1 Emakhosi 7:39 - Siswati 1996 Bible

³⁹ Letisihlanu watibeka ngaseningizimu yelithempeli, letisihlanu watibeka ngasenyakatfo. Wabeka lelibhavu ngaseningizimu, ekoneni lelingaseningizimu nangasemphumalanga yelithempeli.

1 Emakhosi 7:39 ပူးပေါင်းရင်းမြစ်များ

1 Emakhosi 7:38

Huramu wase wakha imigezelo lelishumi yelitfusi, umunye wawungetfwala emalitha labengaba ngema-800. Bubanti wawungemamitha labengaba mabili. Umunye umgezelo wawutawufakwa kuyinye yaletincodlana letilishumi.

1 Emakhosi 7:40

Huramu wakha emabhodo, nemafosholo, netitja tekunyenyeta. Wawucedzela-ke wonkhe umsebenti labewusukele, awentela inkhosi Solomoni ethempelini laSimakadze:

2 Tikhronike 4:10

Wabeka libhavu ekoneni lelingaseningizimu nemphumalanga.

2 Tikhronike 4:6

Wabe sewakha imigezelo lelishumi, wabeka lesihlanu ngaseningizimu nalesihlanu ngasenyakatfo. Kulemigezelo bekutawuyakatelwa khona tintfo teminikelo yekushiswa, kodvwa lelibhavu lona lalitabosetjentiswa baphristi, nabageza.

2 Tikhronike 4:7

Wabe sewenta tintsi tesibane letilishumi tegolide, watenta njengobe abelayelwe, wase utifaka ethempelini, letisihlanu ngaseningizimu naletisihlanu ngasenyakatfo.

2 Tikhronike 5:1

Kwatsi nase kuphele wonkhe umsebenti inkhosi Solomoni labewentele lithempeli laSimakadze, wase ungenisa ngekhatsi tonkhe tintfo letatinikelwe nguyise Davide. Bekuyisiliva negolide, nato tonkhe timphahla. Wakubeka konkhe endlini yengcebo ethempelini laNkulunkulu.