1 Emakhosi 8:15 - Siswati 1996 Bible

¹⁵ yatsi: “Ludvumo alube kuSimakadze, Nkulunkulu wesive sema-Israyeli, yena, lekwatsi ngesandla sakhe wasigcwalisa leso setsembiso sakhe lasenta ngemlomo wakhe kubabe wami Davide. Ngobe watsi:

1 Emakhosi 8:15 ပူးပေါင်းရင်းမြစ်များ

2 Samuweli 6:18

Watsi nase acedzile kwenta iminikelo yekushiswa neminikelo yebudlelwane, wase ubusisa sive egameni laSimakadze longuSomandla.

2 Samuweli 7:25

“Manje-ke, Simakadze Nkulunkulu, sale usigcina setsembiso sakho losentile macondzana nenceku yakho kanye nendlu yayo. Yenta njengobe wetsembisile,

2 Samuweli 7:5

“Hamba utjele inceku yami Davide, utsi: ‘Naku lokushiwo nguSimakadze, utsi: Nguwe yini lofanele kungakhela indlu yekuhlala?

1 Tikhronike 16:36

Akabongwe Simakadze, Nkulunkulu wema-Israyeli, kusukela phakadze kuze kube phakadze!” Sonkhe sive satsi: “Amen!” sadvumisa Simakadze.

1 Tikhronike 17:12

Nguye-ke longuyena ayawungakhela indlu, ngiyawumisa sihlalo sakhe sebukhosi phakadze naphakadze.

1 Tikhronike 22:10

Nguye-ke loyakwakha indlu, akhele Libito lami. Uyawuba yindvodzana yami, mine ngibe nguyise. Ngiyawumisa kahle umbuso wakhe, ngiwutintise ka-Israyeli kuze kube phakadze.’

1 Tikhronike 29:10

Davide wadvumisa Simakadze embikwalo lonkhe libandla watsi: “Ludvumo alube kuwe, Simakadze, Nkulunkulu wababe wetfu Israyeli, kusukela phakadze kuze kube phakadze.

1 Tikhronike 29:20

Davide wachubeka wakhuluma kulesive, watsi: “Dvumisani Simakadze Nkulunkulu wenu.” Ngako sonkhe sive sadvumisa Simakadze, Nkulunkulu waboyisemkhulu; baguca bakhotsamisa tinhloko tabo embikwaSimakadze nenkhosi.

2 Tikhronike 20:26

Ngelilanga lesine bahlanganela eSihosheni saseBherakha, lapho badvumisa khona Simakadze. Nguko nje lendzawo yabeseyibitwa ngekutsi Sihosha saseBherakha kuze kube ngulamuhla.

2 Tikhronike 6:4

Yatsi: “Ludvumo alube kuSimakadze Nkulunkulu wesive sema-Israyeli, yena lekwatsi ngesandla sakhe wagcwalisa leso setsembiso sakhe lasenta ngemlomo wakhe kubabe wami Davide. Ngobe watsi:

Nehemiya 9:5

LamaLevi lekwakuboJeshuwa, naKhadmiyeli, naBani, naHashabneya, naSherebiya, naHodiya, naShebaniya kanye naPhethahiya bakhuluma batsi: “Sukumani nidvumise Simakadze Nkulunkulu wenu kusukela phakadze kuze kube nguphakadze. Alidvunyiswe Libito lakhe lelikhatimulako, Libito lelaphakanyiswa laba ngetulu kwato tonkhe tindvumiso netibongo.”

Tihlabelelo 115:18

Kodvwa tsine, lesiphilako, siyawumbonga Simakadze, kusukela manje kuze kube phakadze. Haleluya, dvumisani Simakadze.

Tihlabelelo 138:2

Ngiyawukhuleka embikwelithempeli lakho lelingcwele, ngibonge libito lakho ngenca yemusa wakho nekwetsembeka kwakho. Ngobe libito lakho nelivi lakho uliphakamisele ngetulu kwako konkhe.

Tihlabelelo 41:13

Akabongwe Simakadze, Nkulunkulu wema-Israyeli, kusukela phakadze kuze kube phakadze. Amen! Yebo, Amen!

Isaya 1:20

kodvwa nanicinisa tinhloko nihlubuka, nitawudliwa yinkemba.” Umlomo waSimakadze sewukukhulumile loko.

Matewu 24:35

Lizulu nemhlaba kuyakwendlula, kodvwa emavi ami wona angeke endlule.”

Lukha 1:68

“Ayidvunyiswe iNkhosi, Nkulunkulu wema-Israyeli, ngobe ibahambele bantfu bayo, yabakhulula.

Lukha 1:70

Ngiko loku lakusho ngemlomo webaphrofethi labangcwele basendvulo.

Lukha 1:72

Watsi utawubonakalisa sihawu kubokhokho betfu, akhumbule sivumelwane sakhe lesingcwele,

Kubase-Efesu 1:3

Akabongwe Nkulunkulu longuYise weNkhosi yetfu Jesu Khristu, ngobe usibusise kuKhristu ngato tonkhe tibusiso taMoya tasezulwini.

Joshuwa 21:45

Kute nome sinye setsembiso lesingazange sifezeke emkhatsini wato tonkhe tetsembiso letinhle latenta endlini yaka-Israyeli; tonkhe tagcwaliseka.

1 yaPhetro 1:3

Akabongwe Nkulunkulu, longuYise weNkhosi yetfu Jesu Khristu, lowasitala kabusha ngemusa wakhe lomkhulu, kuze sibe nelitsemba leliphilako ngekuvuswa kwaJesu Khristu kulabafile.

1 Samuweli 25:32

Davide wakhuluma ku-Abigayili, watsi: “Akadvunyiswe Simakadze Nkulunkulu wema-Israyeli lokutfume lamuhla kutsi utengihlangabeta.