1 Emakhosi 8:26 - Siswati 1996 Bible

²⁶ Manje-ke, Nkulunkulu wema-Israyeli, gcwalisa livi lakho lowalikhuluma encekwini yakho, Davide longubabe wami, libe liciniso.

1 Emakhosi 8:26 ပူးပေါင်းရင်းမြစ်များ

1 Emakhosi 8:23

watsi: “Awu! Simakadze, Nkulunkulu wema-Israyeli! Kute Nkulunkulu lonjengawe, ezulwini etulu, nasemhlabeni phansi, wena logcina sivumelwane sakho selutsandvo netinceku takho letichubeka njalo ngenhlitiyo yato yonkhe, endleleni yakho.

1 Emakhosi 8:27

“Kodvwa vele, Nkulunkulu angahlala yini emhlabeni? Emazulu, ngisho nalo lizulu leliphakeme kunawo onkhe emazulu, ungeke wenele kulo. Kangakanani-ke lelithempeli lengikwakhele lona!

1 Tikhronike 17:23

“Manje-ke, Simakadze, sale usigcina setsembiso sakho losentile macondzana nenceku yakho kanye nendlu yayo sime phakadze naphakadze. Yenta njengobe wetsembisile,

2 Tikhronike 1:9

Manje-ke, Simakadze Nkulunkulu wami, gcwalisa setsembiso sakho kubabe wami Davide, ngobe ubeke mine ngaba yinkhosi etikwesive lesikhulu nalesinyenti ngangelutfuli lwemhlabatsi.

Tihlabelelo 119:38

Gcina setsembiso sakho, lowanginika sona, mine nceku yakho. Lesetsembiso salabo labakwesabako.

Tihlabelelo 119:49

Khumbula setsembiso sakho lowasenta kimi, mine nceku yakho, ngobe ngiso lesinginike litsemba.

Tihlabelelo 41:13

Akabongwe Simakadze, Nkulunkulu wema-Israyeli, kusukela phakadze kuze kube phakadze. Amen! Yebo, Amen!

Eksodusi 24:10

bafike babona Nkulunkulu wema-Israyeli. Ngaphansi kwetinyawo takhe kwabonakala lokwakufanana nendlela yelitje lesafire lelalingumbala loluhlata njengesibhakabhaka.

Isaya 41:17

“Labamphofu nalabeswele batfungatsa emanti, kodvwa kute; tilwimi tabo tomile ngenca yekweswela emanti. Kodvwa mine Simakadze ngitabevela, mine, Nkulunkulu waka-Israyeli, ngingeke ngibashiye.

Isaya 45:3

Ngiyawukunika ingcebo yebumnyama, bunjinga lobubekwe etindzaweni letiyimfihlo, khona utewukwati kutsi mine nginguSimakadze, Nkulunkulu wema-Israyeli, lokubita ngelibito lakho.

Jeremiya 11:5

Mine ngiyawube ngifeza sifungo lengasenta kubokhokho benu, kutsi ngibanike live leligcwele lubisi neluju lwetinyosi,’ lekulive lenu lamuhla.” Ngaphendvula ngatsi: “Amen, Simakadze.”

1 Samuweli 1:17

Eli waphendvula watsi: “Hamba ngekuthula, shangatsi Nkulunkulu wema-Israyeli angakupha loko lokucele kuye.”