1 Emakhosi 9:27 - Siswati 1996 Bible

²⁷ Hiramu watfumela emadvodza akakhe, ematilosi labenelwati ngetaselwandle, kutsi asebente kanye nemadvodza akaSolomoni kuleyo mikhumbi.

1 Emakhosi 9:27 ပူးပေါင်းရင်းမြစ်များ

1 Emakhosi 10:11

[Imikhumbi yaHiramu leyayetfwala igolide iyitsatsa e-Ofiri, lapho yayiphindze itsatse nemitfwalo lemikhulu yetingodvo te-almugi neyematje laligugu.

1 Emakhosi 22:49

Ngaleso sikhatsi Ahaziya, umsa wa-Ahabi, wakhuluma kuJehoshafati, watsi: “Vumela emadvodza akami kutsi ahambisane nemadvodza akakho emikhunjini.” Kodvwa Jehoshafati wala.

1 Emakhosi 5:6

“Ngako ngicela utfumele emadvodza kutsi aye eLebanoni ayekungigawulela imisedari. Emadvodza akami atawubambisana nalawo akakho, kantsi ngitawakhokhela lawo madvodza akakho, nome ngabe ufuna malini yekuwaholela. Nawe uyati kutsi asinabo labangaba nelikhono ekugawuleni imisedari kwendlula emaSidoni.”

1 Emakhosi 5:9

Lamadvodza akami atatidvonsa atewuse kusuka eLebanoni kuya elwandle, ngitawube sengiyatibopha ngitintantise elwandle ngeminyaba yato, ngiye ngitibeke lapho ufuna khona. Lapho ngitawube sengiyatehlukanisa ngitibeka eceleni, wena bese uyatitsatsa. Lengikucelako kuwe kutsi ungiphe kudla kwendlu yebukhosi bami.”

1 Emakhosi 9:26

Inkhosi Solomoni waphindze wakha nemikhumbi e-Esiyoni Geberi lesedvutane ne-Elathi, ka-Edomu elugwini lweLwandle Lolubovu.

Hezekeli 27:8

Emadvodza aseSidoni newase-Avadi bekunguwona madvodza ekugwedla umkhumbi wakho; emadvodza akho labetingcweti, wena Thire, abekhwele emkhunjini angematilosi akho.