaseGalathiya 4:19

Bantfwabami, nginemhelo ngani, kuyawudzimate kwakheke Khristu kini.

KubaseFiliphi 1:8

Nkulunkulu ungufakazi wami kutsi nginilangatelela kanganani nonkhe ngesihe saKhristu Jesu.

KubaseFiliphi 2:17

Kukholwa kwenu kungumhlatjelo wenu lonikelwa kuNkulunkulu. Nome ingati yami beyingengetwa kuwo lomhlatjelo, mine bengingajabula, sijabule kanye nani nonkhe.

KubaseFiliphi 2:20

Ngite muntfu lonenhlitiyo lenjengeyakhe, lotawunakekela tindzaba tenu ngebucotfo.

KubaseFiliphi 4:1

Ngako-ke, bazalwane bami labatsandzekako, nalengibalangatelelako, kujabula nemchele wami, manini nisime eNkhosini.

KubaseKholose 1:28

Nguye lesimshumayelako, seluleka bonkhe bantfu, sifundzisa bonkhe bantfu ngekuhlakanipha konkhe, kuze sikwati kumisa bonkhe bantfu baphelele kuKhristu Jesu.

KubaseKholose 1:7

Nafundziswa ngu-Ephafrasi lotsandzekako, losisebenti kanye natsi. Nguye losimelele ngekutsi abesikhonti lesetsembekile saKhristu.

KubaseKholose 4:12

Uyanihambisa na-Ephafrasi longulomunye wakini, inceku yaKhristu Jesu, lonilwela ngaso sonkhe sikhatsi emkhulekweni, kuze nime, niphelele nisime ekwenteni intsandvo yaNkulunkulu.

kuFilemoni 1:1

Lencwadzi iphuma kuPawula, siboshwa ngenca yaKhristu Jesu, nakuThimothi, umzalwane wakhe. Iya kuFilemoni lotsandzekako nalosisebenti kanye natsi,

KumaHebheru 13:17

Hloniphani baholi benu, nilalele imitsetfo yabo, ngobe balindza imiphefumulo yenu bangaphumuli, njengobe bayawulandzisa ngayo. Nanenta njalo, nibasita, umsebenti wabo batawenta ngekujabula, hhayi ngelusizi; ngobe nani kungeke kunisite loko.

1 yaJohane 3:16

Lutsandvo silwati ngaloku kutsi yena wanikela ngekuphila kwakhe ngenca yetfu; natsi-ke kufanele sinikele ngekuphila kwetfu ngenca yebazalwane.