1 Emakhosi 9:25 - Siswati 1996 Bible

²⁵ Katsatfu ngemnyaka Solomoni abenta umnikelo wekushiswa nemnikelo wekuthula elatini labelakhele Simakadze, ashise nemphepho embikwaSimakadze kanye nayo, kuze atewufeza leyo mininingwane yasethempelini.

1 Emakhosi 9:25 ပူးပေါင်းရင်းမြစ်များ

1 Emakhosi 6:14

Solomoni walakha kanjalo nje lithempeli walicedza.

1 Emakhosi 6:38

Kwatsi emnyakeni welishumi namunye enyangeni yesiphohlongo, lenguBhuli, lithempeli laphela lonkhe, njengobe kwakuhleliwe. Watsatsa iminyaka lesikhombisa kulakha.

1 Emakhosi 6:9

Walakha kanjalo-ke lithempeli, waze walicedza, walifulela ngetingodvo kanye nangemapulango emsedari.

1 Tikhronike 23:13

Emadvodzana a-Amramu: Bekubo-Aroni naMosi; Aroni wehlukaniselwa, yena kanye nentalelwane yakhe phakadze naphakadze kutsi bakhonte ngato tonkhe tintfo letingcwelengcwele tihlale tingcwele, bashise imphepho embikwaSimakadze, bakhonte ebukhoneni bakhe basho netibusiso ngeLibito lakhe phakadze naphakadze.

2 Tikhronike 29:11

Madvodzana ami, ningacali nibe ngulabanganaki nyalo, ngobe Simakadze unikhetsile kutsi nime embikwakhe nimsebentele, nimkhonte nishise nemphepho embikwakhe.”

2 Tikhronike 34:25

Njengobe bangishiyile mine, batfuncisa imphepho kulabanye bonkulunkulu, bangitfukutselisa ngato tonkhe letithico labatibumbe ngetandla tabo, intfukutselo yami itawutfululelwa kulendzawo, futsi ingeke icisheke.’

2 Tikhronike 8:16

Yonkhe-ke imisebenti yaSolomoni yachubeka kusukela ngalelilanga lekwabekwa ngalo sisekelo selithempeli laSimakadze laze layawuphela. Lacedzelwa kanjalo-ke lithempeli laSimakadze.

Eksodusi 30:7

“Aroni utaboshisa imphepho lenuka kamnandzi, njalo nje ekuseni nakalungisa letibane.

Eksodusi 34:23

“Katsatfu ngemnyaka bonkhe labadvuna bakho bayawutibonakalisa eNkhosini lenguSimakadze, Nkulunkulu wema-Israyeli.

Dutheronomi 16:16

“Onkhe emadvodza esive sakini kufanele ete katsatfu ngemnyaka atetibonakalisa kuSimakadze Nkulunkulu wenu kuleyo ndzawo Simakadze latayikhetsa: eMkhosini Wesinkhwa Lesingenambiliso, naseMkhosini Wemaviki, naseMkhosini Wemadlangala. Kufanele kubete indvodza leyawuta itetibonakalisa kuSimakadze ingakaphatsi lutfo.

Tikhulu 11:40

lekutsi njalo nje ngemnyaka emantfombatana langema-Israyeli ahamba emalanga lamane ayekwenta umkhosi wekukhumbula indvodzakati yaJeftha wakaGileyadi.