1 kubaseThesalonika 2:10 - Siswati 1996 Bible

¹⁰ Nine naNkulunkulu nibofakazi betfu bekutsi indlela lesasitiphetse ngayo emkhatsini wenu nine labakholwako yayingcwele, ilungile ingenasici.

1 kubaseThesalonika 2:10 ပူးပေါင်းရင်းမြစ်များ

Jeremiya 18:20

Kufanele yini kutsi lokuhle kukhokhelwe ngalokubi? Noko bangimbele umgodzi. Khumbula kutsi ngema embikwakho ngabancengela kuwe kutsi ngincandze lulaka lwakho kubo.

Numeri 16:15

Mosi watfukutsela wabila, watsi kuSimakadze: “Ungawemukeli umnikelo wabo. Angizange ngitsatse ngisho imbongolo kubo, futsi angikoni ngisho nome munye wabo.”

Lukha 23:41

Noko, setfu silungile, ngobe sitfola loko lokusifanele ngalesikwentile; kodvwa yena kute lakonile.”

Imisebenti yebaPhostoli 20:18

Batsi nabefika, watsi kubo: “Nani niyati kutsi bengiphila njani ngisesemkhatsini wenu ngaso sonkhe sikhatsi kusukela ngelilanga lengefika ngalo e-Asiya,

Imisebenti yebaPhostoli 20:26

Ngako-ke ngiyafakaza kulelilanga lalamuhla ngitsi anginacala lengati yenu nonkhe.

Imisebenti yebaPhostoli 24:16

Ngako-ke nami ngetama ngemandla ami onkhe ngetikhatsi tonkhe, kuze kutsi ngihlale nginanembeza longenacala kuNkulunkulu nakubantfu.

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

2 kubaseKorinthe 11:11

Leni? Ngobe nginganitsandzi yini? Nkulunkulu uyati kutsi ngiyanitsandza.

2 kubaseKorinthe 11:31

Nkulunkulu neYise weNkhosi Jesu, yena lofanele kudvunyiswa phakadze naphakadze, uyati kutsi angicali wona emanga.

2 kubaseKorinthe 4:2

Sesiyilahle yonkhe imisebenti yebumnyama neyelihlazo asiphili ngebucili, asiliphambanisi livi laNkulunkulu, kepha sibeka liciniso laNkulunkulu ebaleni, kunembeza webantfu bonkhe embikwaNkulunkulu.

2 kubaseKorinthe 5:11

Ngako-ke, njengobe sati kutsi kuyini kwesaba Nkulunkulu, setama kuzuza bonkhe bantfu. Nkulunkulu usati njengobe sinjalo; nami ngiyetsemba kutsi nani niyasicondzisisa.

2 kubaseKorinthe 7:2

Semukeleni ngenhlitiyo lemhlophe. Kute lesamona, kute lesamphatsa kabi, kute nalesamphamba.

1 kubaseThesalonika 1:5

Ngobe liVangeli lesanishumayela lona alifikanga kini ngemavi kuphela, kodvwa lefika ngemandla, nangaMoya Longcwele, seneliseka kutsi inshumayelo yetfu iliciniso. Niyati kutsi sasitiphatsa kanjani ngesikhatsi sisemkhatsini wenu. Konkhe loko sasikwenta ngenca yenu.

1 kubaseThesalonika 2:5

Tsine asizange sikhulume emagama ekuyenga, njengobe nani nati, asizange futsi sibe nebucili bekufisa bunjinga, Nkulunkulu ungufakazi.

2 kubaseThesalonika 3:7

Ngobe nani matfupha niyati kutsi kufanele nisilingise njani, tsine asizange sesivilaphe ngesikhatsi sisesemkhatsini wenu,

1 kuThimothi 4:12

Ungavumi kutsi busha bakho bedzeleleke kubantfu. Kodvwa bani sibonelo kulabakholwako; ube sibonelo ngekukhuluma, nangesimilo, nangelutsandvo, nangekukholwa, nangekuba msulwa.

2 kuThimothi 3:10

Kodvwa wena ungilandzele kunaku: esifundzisweni, nasekutiphatseni, nasemgomeni, nasekukholweni, nasekubeketeleni, naselutsandvweni, nasekubambeleleni,

1 yaPhetro 5:3

Ningatenti emakhosi etikwalabo lenibaphetse, kodvwa nibe tibonelo letinhle emhlambini leniwelusile.