1 kubaseKorinthe 3:14 - Siswati 1996 Bible

¹⁴ Nangabe umsebenti wemuntfu lawakhe esisekelweni ungashi, uyakwemukela umvuzo.

1 kubaseKorinthe 3:14 ပူးပေါင်းရင်းမြစ်များ

Danyela 12:3

Labo labahlakaniphile bayawucwebetela njengekumanyatela kwemazulu, nalabo labaholele labanye ekulungeni, bakhanye njengetinkhanyeti kuze kube nguphakadze naphakadze.

1 kubaseKorinthe 3:8

Lohlanyelako ulingana naloniselako, kodvwa ngulowo uyakwemukela umvuzo longangemsebenti wakhe.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

1 kubaseKorinthe 9:17

Ngobe nangabe loko ngikwenta ngekutsandza kwami, bengingabheka kubongwa; kepha nangabe kuphambene nentsandvo yami, kutawube kusho kutsi ngiphatsiswe nguNkulunkulu lomsebenti.

KubaseGalathiya 6:4

Kodvwa akube ngulowo atihlolele wakhe umsebenti, khona uyawuba nekutibonga ngekwakhe yedvwana, hhayi ngekwalomunye umuntfu.

1 kubaseThesalonika 2:19

Empeleni liyini litsemba letfu, nome injabulo, nome umchele wemsebenti wetfu lesingatibonga ngawo embikweNkhosi yetfu Jesu ekubuyeni kwayo? Akusini yini?

2 kuThimothi 4:7

Ngikulwile kulwa lokuhle, sengiyicedzile indzima yami, ngibambelele ekukholweni.

1 yaPhetro 5:1

Ngako ngiyabancenga babonisi labasemkhatsini wenu, njengobe nami ngingumbonisi kanye nabo, ngingufakazi wetinhlupheko taKhristu, nemhlanganyeli ebukhosini lobutakwembulwa, ngitsi:

1 yaPhetro 5:4

Mhlazana kubonakala uMelusi Lomkhulu, niyakwemukela umchele webukhosi longagugi.