1 Emakhosi 8:30 - Siswati 1996 Bible

³⁰ Vani kuncusa kwenceku yakho kanye nekwesive sakho sema-Israyeli, nasithandaza sibheke kulendzawo. Vani usetulu ezulwini, indzawo yakho yekuhlala, ubotsi ungeva, bese uyatsetselela.

1 Emakhosi 8:30 ပူးပေါင်းရင်းမြစ်များ

1 Emakhosi 8:34

ubobe sewuyeva usezulwini lakho utsetselele sono sesive sakho, ema-Israyeli, usibuyisele emuva eveni lowalipha boyisemkhulu.

1 Emakhosi 8:36

wena ubobe sewuyeva usezulwini lakho utsetselele sono setinceku takho, sive sakho, ema-Israyeli. Bafundzise indlela lelungile yekuphila, bese wehlisela imvula eveni labo, lowabapha lona bantfu bakho kutsi libe lifa labo.

1 Emakhosi 8:39

ubobe sewuyeva usezulwini, indzawo yakho yekuhlala, utsetselele, bese uyenta. Nguloyo naloyo muntfu umphatse njengekwenta kwakhe, njengobe wena uyayibona inhlitiyo yakhe, ngobe nguwe wedvwa lowati tinhlitiyo tebantfu.

1 Emakhosi 8:43

ubobe sewuyeva usezulwini, indzawo yakho yekuhlala, wente konkhe loko wetive lakucelako kuwe. Loko kuyakwenta kutsi tonkhe tive temhlaba tilati Libito lakho tikwesabe, njengobe kwenta sive sakho ema-Israyeli, tati nekutsi lendlu lengiyakhile ibitwa ngeLibito lakho.

1 Emakhosi 8:49

ubobe sewuyeva usezulwini, indzawo yakho yekuhlala, uyive imithandazo yabo nekuncusa kwabo kuwe, ucolele indlela yabo.

2 Tikhronike 20:6

watsi: “Yebo, Simakadze, Nkulunkulu wabokhokho, wena awusiye yini Nkulunkulu losezulwini? Ubusa yonkhe imibuso yetive temhlaba. Emandla nemagunya kusesandleni sakho, futsi kute longamelana nawe.

2 Tikhronike 6:21

Vani kuncusa kwenceku yakho kanye nekwesive sakho, ema-Israyeli, nasithandaza sibheke kulendzawo. Vani usetulu ezulwini, indzawo yakho yekuhlala, ubotsi ungeva, bese uyatsetselela.

2 Tikhronike 7:14

nangabe sive sami lesibitwa ngelibito lami, sititfoba sithandaze kimi, sifunisise intsandvo yami, siphendvuke etindleleni taso letimbi temonakalo, ngiyakuva ngisezulwini, ngitsetselele sono saso, ngiphilise live laso.

Tihlabelelo 123:1

Ngiphakamisela emehlo ami ngakuwe, wena lohleti ebukhosini bakho ezulwini.

Tihlabelelo 28:2

Lalela livi lekuncusa kwami, nangikhalela kusitwa nguwe, nangisaphakamisela tandla tami endzaweni yakho lengcwelengcwele.

Tihlabelelo 85:2

Watsetselela emacala esive sakho, wambombota tonkhe tono tabo. Cabanga.

Eksodusi 34:6

Simakadze wendlula embikwakhe wamemeta watsi: “Simakadze, Simakadze, Nkulunkulu lonesihawu nemusa; uyephuta kutfukutsela andze ngemusa nangekwetsembeka,

Eksodusi 34:7

ubentela umusa labatinkhulungwane, atsetselele emaphutsa, nalokubi, netono. Kodvwa ngingeke ngihlale ngingamjezisi lonelicala; ngijezisa bantfwana nebatukulu ngetono tebatali babo, kuze kufikele esitukulwaneni sesitsatfu nesesine.”

Umshumayeli 5:2

Ungasheshi ukhulume ngemlomo wakho, ungabi nematata enhlitiyweni yakho kutsi ukhulume nome yini kuNkulunkulu. Nkulunkulu usezulwini, wena usemhlabeni, ngako emavi akho akabe mbalwa.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Danyela 6:10

Watsi kube Danyela eve kutsi sekubhalwe lomtsetfosimemetelo, wahamba waya ekhaya lakhe ekamelweni lelisetulu, lapho emafasitelo akhona abevulekela ngaseJerusalema. Abeguca ngemadvolo katsatfu ngelilanga, athandaze, abonga Nkulunkulu wakhe, njengobe abevame kwenta ngaphambili.

Danyela 9:19

Awu Simakadze, lalela! Awu Simakadze, tsetselela! Awu Simakadze, vani, wente! Awu, Nkulunkulu wami, ngenca yakho mane ungete wabina, ngobe lidolobha lakho nesive sakho kubitwa ngeLibito lakho.”

Danyela 9:9

Simakadze Nkulunkulu wetfu unemusa nekutsetselela, nome nje sihlubukile kuye;

Matewu 6:12

Sitsetselele tono tetfu, njengobe natsi sibatsetselela labasonako.

Matewu 6:9

Nanithandazako nibotsi: “ ‘Babe wetfu losezulwini, alingcweliswe libito lakho.

1 yaJohane 1:9

Kodvwa nasitivuma tono tetfu, Nkulunkulu wetsembekile, futsi ulungile, utasitsetselela tono tetfu abuye asihlambulule kuko konkhe kungalungi.