1 Emakhosi 8:23 - Siswati 1996 Bible

²³ watsi: “Awu! Simakadze, Nkulunkulu wema-Israyeli! Kute Nkulunkulu lonjengawe, ezulwini etulu, nasemhlabeni phansi, wena logcina sivumelwane sakho selutsandvo netinceku takho letichubeka njalo ngenhlitiyo yato yonkhe, endleleni yakho.

1 Emakhosi 8:23 ပူးပေါင်းရင်းမြစ်များ

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

Genesisi 33:20

Wakha lilati lapho waletsa libito watsi: yi-Eli Elohe Israyeli.

2 Samuweli 7:22

“Maye, wena umkhulu! Awu! Nkhosi, Simakadze! Kute lonjengawe, futsi kute Nkulunkulu ngaphandle kwakho, njengobe tsine sativela ngetindlebe tetfu.

1 Emakhosi 2:4

kuze naSimakadze asigcine setsembiso sakhe lasenta kimi nakatsi: ‘Nangabe titukulwane takho ticaphelisisa kutsi tiphila njani, nangabe futsi tihamba ngekwetsembeka embikwami ngayo yonkhe inhlitiyo nangawo wonkhe umphefumulo wato, ungeke umeswele umuntfu loyawuhlala esihlalweni sebukhosi saka-Israyeli.’

1 Emakhosi 3:6

Solomoni waphendvula watsi: “Wentela inceku yakho, Davide babe wami, umusa lomkhulu, ngobe yena abetsembekile kuwe futsi alungile anenhlitiyo lecotfo. Wena uchubeke nawo lomusa wakho kuye, waze wamupha nendvodzana yakhe letawuhlala esihlalweni sakhe sebukhosi lamuhla nje.

1 Emakhosi 6:12

“Mayelana nalelithempeli lolakhako, nangabe ulandzela timiso tami, wente nemitsetfo yami, uyigcine yonkhe imiyalo yami, uyilandzele, ngiyawusigcwalisa ngawe leso setsembiso lengasinika Davide, uyihlo.

1 Emakhosi 8:24

Usigcinile setsembiso sakho encekwini yakho, Davide longubabe wami, ngemlomo wakho wetsembisa, ngesandla sakho wagcwalisa setsembiso sakho, njengobe sekunje lamuhla.

2 Emakhosi 20:3

“Awu, Simakadze, khumbula kutsi bengihamba ngekwetsembeka lokunjani embikwakho, nekutsi bengitinikele kangakanani embikwakho, ngayo yonkhe inhlitiyo yami, ngenta lokuhle emehlweni akho.” Hezekiya wakhala kabuhlungu.

Ezra 1:3

Ngulowo nalowo wesive sakhe losemkhatsini wenu shangatsi Simakadze angaba naye, ahambe aye eJerusalema kaJuda, akhe lithempeli laSimakadze, Nkulunkulu wema-Israyeli, Nkulunkulu loseJerusalema.

Nehemiya 1:5

ngase ngitsi: “Awu, Simakadze, Nkulunkulu welizulu, wena unguNkulunkulu lomkhulu nalowesabekako, logcina sivumelwane sakhe selutsandvo kulabo labamtsandzako nalabagcina imiyalo yakhe.

Nehemiya 9:32

“Ngako-ke manje, Nkulunkulu wetfu, lomkhulu kakhulu, nalonemandla, Nkulunkulu lowesabekako, yebo, wena logcina sivumelwane sakho selutsandvo, ungabenti bulukhuni bube yintfo lencane emehlweni akho, bona lobumatima lobehlele etikwetfu, nasemakhosini etfu, nakubaholi betfu, nasetikwebaphristi, nasetikwebaphrofethi, nasetikwabobabe betfu, nakuso sonkhe sive sakho, kusukela etinsukwini temakhosi ase-Asiriya kuze kube ngulamuhla.

Tihlabelelo 113:5

Ngubani nje lofana naSimakadze, Nkulunkulu wetfu, lotsi ahleti ekuphakameni

Tihlabelelo 35:10

Ematsambo onkhe ami ayawutsi: “Yebo, Simakadze, ngubani lofana nawe, wena lokhulula lobutsakatsaka etandleni tesichwaga, ukhulule lobutsakatsaka naloweswele etandleni temcindzeteli?”

Tihlabelelo 86:8

Kubo bonkhe bonkulunkulu kute lofanana nawe, Simakadze; kute nalokufanana nemisebenti yakho.

Eksodusi 15:11

“Ngubani lonjengawe, Simakadze, emkhatsini wabo bonkhe bonkulunkulu? Ngubani lofanana nawe ngebungcwele bakho lobumangalisako? Ngubani lonebukhosi lobesabekako ente imimangaliso nemisebenti yemandla njengawe?

Eksodusi 3:15

Nkulunkulu waphindze watsi kuMosi: “Ubokhuluma kuma-Israyeli utsi: ‘Simakadze, Nkulunkulu wabokhokho benu, naNkulunkulu wabo-Abrahama, naNkulunkulu wa-Isaka, naNkulunkulu waJakobe, ungitfume kini.’ Leli-ke libito lami phakadze naphakadze, tonkhe titukulwane tiyawungibita kanjalo.

Isaya 40:18

Ungamfanisa nabani-ke Nkulunkulu? Ungamlinganisa nasiphi-ke sitfombe?

Isaya 40:25

“Ningangilinganisa nabani nje mine? Nome-ke ngubani lofanana nami?” kusho Yena Longcwele.

Jeremiya 10:16

Lowo Losabelo sakaJakobe akafanani naleti, ngobe yena unguMenti wato tonkhe tintfo, wamenta na-Israyeli, sive lesilifa lakhe, nguSimakadze Somandla libito lakhe.

Jeremiya 10:6

Awu, Simakadze umkhulu, kute lonjengawe; nemandla eLibito lakho makhulu kakhulu.

Danyela 9:4

Ngathandaza kuSimakadze Nkulunkulu wami ngivuma tono ngitsi: “Awu Simakadze, wena unguNkulunkulu lomkhulu nalowesabekako, logcina sivumelwane sakhe nelutsandvo kubo bonkhe labamtsandzako bente imiyalo yakhe,

Lukha 1:72

Watsi utawubonakalisa sihawu kubokhokho betfu, akhumbule sivumelwane sakhe lesingcwele,

Dutheronomi 7:12

“Naniyilandzela lemitsetfo, niyinakekela ngekuyenta njengobe injalo, naye Simakadze Nkulunkulu wenu utasigcina setsembiso sakhe selutsandvo kini, njengobe afunga kuboyihlomkhulu.

Dutheronomi 7:9

Yatini-ke kutsi Simakadze Nkulunkulu wenu unguNkulunkulu; unguNkulunkulu lowetsembekile losigcinako sivumelwane sakhe selutsandvo kuto titukulwane letitinkhulungwane kulabo labamtsandzako bagcine imiyalo yakhe,

1 Samuweli 2:2

“Kute longcwele njengaSimakadze, kute nalomunye ngaphandle kwakho, kute lidvwala lelinjengaNkulunkulu wetfu.