1 Emakhosi 7:50 - Siswati 1996 Bible

⁵⁰ imigezelo yegolide lecengekile, netijubantsambo tetibane, netitja tekunyenyeta, netingwembe, netitja tekushisela imphepho; nemahhuka etivalo tendlu lesekhatsi, indzawo lengcwelengcwele, kanye nemahhuka etivalo tendlu lenkhulu yelithempeli.

1 Emakhosi 7:50 ပူးပေါင်းရင်းမြစ်များ

2 Emakhosi 12:13

Lemali leyayiletfwa lapha ethempelini ayizange isetjentiswe ekwakheni titja tesiliva, netijubantsambo, netitja tekunyenyeta, nemacilongo nanome ngabe seyini-ke lokusitja segolide nesesiliva lokukwelithempeli laSimakadze,

2 Emakhosi 25:15

Lendvuna yabomahlalesangweni yatsatsa titja tekushisela imphepho kanye netitja tekunyenyeta, tonkhe letatentiwe ngegolide lecengekile nome ngesiliva lecengekile.

Eksodusi 25:29

Ubenta emapulede, netindzebe, nemajeke, netindishi temnikelo wewayini; tonkhe letintfo kufanele tentiwe ngegolide lecengekile.

Eksodusi 25:38

Tijubantsambo netitsebe talo utente ngegolide lecengekile.

Eksodusi 27:3

Ubolentela emabhodo ekucitsa umlotsa, ulentele nemafosholo, nemigezelo, netindishi, netintsi tekuhloma inyama, nemakesi; tonkhe letitja ubotenta ngelitfusi.

Jeremiya 52:19

Indvuna yabomahlalesangweni yatsatsa imigezelo, netitja tekushisela imphepho, netitja tekunyenyeta, nemabhodo, netintsi tetibane, netingwembe, netitja teminikelo yetinatfo, nako konkhe lokwakwentiwe ngegolide lecengekile nome ngesiliva lecengekile.

Hezekeli 41:4

Yabe seyikala lendzawo lengcwele yangekhatsi, yayingemamitha labengaba lishumi budze, nemamitha labengaba lishumi bubanti. Yakhuluma kimi yatsi: “Lena yindzawo lengcwelengcwele.”

Levithikusi 16:12

Emvakwaloko utawube sewutsatsa sitja semlilo lesigcwele emalahle lavutsako latsetfwe elatini lelisembikwaSimakadze, Aroni atsatse nemabinta lamabili esandla emphepho lenuka kamnandzi nalecolisakele, bese ukungenisa endzaweni lengcwelengcwele, ngale kwendvwangu.

Zakhariya 14:20

Ngalelo langa umbhalo lotsi “kwehlukaniselwe simakadze” uyawucoshwa ngisho nasetinsimbini letincencetsa tisematomini emahhashi; nemabhodo ekupheka endlini yaSimakadze ayawufanana netindishi letingcwele letisembikwelilati.

Numeri 7:86

Letingwembe tegolide letili-12 iyinye igcwele imphepho yayinesisindvo lesasingemagremu labengaba li-110, ngekwesilinganiso lesisemtsetfweni. Setitonkhe letingwembe tegolide tatinesisindvo lesasingaba yikhilogremu nemagremu langema-320.