1 Emakhosi 7:36 - Siswati 1996 Bible

³⁶ Wahlobisa ngekucopha imifanekiso yemakherubhi, neyemabhubesi, neyetihlahla temasundvu, lapho bekunesikhala khona kuletisimiso nemaphanela, wahlobisa yonkhe indzawo.

1 Emakhosi 7:36 ပူးပေါင်းရင်းမြစ်များ

1 Emakhosi 6:29

Kulo lonkhe lolubondza lwelithempeli, emakamelweni langekhatsi nalangephandle wabata emakherubhi, netihlahla temasundvu kanye netimbali letichakazile.

1 Emakhosi 6:32

Kwatsi kuletivalo letibili temncumo wabata umhlobiso wemakherubhi, netihlahla temasundvu kanye netimbali letichakazile, wembesa lamakherubhi naletihlahla temasundvu ngegolide legcotjiwe.

1 Emakhosi 6:35

Etikwato wabata umhlobiso wemakherubhi, netihlahla temasundvu, netimbali letichakazile, wase utembesa ngegolide legcotjiwe ngalokulinganako kulomhlobiso.

1 Emakhosi 7:29

Kulamaphanela elitfusi bekunemabhubesi netinkunzi kanye nemakherubhi, kwakwentiwe njalo-ke nakulamafulemu latinsika. Ngetulu nangaphansi kwalamabhubesi netinkunzi, bekulenga imihlobiso legcotjiwe yetimbali.

1 Emakhosi 7:35

Etulu kwalencodlana kwakunelibhande lelitfusi lelaliyitungeleta, lalingaba yincenye yesine yelimitha kuphakama. Lelibhande lalihlanganiswe nguletisimiso nalamaphanela alo kuletincodlana.

1 Emakhosi 7:37

Watakha kanjalo-ke letincodlana letilishumi. Tatibunjwe ngemfolomu yinye, tonkhe tifanana ncamashi ngebukhulu nangesimo.

Hezekeli 10:14

Lilinye lalamakherubhi lalinebuso lobune: Bekucala buso kwakubuso belikherubhi, besibili kubuso bemuntfu, besitsatfu kubuso belibhubesi, besine kubuso belusweti.

Hezekeli 40:31

Umhubhe walendlu yelisango langaseningizimu wawukulesibuya sangephandle; tihlahla temasundvu taticoshwe kuletibondza tayo tangekhatsi. Kwakunetitebhisi letisiphohlongo letatikhuphukela ekungeneni kwelisango.

Hezekeli 40:37

Lomhubhe wayo lomunye wawubheke kulesibuya sangephandle. Kwakucoshwe tihlahla temasundvu kuletibondza tangekhatsi emaceleni omabili. Kwakunetitebhisi letisiphohlongo letatikhuphukela ekungeneni kwelisango.