1 Emakhosi 9:15 - Siswati 1996 Bible

¹⁵ Lona ngumlandvo wenkhosi Solomoni ngekubutsekisa kwakhe bantfu nekubasebentisa kwakhe ngenkhani ekwakheni lithempeli laSimakadze, nesigodlo sakhe, nasekwakheni tibebesi, nasekwakheni lubondza lwaseJerusalema, neHasori, neMegido kanye neGezeri.

1 Emakhosi 9:15 ပူးပေါင်းရင်းမြစ်များ

2 Samuweli 5:9

Davide watsi kube ayitfumbe lenqaba, wabe sewuhlala kuyo, wayetsa libito watsi Lidolobha laDavide. Wakha lidolobha ndzawo tonkhe kuyitungeleta, kusukela kulendzawo leyayigcwalisiwe ngasemphumalanga neligcuma.

1 Emakhosi 11:27

Lena yindzaba yakhe yekutsi wayivukela kanjani inkhosi. Solomoni bekakhe tibebesi, wase ucedzela kuvala nalesikhala lesasiselubondzeni lweliDolobha laDavide, uyise.

1 Emakhosi 12:4

“Uyihlo abesetfwese lijoko lelimatima kakhulu, manje-ke wena sinciphisele lomtfwalo lomatima nalelijoko lelimatima labelibeke etikwetfu, tsine sitakukhonta.”

1 Emakhosi 3:1

Solomoni wakha buhlobo naFaro, inkhosi yaseGibhithe, washada nendvodzakati yakhe. Wayitsatsa wayibeka eDolobheni laDavide, waze wacedza kwakha sigodlo sakhe, nelithempeli laSimakadze kanye netibondza letatitungelete iJerusalema.

1 Emakhosi 4:12

Bhana, umsa wa-Ahiludi, abesikhulu saseThanaki, naseMegido, nakulo lonkhe lase Bhethi Shani, ngaseSarethani ngentasi kweJezreyeli, kusuka eBhethi Shani, kuze kuyewufika e-Abela Mehola, nangesheya kubheka ngaseJokmeyamu.

1 Emakhosi 5:13

Inkhosi Solomoni yabutsekisa ngenkhani tisebenti kulo lonkhe laka-Israyeli, emadvodza lati-30 000.

1 Emakhosi 6:38

Kwatsi emnyakeni welishumi namunye enyangeni yesiphohlongo, lenguBhuli, lithempeli laphela lonkhe, njengobe kwakuhleliwe. Watsatsa iminyaka lesikhombisa kulakha.

1 Emakhosi 9:10

Ekupheleni kweminyaka lengema-20 Solomoni labekakha ngayo tindlu letimbili: lithempeli laSimakadze nesigodlo senkhosi,

1 Emakhosi 9:21

lokusho kutsi titukulwane tato letatisasele kulo lonkhe live, lapho ema-Israyeli ehluleka khona kutibhubhisa aticedze, tonkhe-ke leto tive Solomoni watibutsekisa watisebentisa ngekutigcilata, njengobe kusenjalo nalamhla loku.

1 Emakhosi 9:24

Kwatsi kube kufike indvodzakati yaFaro iphuma eDolobheni laDavide, ite esigodlweni Solomoni labesayakhele sona, Solomoni wakha tibebesi.

2 Emakhosi 12:20

Tindvuna takhe tamakhela luzungu tamsontsela eBhethi Milo, emgwacweni locondze eSila.

2 Emakhosi 15:29

Ngesikhatsi saPhekha, inkhosi yaka-Israyeli, Thiglathi Phileseri, inkhosi yase Asiriya, yefika yatfumba i-Ijoni, ne-Abela Bhethi Makha, neJanowa, neKhedeshi kanye neHasori. Watfumba iGileyadi, neGalile, nalo lonkhe live lakaNaftali, bantfu wabatfumba wabayisa e-Asiriya.

2 Emakhosi 9:27

Watsi kube Ahaziya, inkhosi yakaJuda, akubone konkhe lokwase kwentekile, wabaleka ngemgwaco wacondza eBhethi Hagani. Jehu wamcosha, amemeta, atsi: “Mbulaleni naye!” Bamgwaza asesencoleni yakhe emanceba lamabi ngesikhatsi asabaleka ngemgwaco loya eGuri ngaseJibleyamu, kodvwa noko wabaleka wangenisa eMegido, wafike wafela khona.

