1 Emakhosi 8:36 - Siswati 1996 Bible

³⁶ wena ubobe sewuyeva usezulwini lakho utsetselele sono setinceku takho, sive sakho, ema-Israyeli. Bafundzise indlela lelungile yekuphila, bese wehlisela imvula eveni labo, lowabapha lona bantfu bakho kutsi libe lifa labo.

1 Emakhosi 8:36 ပူးပေါင်းရင်းမြစ်များ

1 Emakhosi 18:1

Emvakwesikhatsi lesidze, emnyakeni wesitsatfu wesomiso, livi laSimakadze lefika ku-Elija, latsi: “Hamba uyekutiveta ku-Ahabi, ngitawutfumela imvula eveni.”

1 Emakhosi 18:41

Elija wakhuluma ku-Ahabi, watsi: “Hamba, uyekudla unatse, ngobe kukhona umsindvo wemvula lenkhulu.”

1 Emakhosi 18:45

Ngasona leso sikhatsi litulu lacungutela letfwala laba nemafu lamnyama, kwahhusha umoya, latsela lenkhulu imvula, Ahabi wakhwela incola yakhe, wahamba waya eJezreyeli.

Tihlabelelo 119:133

Condzisa tinyatselo tami evini lakho, angingabuswa ngisho nangulobuncane bubi.

Tihlabelelo 119:33

Ngifundzise, Simakadze, kuhamba ngetimiso takho, khona ngiyawuhamba ngato, kuze kubesekupheleni.

Tihlabelelo 143:8

Ngivise umusa wakho ekuseni nakudzabuka kusa, ngobe litsemba lami lonkhe likuwe. Ngifundzise indlela lekufanele ngihambe ngayo, ngobe umphefumulo wami ngiwuphakamisela kuwe.

Tihlabelelo 25:12

Ngubani lowesaba Simakadze? Lowo uyawumfundzisa leyo ndlela, lekhetselwe yena.

Tihlabelelo 25:8

Simakadze muhle ulungile, ngako-ke ufundzisa toni indlela lekungiyo sibili.

Tihlabelelo 27:11

Ngifundzise indlela yakho, Simakadze, ungihole endleleni lecondzile ngenca yetitsa tami.

Tihlabelelo 32:8

Simakadze utsi: “Mine ngiyawukufundzisa ngikukhombise indlela lofanele kuhamba ngayo, ngikweluleke, liso lami lingesuki kuwe.

Tihlabelelo 5:8

Simakadze, ngihole ngekulunga kwakho, ngobe nginetitsa, condzisa indlela yakho embikwami.

Tihlabelelo 68:10

Sive sakho sakha emakhaya aso kulo, ngebuhle bakho, Nkulunkulu, uyabalungisela labeswele.

Tihlabelelo 68:9

Wanisa imvula lenkhulu, Nkulunkulu, wahlumisa live lakho lelase ligagadzekile.

Tihlabelelo 86:11

Ngifundzise indlela yakho, Simakadze, ngiyawuhamba ecinisweni lakho; yenta inhlitiyo yami ihlose intfo yinye: kutsi ilesabe libito lakho.

Tihlabelelo 94:12

Yebo, Simakadze! Ubusisiwe umuntfu loyalwa nguwe, afundziswe nguwe emtsetfweni wakho,

Isaya 30:21

Nome nijikela ngesekudla nome ngesancele, tindlebe tenu tiyakuva livi emvakwenu litsi: “Nansi indlela, hambani ngayo.”

Isaya 35:8

Kuyawuba khona umgwaco lomkhulu lapho, uyawubitwa ngekutsi Yindlela Yebungcwele. Labangcolile ngeke bahambe ngawo, uyakuba walabo labahamba ngawo lomgwaco, tilima letikhohlakele ngeke tihambahambe ngawo.

Jeremiya 14:22

Sikhona yini sona sinye setithico tebetive letingenamsebenti lesiletsa imvula? Tona tibhakabhaka ngekwato tiyatehlisa yini tihlambi temvula? Cha, nguwe, lowenta loko, Simakadze Nkulunkulu wetfu. Ngako-ke litsemba letfu likuwe, ngobe nguwe lowenta konkhe loku.

Jeremiya 42:3

Thandaza ucele kuSimakadze Nkulunkulu wakho kutsi asitjele kutsi sesitakuya kuphi nekutsi kufanele senteni.”

Jeremiya 6:16

Naku lokushiwo nguSimakadze, utsi: “Manini emahlanganweni etindlela, nibuke, butani tindlela takadzeni, butani kutsi nguyiphi indlela lelungile, bese nihamba ngayo, niyawutfola kuphumula kwemiphefumulo yenu. Kodvwa nine natsi: ‘Singeke sihambe ngayo.’

Joweli 2:23

Jabulani, nine sive saseSiyoni, tfokotani kuSimakadze Nkulunkulu wenu, ngobe sewuniphe umfundzisi wekulunga. Unitfumela imvula lenyenti, imvula yasekwindla neyasentfwasahlobo njengakucala.

Mikha 4:2

Tive letinyenti tiyawufika titsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe. Ngobe umtsetfo uyawuphuma eSiyoni, livi laSimakadze liphume eJerusalema.”

Matewu 22:16

Base batfumela kuye labanye bafundzi babo kanye nemalunga ephathi yemaHerodi. Befike batsi: “Mfundzisi, siyati kutsi wena uneliciniso, ufundzisa indlela yaNkulunkulu ngeliciniso, awunaki muntfu, ngobe awubuki buso bemuntfu.

1 Samuweli 12:23

Kodvwa mine akube khashane nami kutsi ngingona kuSimakadze ngekutsi ngingete nganikhulekela. Ngitanifundzisa indlela lenguyonayona nalelungile.