1 Emakhosi 7:45 - Siswati 1996 Bible

⁴⁵ nemabhodo, nemafosholo, netitja tekunyenyeta. Tonkhe-ke letintfo letentiwa nguHuramu, atakhela inkhosi Solomoni entela lithempeli laSimakadze, tatakhiwe ngelitfusi lelicwebetelako.

1 Emakhosi 7:45 ပူးပေါင်းရင်းမြစ်များ

2 Emakhosi 25:14

Batsatsa ngisho nemabhodo, nemafosholo, netijubantsambo, netingwembe, kanye nako konkhe lokwakwentiwe ngelitfusi lokwakusetjentiswa enkonzweni yekukhonta ethempelini.

2 Tikhronike 4:16

nemabhodo, nemafosholo, netimfologo tenyama, nato tonkhe tintfo letihambisana nako. Tonkhe-ke letintfo letentiwa nguHuramu Abi, atakhela inkhosi entela lithempeli laSimakadze, watakha ngelitfusi lelicwebetelako.

Eksodusi 27:3

Ubolentela emabhodo ekucitsa umlotsa, ulentele nemafosholo, nemigezelo, netindishi, netintsi tekuhloma inyama, nemakesi; tonkhe letitja ubotenta ngelitfusi.

Eksodusi 38:3

Tonkhe timphahla letihambisana nalelilati watakha ngelitfusi, taba nguleti: emabhodo ekucitsa umlotsa, nemafosholo, nemigezelo, netintsi tekuhloma inyama, nemakesi.

Jeremiya 52:18

Batsatsa ngisho nemabhodo, nemafosholo, netijubantsambo, netitja tekunyenyeta, netingwembe, nato tonkhe tintfo telitfusi letatisetjentiswa enkhonzweni yelithempeli.

Levithikusi 8:31

Mosi wakhuluma ku-Aroni nemadvodzana akhe watsi: “Tsatsani lenyama niyekuyiphekela ekungeneni kwelithende lekuhlangana, bese niyidlela khona lapho kanye naleso sinkhwa lesisekhatsi kulelo bhasikidi leminikelo yemgcobo, njengobe Simakadze ashito.

Zakhariya 14:21

Onkhe emabhodo aseJerusalema newakaJuda ayakwehlukaniselwa Simakadze longuSomandla, kutsi bonkhe labetako kutakwenta umhlatjelo batsatse lamanye alamabhodo bapheke ngawo. Ngalelo langa sewuyawubate umtsengisi endlini yaSimakadze longuSomandla.