1 Tikhronike 20:4

Kwaphindza futsi kwabhedvuka lenye imphi emkhatsini wemaFilisti nema-Israyeli eGezeri. Ngaleso sikhatsi Sibhekayi, waseHusha, wabulala lesinye sichwaga lekwakutsiwa nguSiphayi, lomunye webatukulu baRefa; ngako emaFilisti entiwa aba tisebenti tema-Israyeli.

1 Tikhronike 6:67

Eveni letintsaba kulaka-Efrayimu tabelwa iShekhemu, lidolobha lekukhosela, neGezeri,

2 Tikhronike 35:22

Kodvwa Josaya akazange afune kugucuka, wesuka watigucula tembatfo takhe wangena emphini, walwa naye. Akazange alalele loko lokwakushiwo nguNekho ngekuyalwa nguNkulunkulu, kodvwa wachubeka wayakulwa naye emphini yaseMegido.

2 Tikhronike 8:1

Ekupheleni kweminyaka lengema-20 Solomoni labekakha ngayo lithempeli laSimakadze kanye nesigodlo sakhe,

Tihlabelelo 51:18

Yentela iSiyoni lokuhle ngekwemusa wakho, utakhe kabusha tindvonga taseJerusalema.

Zakhariya 12:11

Ngalelo langa kulila kwaseJerusalema kuyakuba kukhulu, kube njengekulila kwaHadadi Rimoni etsafeni laseMegido.

Joshuwa 10:33

Horamu, inkhosi yaseGezeri, abekhuphuke nemphi yakhe naye atsi utewusita baseLakhishi, kodvwa Joshuwa wabehlula yena nemphi yakhe yonkhe; kwabate ngisho namunye lowaphunyula.

Joshuwa 11:1

Watsi kube Jabini, inkhosi yaseHasori, akuve loku, watfumela livi kuJobabi, inkhosi yaseMadoni, nasenkhosini yaseShimironi neyase-Akshafu,

Joshuwa 16:10

Atizange tikhone kuwacosha emaKhenani labehlala eGezeri; nalamuhla loku emaKhenani seloku ahlala ndzawonye nesive saka-Efrayimu, kodvwa asetjentiswa kamatima.

Joshuwa 16:3

lehlele ngasenshonalanga eveni lesive semaJafulethi, kuze kuyewufika esifundzeni saseBhethi Horoni Lengentasi, lendlulele eGezeri, ligcine elwandle.

Joshuwa 17:11

Emkhatsini welaka-Isakhari nelaka-Asheri lakaManase lalineBhethi Shani, neJibleyamu, nesive saseDori, nase-Eni Dori, naseThanaki, naseMegido, ndzawonye kanye nemiti leyayitungelete lawo madolobha.

Joshuwa 19:36

ne-Adama, neRama, neHasori,

Joshuwa 21:21

Eveni letintsaba kulaka-Efrayimu anikwa iShekhemu, lidolobha lekukhosela kwalowo lonelicala lekubulala, neGezeri,

Tikhulu 1:29

Sive saka-Efrayimu naso asizange siwacoshe emaKhenani labehlala eGezeri, kodvwa emaKhenani achubeka ahlala kanye naso kulelo live.

Tikhulu 4:2

Ngako Simakadze wawanikela kuJabini, inkhosi yaseKhenani, labebusa eHasori. Indvuna yemphi yakhe kwakunguSisera, labehlala eHaroshethi Hagoyimu.

Tikhulu 5:19

“Emakhosi eta, alwa; emakhosi aseKhenani alwa khona eThanaki ngasemitfonjeni yaseMegido, kodvwa abetfwalanga siliva, ngisho nemphango.

Tikhulu 9:20

Kodvwa nakungenjalo, akuphume umlilo ku-Abimeleki unidle, nine takhamiti taseShekhemu netaseBhethi Milo; akuphume umlilo nakini, nine takhamiti taseShekhemu netaseBhethi Milo, udle Abimeleki!”

Tikhulu 9:6

Tonkhe takhamiti taseShekhemu nabo bonkhe baseBhethi Milo babutsana ngephansi kwesihlahla se-okhi ensikeni yaseShekhemu batewubeka Abimeleki kutsi abe yinkhosi.