1 kubaseThesalonika 2:2 - Siswati 1996 Bible

² Kodvwa nome sase sihlushiwe satselwa ngelihlazo eFiliphi, njengobe nani nati, saba nesibindzi kuNkulunkulu wetfu kutsi sishumayele kini liVangeli laNkulunkulu sibhekene nebulukhuni lobukhulu.

1 kubaseThesalonika 2:2 ပူးပေါင်းရင်းမြစ်များ

Imisebenti yebaPhostoli 4:13

Emalunga aleLiqoqo letiphatsimandla amangala kubona sibindzi saboPhetro naJohane, nekubona kutsi babebantfukatana nje labebangakafundzi. Bavele babona kutsi babehamba naJesu.

2 kuThimothi 1:12

kungako nje ngihlupheka nanyalo. Kodvwa ngite emahloni, ngobe ngiyamati lengetsembele kuye, futsi ngineliciniso kutsi yena unawo emandla ekukulondvolota loko lakubeke kimi, kuze kube ngalelo langa.

Imisebenti yebaPhostoli 16:37

Kepha Pawula watsi kubo: “Sitfolakale singenacala nakancane, sibhanjabulwe embikwebantfu loku singemaRoma ngekutalwa, safakwa ejele. Manje setifuna kusikhulula ngasese? Cha, ngeke! Akute tona matfupha titesikhipha!”

1 kubaseThesalonika 1:5

Ngobe liVangeli lesanishumayela lona alifikanga kini ngemavi kuphela, kodvwa lefika ngemandla, nangaMoya Longcwele, seneliseka kutsi inshumayelo yetfu iliciniso. Niyati kutsi sasitiphatsa kanjani ngesikhatsi sisemkhatsini wenu. Konkhe loko sasikwenta ngenca yenu.

KubaseKholose 2:1

Ngiyatsandza kunatisa kutsi ngishikashikeka kangakanani ngenca yenu, nangenca yebaseLowadisiya nangabo bonkhe lengingazange ngibonane nabo buso nebuso.

Imisebenti yebaPhostoli 17:17

Ngako waphikisana nemaJuda nebetive labakholwako esinagogeni, kantsi futsi abephindze akhulume onkhe emalanga etinkhundleni, aphikisana nalabo lekwakwenteka babelapho.

Imisebenti yebaPhostoli 14:3

Baphostoli bahlala lapho sikhatsi lesidze. Bakhuluma ngesibindzi ngeNkhosi, leyafakaza kutsi inshumayelo yabo ngemusa wayo iliciniso, ibanika emandla ekwenta tibonakaliso netimangaliso ngetandla tabo.

Imisebenti yebaPhostoli 5:41

Baphostoli balishiya Liqoqo, batfokota kakhulu ngekwetfwala lihlazo ngenca yelibito laJesu.

Imisebenti yebaPhostoli 4:31

Nabacedza kuthandaza, lendzawo babehlangene kuyo yatanyatanyiswa. Bonkhe bagcwaliswa ngaMoya Longcwele, bacala bakhuluma livi laNkulunkulu ngesibindzi.

Imisebenti yebaPhostoli 4:20

Ngako singeke tsine siyekele kukhuluma ngaloko lesikubonile nalesikuvile.”

YaJuda 1:3

Batsandzekako bami, bengitimisele kutsi nginibhalele ngikhulume ngalensindziso lesihlanganyele kuyo. Kodvwa ngibone kunesidzingo lesimatima sekutsi nginibhalele nginikhutsate kutsi nilwele kukholwa lokuphiwe bantfu baNkulunkulu kwaba kanye kwenela, sonkhe tsine lesibakhe.

Imisebenti yebaPhostoli 19:8

Kwaphela tinyanga letintsatfu seloku Pawula ahle aya esinagogeni abashumayela ngesibindzi ngembuso waNkulunkulu aphikisana nabo etama kubavumisa.

Imisebenti yebaPhostoli 16:12

Sesuka lapho saya eFiliphi, lidolobha lelisesifundzeni sekucala saseMasedoniya, lelingephansi kwembuso wemaRoma. Sahlala emalanga lambalwa kulelo dolobha.

Imisebenti yebaPhostoli 14:5

Kwatsi nakusuka siphitsiphitsi emkhatsini webetive, nemaJuda, nebaholi bawo, bafuna kuhlupha nekugcoba baphostoli ngematje,

Imisebenti yebaPhostoli 16:19

Kodvwa baniyo bakhe sebabonile kutsi litsemba labo lekutfola imali seliphelile, bababamba boPawula naSilasi babahudvulela enkantolo embikweticumbi tebantfu nebabusi.

Imisebenti yebaPhostoli 17:1

BoPawula bahamba badzabula emadolobheni ase-Amfipholisi nase-Apholoniya, bangena eThesalonika lapho bekunelisinagoge lemaJuda khona.

KubaseRoma 1:1

Lencwadzi iphuma kuPawula, inceku yaKhristu Jesu, nemphostoli lokhetsiwe wabitwa nguNkulunkulu kutsi ashumayele liVangeli.

2 kubaseKorinthe 3:12

Ngulelo litsemba letfu, ngiko nje sikhuluma ngesibindzi.