1 Emakhosi 8:65 - Siswati 1996 Bible

⁶⁵ Ngako-ke Solomoni wenta lomkhosi ngaleso sikhatsi kanye naso sonkhe sive sema-Israyeli, bekungumhlangano lomkhulu kakhulu, bantfu babephuma kusukela eLebo Hamathi kuze kuyewufika emfudlaneni waseGibhithe. Bawenta embikwaSimakadze Nkulunkulu wetfu emalanga lasikhombisa nemalanga lasikhombisa, emalanga lali-14 asawonkhe.

1 Emakhosi 8:65 ပူးပေါင်းရင်းမြစ်များ

Genesisi 15:18

Ngalo lelo langa Simakadze wenta sivumelwane na-Abrama, watsi: “Lelive ngilinika situkulwane sakho, kusukela emfuleni waseGibhithe kuze kufike emfuleni lomkhulu iYufrathe,

1 Emakhosi 3:15

Solomoni wase uyaphaphama. Wabona kutsi abebhudza. Wancandzeka wabuyela eJerusalema, wafike wema embikwelibhokisi lesivumelwane saSimakadze wenta imihlatjelo yekushiswa neyekuthula. Emvakwaloko wase wenta lidzili labo bonkhe bantfu basesigodlweni sakhe.

1 Emakhosi 4:21

Solomoni abebusa etikwayo yonkhe imibuso kusukela emfuleni iYufrathe, kuye eveni lemaFilisti, kuze kuyewufika emnyeleni waseGibhithe. Onkhe-ke lawo mave abeletsa tetfulo tawo kuSolomoni, ngobe abebuswa nguye imphilo yakhe yonkhe.

1 Emakhosi 4:24

Wabusa yonkhe imibuso leyayingasenshonalanga kwemfula iYufrathe, kusukela eThifsa kuye eGaza, ahlalisene ngekuthula nato tonkhe tive letatimtungeletile.

1 Emakhosi 8:2

Onkhe emadvodza aka-Israyeli abutsana kuSolomoni, inkhosi, ngesikhatsi semkhosi wenyanga ya-Ethanimu, inyanga yesikhombisa.

1 Emakhosi 8:66

Kwatsi ngelilanga lelilandzelako wabe sewuyabacitsa bantfu. Batsi kube bantfu bayibusise inkhosi, babuyela emakhaya abo bajabule kakhulu, batsakasile etinhlitiyweni tabo ngako konkhe lokuhle Simakadze labekwentele inceku yakhe Davide kanye nesive sakhe, ema-Israyeli.

2 Emakhosi 14:25

Nguye lowabuyisela iminyele yaka-Israyeli kusukela eLebo Hamathi kuye eLwandle lwase-Arabha, njengekusho kwelivi laSimakadze, Nkulunkulu wema-Israyeli, lalikhuluma ngenceku yakhe Jona, umsa wa-Amithayi, umphrofethi waseGathi Heferi.

2 Emakhosi 17:24

Inkhosi yase-Asiriya yaletsa bantfu baseBhabhulona nebaseKutha, nebase-Ava, nebaseHamathi, nebaseSefavayimu, yabahlalisa emadolobheni aseSamariya, esikhundleni sema-Israyeli. Bayitsatsa-ke iSamariya, bahlala emadolobheni ayo.

2 Emakhosi 23:33

Faro Nekho wambopha ngetinketane eRibla, eveni laseHamathi, kuze kutsi angakhoni kubusa eJerusalema, wabe sewuhlisibeta bakaJuda ngemtselo wesiliva lengemakhilogremu labengaba ti-3 400, negolide lengemakhilogremu labengaba ngema-34.

1 Tikhronike 1:16

nema-Avadi, nemaSemari, nemaHamathi.

1 Tikhronike 13:5

Ngako Davide wahlanganisa onkhe ema-Israyeli, kusukela emfuleni iShihori, eGibhithe, kuze kuyewufika eLebo Hamathi, kuze atewulandza libhokisi lesivumelwane saNkulunkulu eKhiriyathi Jeyarimu.

