1 Emakhosi 8:46 - Siswati 1996 Bible

⁴⁶ “Nangabe bona kuwe, ngobe kute longoni, wena bese uyabatfukutselela, ubanikele etitseni tabo letiyawubatsatsa tibatfumbele eveni lato lelikhashane nome lelisedvute,

1 Emakhosi 8:46 ပူးပေါင်းရင်းမြစ်များ

1 Emakhosi 8:45

ubobe sewuyayiva imithandazo yabo usezulwini lakho uve nekuncusa kwabo, ucolele indlela yabo.

2 Emakhosi 17:18

Simakadze wase uyabatfukutselela baka-Israyeli, wabesusa ebukhoneni bakhe, kwasala kuphela sive sakaJuda;

2 Emakhosi 17:23

waze wabesusa Simakadze ebukhoneni bakhe, njengobe abevele abecwayisile ngato tonkhe tinceku takhe baphrofethi. Ngako-ke bantfu baka-Israyeli batsatfwa emitini yabo naseveni labo, bayiswa ekutfunjweni e-Asiriya; basesekhona lapho nalamhlanje.

2 Emakhosi 17:6

Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.

2 Emakhosi 25:21

Lapha eRibla, eveni laseHamathi, inkhosi yafike yababulalela khona. Ngako-ke sive sakaJuda satfunjelwa khashane nelive laso.

2 Tikhronike 6:36

“Nangabe bona kuwe, ngobe kute longoni, wena bese uyabatfukutselela, ubanikele etitseni tabo letiyawubatsatsa tibatfumbele eveni lelikhashane nome lelisedvute,

Jobe 14:4

Ngubani longakhipha lokuhlantekile kulokungakahlanteki? Kute!

Tihlabelelo 130:3

Kube wena, Simakadze, bewusibalela tono tetfu, ngubani labengaphunyula, angalahlwa?

Tihlabelelo 130:4

Kodvwa wena uyasitsetselela, kuze sitewuhlala ngekukwesaba.

Tihlabelelo 143:2

Ungangibeki licala mine, nceku yakho, ngobe kute umuntfu lomsulwa kuwe.

Tihlabelelo 19:12

Ngubani nje longabona tiphosiso takhe? Simakadze, ngikhulule etonweni letifihlekile.

Taga 20:9

Ngubani longasho atsi: “Inhlitiyo yami ngiyigcine imsulwa, ngihlantiwe esonweni sami”?

Umshumayeli 7:20

Kute nome munye umuntfu lolungile emhlabeni lowenta lokuhle kuphela, kubete lakonako.

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.

Lukha 21:24

bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.

KubaseRoma 3:23

Bonkhe bantfu bonile, bakhashane kakhulu nenkhatimulo yaNkulunkulu.

KubaseGalathiya 3:22

Kodvwa umBhalo utsi bonkhe bantfu bangephansi kwemandla esono, kuze kutsi loko lokwetsenjiswa ekukholweni nguKhristu Jesu kuniketwe labakholwako.

Dutheronomi 28:36

“Simakadze uyawunicosha kanye nenkhosi yenu lenitibekele yona, niye esiveni leningasati nine kanye naboyihlomkhulu. Ngulapho niyawufike nikhonte labanye bonkulunkulu khona, bonkulunkulu labentiwe ngetigodvo nangematje.

Dutheronomi 29:28

Ngekuvutsa kwentfukutselo nangebumatima belulaka lwakhe Simakadze wabasiphula eveni labo waya wayawubatsela kulelinye live, njengobe kunjalo nje lamuhla.’

YaJakobe 3:2

Ngobe sonkhe siphosisa ngetindlela letinyenti; nakukhona longaphosisi ngekukhuluma, lowo uphelele ngempela, ngobe uyakwati kubamba ngisho nemtimba wakhe wonkhe shangatsi ngematomu.