1 kubaseKorinthe 2:15 - Siswati 1996 Bible

¹⁵ Kepha umuntfu lonaMoya waNkulunkulu uphenyisisa konkhe, kantsi kute muntfu longamphenyisisa yena.

1 kubaseKorinthe 2:15 ပူးပေါင်းရင်းမြစ်များ

2 Samuweli 14:17

“Manje-ke incekukati yakho itsi: ‘Shangatsi emavi enkhosi yami, inkhosi, angangiletsela kuphumula, ngobe phela inkhosi yami ifanana nengilosi yaNkulunkulu ekwehlukaniseni lokuhle kulokubi. Shangatsi Simakadze Nkulunkulu wakho angaba nawe.’ ”

Tihlabelelo 25:14

Timfihlakalo takhe, Simakadze, utinika labamesabako, abafundzise kwati sivumelwane sakhe.

Taga 28:5

Bantfu lababi abacondzi kahle lokulungile kutsi kuyini; kodvwa labo labakhonta Simakadze bakucondzisisa kahle konkhe.

Umshumayeli 8:5

Lohlonipha umyalo wenkhosi, kute lokungamfaka engotini. Umuntfu lohlakaniphile uyati enhlitiyweni yakhe sikhatsi lesilungile nendlela lekahle yekwenta tintfo.

Johane 7:17

Umuntfu nakatsandza kwenta intsandvo yaNkulunkulu utakwati ngalemfundziso yami, nome iphuma kuNkulunkulu, nome ngitikhulumela kwami nje.

Imisebenti yebaPhostoli 16:3

Pawula abetsandza kutsi ahambe naThimothi, ngako-ke wamtsatsa wamsoka ngenca yemaJuda labekhona kuleto tindzawo, ngobe onkhe abemati kutsi uyise abengumGriki.

1 kubaseKorinthe 14:37

Nangabe umuntfu atsi ungumphrofethi nome atsi waMoya, kufanele ati kutsi loku lenginibhalela kona ngumyalo weNkhosi.

1 kubaseKorinthe 3:1

Nami-ke, bazalwane, ngangehluleka kukhuluma kini njengakubantfu baMoya; kodvwa ngangikhuluma kini njengakubantfu bemhlaba, tinswane kuKhristu.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

KubaseGalathiya 6:1

Bazalwane, nangabe lomunye wenu asawele esonweni, nine bakaMoya, lowo mephuleni, loko nikwente ngemoya wekutfobeka; kodvwa nawe uticaphele, ngobe ungahle ulingeke.

KubaseFiliphi 1:10

nize nikwati kwehlukanisa lokuncono, nibe msulwa nibete sici, kuze kube lilanga laKhristu.

KubaseKholose 1:9

Kanjalo-ke natsi, kusukela mhlazana siva ngani, asizange siyekele kunithandazela, sinincusela kutsi niphelele ekwatini intsandvo yaNkulunkulu ngekuhlakanipha nekucondza konkhe kwaMoya.

1 kubaseThesalonika 5:21

Hlolisisani konkhe, nibambisise lokulungile,

KumaHebheru 5:14

Kudla lokucinile kwebantfu lasebakhulile, lasebanemicondvo lehlutekile, leseyikwati kwehlukanisa lokuhle nalokubi.

1 yaJohane 2:20

Kodvwa-ke nine nigcotjwe nguLongcwele, nonkhe ninalo lwati.

1 yaJohane 4:1

Batsandzekako, ningabohambe nikholwa ngibo bonkhe bomoya, nibobahlola bomoya kutsi baNkulunkulu yini, ngobe banyenti baphrofethi bemanga labaphumele eveni.