2 Tikhronike 30:13

Kwahlangana lesikhulu sicumbi sebantfu eJerusalema kutawugubha uMkhosi Wesinkhwa Lesingenambiliso enyangeni yesibili.

2 Tikhronike 30:23

Lonkhe lelo bandla lavuma kutsi liwugubhe lomkhosi emalanga lasikhombisa ngetulu; ngako baphindze bawugubha ngekujabula lomkhosi emalanga lasikhombisa ngetulu.

Eksodusi 23:31

Iminyele yenu ngitayibeka isuke eLwandle Lolubovu kuye eLwandle lwemaFilisti, kuye ehlane, kuze kufike emfuleni. Takhamiti talelive ngiyawutinikela esandleni senu, niyawubacitsa nibakhiphele ngephandle.

Isaya 27:12

Ngalelo langa Simakadze uyawubabhula kusukela emfuleni iYufrathe kuze kuyewufika emfuleni waseGibhithe, nine-ke ma-Israyeli, niyawubutfwa ngamunye ngamunye.

Hezekeli 47:19

“Ngaseningizimu uyawusuka eThamari ubange ngasemantini aseMeribha Khadeshi, ugudle uMfudlana waseGibhithe, ucondze eLwandle Lolukhulu. Lowo-ke kuyawuba ngumnyele wangaseningizimu.

Amose 6:14

Kodvwa Simakadze Nkulunkulu longuSomandla uyakhuluma utsi: “Ngiyawuchukuluta sive, sinivukele, ninendlu yaka-Israyeli. Leso sive siyawunicindzetela yonkhe indlela kusukela eLebo Hamathi kuze kuyewufika esigodzini sase-Arabha.”

Amose 6:2

Kutsiwa: “Hambani niye eKhalne, niye kuyibuka. Nibosuka lapho nicondze eHamathi lenkhulu, nisuke lapho nehlele eGathi yaseFilistiya! Nine nincono yini kunaleyo mibuso? Live labo lalilikhulu yini kunelenu?”

Numeri 34:5

lapho utawufike ujike khona, ucondze emfudlaneni waseGibhithe uhambelane nawo ugcine eLwandle.

Numeri 34:8

usuke eHori ucondze eLebo Hamathi. Lomnyele utawuhamba ucondze eSedadi,

Joshuwa 13:3

kusukela eMfuleni iShihori, emphumalanga neGibhithe, kuye eveni la-Ekroni ngasenyakatfo, lonkhe libalwa ngekutsi lemaKhenani, live lebabusi bemaFilisti labasihlanu eGaza, nase-Ashdodi, nase-Ashkeloni naseGathi, kanye nase-Ekroni kulema-Avi;

Joshuwa 13:5

nelive lemaGebali; nayo yonkhe iLebanoni ngasemphumalanga, kusukela eBhali Gadi, ngaphansi kweNtsaba iHemoni, kuye eLebo Hamathi.

Joshuwa 15:1

Live lelasikelwa sive sakaJuda, lusendvo ngelusendvo, lalehla licondze eningizimu emnyeleni waka-Edomu liye eHlane laseSini, ngasekugcineni eningizimu.

Joshuwa 15:4

Wawendlula ucondze e-Asmoni, uhlangane neMfudlana waseGibhithe, ugcine elwandle. Kwaba ngulowo-ke umnyele wabo wangaseningizimu.

Joshuwa 19:35

Emadolobha latinqaba kwaba yiSidimu, neSeri, neHamathi, neRakhathi, neKhinerethi,

Tikhulu 3:3

kwakunguletive: emakhosi lasihlanu emaFilisti, nawo onkhe emaKhenani, nemaSidoni, nemaHivi labehlala etintsabeni taseLebanoni, kusukela eNtsabeni iBhali Hemoni kuze kuyewufika eLebo Hamathi.