1 Emakhosi 8:66 - Siswati 1996 Bible

⁶⁶ Kwatsi ngelilanga lelilandzelako wabe sewuyabacitsa bantfu. Batsi kube bantfu bayibusise inkhosi, babuyela emakhaya abo bajabule kakhulu, batsakasile etinhlitiyweni tabo ngako konkhe lokuhle Simakadze labekwentele inceku yakhe Davide kanye nesive sakhe, ema-Israyeli.

1 Emakhosi 8:66 ပူးပေါင်းရင်းမြစ်များ

Genesisi 47:7

Josefa wabe sewungenisa Jakobe, uyise, wametfula kuFaro. Jakobe wakhulekela kuFaro amfisela tibusiso.

1 Emakhosi 8:1

Inkhosi Solomoni yase imema tonkhe timphunga tema-Israyeli kutsi tite eJerusalema, nabo bonkhe baholi betive tema-Israyeli, netinhloko tetindlu tema-Israyeli, kutsi tite enkhosini Solomoni tiletse libhokisi lesivumelwane saSimakadze, lisuke eSiyoni, Lidolobha laDavide.

1 Emakhosi 8:47

nangabe-ke sebaphendvuka ngenhlitiyo yabo lena eveni lapho batigcili khona, bagucuke bancuse kuwe baseveni lebatfumbi babo batsi: ‘Sonile kuwe, senta lokuphambene nawe; sente kabi,’

1 Emakhosi 8:65

Ngako-ke Solomoni wenta lomkhosi ngaleso sikhatsi kanye naso sonkhe sive sema-Israyeli, bekungumhlangano lomkhulu kakhulu, bantfu babephuma kusukela eLebo Hamathi kuze kuyewufika emfudlaneni waseGibhithe. Bawenta embikwaSimakadze Nkulunkulu wetfu emalanga lasikhombisa nemalanga lasikhombisa, emalanga lali-14 asawonkhe.

1 Emakhosi 9:1

Watsi kube Solomoni acedze kwakha lithempeli laSimakadze kanye nesigodlo sakhe, asakufeze konkhe labefise kukwenta,

2 Tikhronike 29:36

Hezekiya nabo bonkhe bantfu bakujabulela loko Nkulunkulu labesakwentele sive sakhe, ngobe kwenteka masinyane.

2 Tikhronike 30:26

Kwaba nekujabula lokukhulu eJerusalema, ngobe kusukela etikhatsini taSolomoni, umsa waDavide, inkhosi yaka-Israyeli, kwakungazange kube khona lokufanana naloko eJerusalema.

2 Tikhronike 7:10

Kwatsi ngelilanga lema-23 ngenyanga yesikhombisa Solomoni wase uyabacitsa bantfu, babuyela emakhaya abo bajabule kakhulu batsakasile etinhlitiyweni tabo ngaloko lokuhle Simakadze labekwentele Davide naSolomoni kanye naso sive sakhe sema-Israyeli.

Nehemiya 8:10

Nehemiya wakhuluma esiveni, watsi: “Hambani niye emakhaya enu niyekudla kudla kwelikhetselo netinatfo letimnandzi, niphe nalabo labangenalutfo. Leli lilanga lelingcwele kuSimakadze wetfu. Ningakhatsateki, ngobe injabulo yenu levela kuSimakadze ingemandla enu.”

Nehemiya 9:25

Batfumba emadolobha labetinqaba, nemhlabatsi lovundzile, badla tindlu letatigcwele tonkhe tinhlobo tetintfo letinhle, nemitfombo leyase imbiwe, netivini, netihlahla temincumo kanye netihlahla tetitselo letinyenti. Badla besutsa, bondleka kahle, batitika ngekulunga kwakho lokukhulu.

Tihlabelelo 122:6

Thandazelani kutsi kube nekuthula eJerusalema: “Shangatsi bangaphumelela babe nenhlanhla, bantfu labatsandza wena, Jerusalema.

Tihlabelelo 122:9

Ngenca yendlu yaSimakadze, Nkulunkulu wetfu, ngikucelela inchubekelaphambili.

Isaya 63:7

Ngiyawukhuluma ngebukhulu bemusa waSimakadze, ngibonge tento takhe lekufanele advunyiselwe tona, ngidvumise konkhe loko Simakadze lasentele kona, yebo, tintfo letinyenti letinhle latentele indlu yaka-Israyeli, ngesihawu sakhe nangemusa wakhe lomkhulukati.

Zefaniya 3:14

Hlabela, Ndvodzakati yaseSiyoni; memeta kakhulu, wena Israyeli! Jabula utfokote ngayo yonkhe inhlitiyo yakho, Ndvodzakati yaseJerusalema!

Zakhariya 9:17

Maye, live lakhe liyawuba lihle bo! Futsi liyawubukeka lilihle kakhulu. Lokutinhlavu kuyawukwenta tinsizwa tiphumelele, neliwayini lelisha lente emantfombatane ondleke.

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Imisebenti yebaPhostoli 2:46

Onkhe emalanga babecinisela njalo ekuhlanganeni ethempelini, banhlitiyonye, babevakashelana emakhaya, badle ndzawonye ngetinhlitiyo letijabulako naletitfobekile,

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

Dutheronomi 12:12

Tfokotani kuSimakadze Nkulunkulu wenu, nine nemadvodzana nemadvodzakati enu, netisebenti tenu letidvuna naletisikati, nemLevi lohlala kulelo dolobha lenu, njengobe yena ate sabelo nome lifa lelingelakhe.

Dutheronomi 12:18

Kodvwa niyawutidlela embikwaSimakadze Nkulunkulu wenu endzaweni leyawukhetfwa nguSimakadze Nkulunkulu wenu, nine nemadvodzana enu, nemadvodzakati enu, netisebenti tenu letidvuna naletisikati, kanye nemaLevi lahlala emadolobheni enu. Niyawujabula embikwaSimakadze Nkulunkulu wenu kuko konkhe leniyawukwenta.

Dutheronomi 12:7

Ngulapho-ke lapho niyawudlela khona nine nemindeni yenu, nijabule embikwaSimakadze ngako konkhe lenabeka sandla senu kuko, ngobe Simakadze Nkulunkulu wenu anibusisile.

Dutheronomi 16:11

Niyawujabula embikwaSimakadze Nkulunkulu wenu endzaweni layakuyikhetsela kubeka Libito lakhe, kujabule nine, kanye nemadvodzana nemadvodzakati enu, netigcili netigcilikati tenu, nemaLevi lakulamadolobha enu, nebetive, netintsandzane, nebafelokati labahlala kanye nani.

KubaseFiliphi 4:4

Tfokotani eNkhosini njalonjalo. Ngiyaphindza futsi ngitsi: Tfokotani.

Joshuwa 22:6

Ngako Joshuwa wababusisa, wase uyabahambisa, babuyela emakhaya abo.