1 kubaseThesalonika 2:19 - Siswati 1996 Bible

¹⁹ Empeleni liyini litsemba letfu, nome injabulo, nome umchele wemsebenti wetfu lesingatibonga ngawo embikweNkhosi yetfu Jesu ekubuyeni kwayo? Akusini yini?

1 kubaseThesalonika 2:19 ပူးပေါင်းရင်းမြစ်များ

Taga 12:4

Umfati lolungile ungumchele wendvodza yakhe; kodvwa loyihlazisako ufanana nekubola ematsanjeni ayo.

Taga 16:13

Bantfu labaneliciniso bajatjulelwa ngemakhosi; yebo, emakhosi atsandza bantfu labakhuluma liciniso.

Taga 17:6

Kubantfu labadzala kungumchele lomuhle kuba nebatukulu; nasetinsizweni kunjalo, boyise baludvumo lwato.

Taga 4:9

Kuyawukwetfwesa ludvumo enhloko, kukwetfwese umchele lomuhle.”

Isaya 62:3

Uyawuba ngumchele wenkhatimulo esandleni saSimakadze, umchele webukhosi esandleni saNkulunkulu wakho.

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Makho 8:38

Lowo lonemahloni ngami, nangemavi ami, kulesitukulwane lesonakele nalesiphingako, neNdvodzana yeMuntfu iyawuba nemahloni ngaye, nayifika ebukhosini beYise kanye netingilosi letingcwele.”

Johane 21:22

Jesu wamphendvula watsi: “Nangifuna kutsi aphile, ngidzimate ngibuye, kukuhlupha ngani wena loko? Wena landzela mine!”

1 kubaseKorinthe 15:23

Kepha ngulowo nalowo uyawuvuka ngesigaba sakhe: Khristu kucala, bese kuba ngulabo lababaKhristu ekubuyeni kwakhe.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

2 kubaseKorinthe 1:14

njengaloku senibonabona kutsi tsine singaba ligugu lenu, nani nibe ligugu letfu ngalelo langa lekubuya kweNkhosi yetfu Jesu.

KubaseFiliphi 2:16

nisabapha livi lekuphila. Nanenta njalo-ke, ngiyawuba nekutibonga ngelilanga laKhristu ngekutsi angigijimelanga lite nome-ke angisebentelanga lite.

KubaseFiliphi 4:1

Ngako-ke, bazalwane bami labatsandzekako, nalengibalangatelelako, kujabula nemchele wami, manini nisime eNkhosini.

1 kubaseThesalonika 2:20

Vele, ngini ludvumo lwetfu nenjabulo yetfu.

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

1 kubaseThesalonika 4:15

Ngaloko-ke sinitjela ngelivi leNkhosi kutsi tsine lesiyawube sisaphila ngelilanga lekubuya kweNkhosi singeke sibendvulele labo lesebafile.

1 kubaseThesalonika 5:23

Shangatsi Nkulunkulu wekuthula anganingcwelisa ngalokuphelele, agcine umoya wenu, nemphefumulo wenu, nemtimba wenu, kungabi nasici ekubuyeni kweNkhosi yetfu Jesu Khristu.

2 kubaseThesalonika 1:4

Nguko nje tsine ngekwetfu sitigabatisa ngani emabandleni aNkulunkulu; sibonga indlela lenibambelele ngayo ekukholweni kwenu nome nitingelwa kangaka, noko nikwatile kutimela tinhlupheko.

2 kubaseThesalonika 1:7

bese uletsa kuphumula kini nine lenihluphekako, kanye nakitsi ngesikhatsi iNkhosi Jesu yembulwa ivela ezulwini, ikanye netingilosi tayo letinemandla.

2 kubaseThesalonika 2:1

Bazalwane, macondzana nekubuya kweNkhosi yetfu Jesu Khristu nekuhlangana kwetfu kuye sinincenga,

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

YaJakobe 5:7

Ngako-ke, bazalwane, beketelani kuze kufike iNkhosi. Ase nibuke umlimi lolindzela sitselo semhlaba lesiligugu; usibeketelela size sitfole imvula yekucala neyekugcina.

YaJakobe 5:8

Nani-ke beketelani. Cinisani tinhlitiyo tenu, ngobe kubuya kweNkhosi sekusondzele.

1 yaPhetro 5:4

Mhlazana kubonakala uMelusi Lomkhulu, niyakwemukela umchele webukhosi longagugi.

2 yaPhetro 1:16

Empeleni sasingalandzeli tinganekwane tebucili, ngesikhatsi sinatisa emandla nekufika kweNkhosi yetfu Jesu Khristu, kodvwa sasingulabo labawabona emandla ebukhosi bakhe.

2 yaPhetro 3:4

batsi: “Uphi-ke loJesu lowanetsembisa kutsi uyabuya? Ngobe seloku kwalala bobabemkhulu, tonkhe tintfo tihamba njengobe tatinjalo kusukela ekucaleni kwendalo.”

1 yaJohane 2:28

Bantfwabami, hlalani kuye, khona kutawutsi nakachamuka sibe nesibindzi sibete emahloni sinyibe kuye ekufikeni kwakhe.

YaJuda 1:24

Kuye lonemandla ekunigcina, ningete nakhubeka, kuze aniletse ebukhosini bakhe, nite licala, nitfokota kakhulu,

Sembulo 1:7

Lalelani la, uyeta ngemafu, onkhe emehlo ayawumbona, ngisho nabo bonkhe labamgwaza, nato tonkhe tive temhlaba tiyawukhala tilile ngaye. Yebo, akube njalo. Amen.

Sembulo 22:12

Jesu utsi: “Lalela la, ngiyeta masinyane! Ngita nemvuzo wami, ngitewunika ngulowo nalowo njengekwemisebenti yakhe.