1 Emakhosi 8:58 - Siswati 1996 Bible

⁵⁸ Akamane agucule tinhlitiyo tetfu tibuke kuye, kutsi sihambe ngato tonkhe tindlela takhe, sigcine imiyalo yakhe, netimiso takhe, nemitsetfo yakhe layinika bobabemkhulu.

1 Emakhosi 8:58 ပူးပေါင်းရင်းမြစ်များ

1 Emakhosi 8:59

Shangatsi lamavi ami, lengiwathandaze lapha embikwaSimakadze, angaba sedvutane naSimakadze Nkulunkulu wetfu, emini nasebusuku, kuze asimise indlela yenceku yakhe, nendlela yesive sakhe, ema-Israyeli, njengekwemalanga onkhe,

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Tihlabelelo 119:36

Condzisa inhlitiyo yami ekutfobeleni timiso takho, ingalitjatiswa yingcebo.

Ingoma Yetingoma 1:4

Ngitsatse ngihambe nawe, asisheshise! Inkhosi ayingingenise esigodlweni sayo. Siyajabula sikutsakasele; sitaludvumisa lutsandvo lwakho, siludvumise kwendlula liwayini. Kufanele kutsi bakutsandze.

Jeremiya 31:33

Simakadze utsi: “Ngulesi sivumelwane lengiyakusenta nendlu yaka-Israyeli emvakwaleso sikhatsi: Ngiyawufaka umtsetfo wami etingcondvweni tabo, ngiwubhale etinhlitiyweni tabo. Ngiyawuba nguNkulunkulu wabo, bona babe bantfu bami.

Dutheronomi 4:1

“Lalelani sive sema-Israyeli imiyalo nemitsetfo lesengitanifundzisa yona. Hambani ngayo, khona nitewuphila ningene eveni nilidle, live Simakadze, Nkulunkulu wabokhokho benu, lanipha lona.

Dutheronomi 4:45

Lena ngimilayeto, nemiyalo, nemitsetfo Mosi labanika yona nabaphuma eGibhithe,

Dutheronomi 6:1

“Lena ngimiyalo, netimiso, nemitsetfo Simakadze Nkulunkulu wenu langiyale ngayo kutsi nginifundzise yona kutsi niyigcine eveni lenitakwewela iJordane newelele kulo kutsi libe lenu,

KubaseFiliphi 2:13

ngobe nguNkulunkulu losebenta kini kutsandza nekwenta ngekwentsandvo yakhe lenhle.

KumaHebheru 13:21

anganiphelelisa kuko konkhe lokuhle, kuze nente intsandvo yakhe, asebente kini ente ngaJesu Khristu loko lokujabulisako emehlweni akhe. Ludvumo alube kuKhristu phakadze naphakadze. Amen.

Joshuwa 24:23

Joshuwa wakhuluma kubo, watsi: “Manje sale senibalahla labonkulunkulu betive labasemkhatsini wenu bese ninikela tinhlitiyo tenu kuSimakadze, Nkulunkulu wema-Israyeli.”