1 Emakhosi 6:32 - Siswati 1996 Bible

³² Kwatsi kuletivalo letibili temncumo wabata umhlobiso wemakherubhi, netihlahla temasundvu kanye netimbali letichakazile, wembesa lamakherubhi naletihlahla temasundvu ngegolide legcotjiwe.

1 Emakhosi 6:32 ပူးပေါင်းရင်းမြစ်များ

1 Emakhosi 6:18

Lingekhatsi lelithempeli lalakhiwe ngemsedari leyayibatwe yafanana nemaselwa netimbali. Konkhe kwakungumsedari, kungabonakali nalinye litje.

1 Emakhosi 6:23

Ekhatsi endzaweni lengcwelengcwele wakha emakherubhi lamabili ngelugodvo lwemncumo, lilinye laba ngemamitha labengaba mane nesigamu kuphakama.

1 Emakhosi 6:29

Kulo lonkhe lolubondza lwelithempeli, emakamelweni langekhatsi nalangephandle wabata emakherubhi, netihlahla temasundvu kanye netimbali letichakazile.

1 Emakhosi 6:31

Ekungeneni kwalendzawo lengcwelengcwele lesekhatsi wakhela sivalo lesitivalo tibili lesasakhiwe ngetingodvo temncumo letatimacalahlanu ngetulu.

1 Emakhosi 6:33

Ngalokufananako emnyango longenela endlini lenkhulu kwakufakwe tinsika tesivalo letatakhiwe ngetingodvo temncumo letatimacalamane.

2 Tikhronike 4:22

netijubantsambo tegolide lecengekile, netitja tekunyenyeta, netingwembe, netitja tekushisela imphepho, netivalo tegolide telithempeli: tivalo tangekhatsi tendzawo lengcwelengcwele kanye netendlu lenkhulu.

Hezekeli 40:16

Bekunemafasitelo lamancane kulolubondza lolungephandle lwalamakamelo abogadzi nakuleti letatisemkhatsini walamakamelo kanye nakulomhubhe yonkhe indzawo. Bekunetihlahla temasundvu letaticoshwe kuletibondza letingekhatsi letatibheke kulomhubhe wangekhatsi.

Hezekeli 41:18

bekucoshwe umhlobiso wemakherubhi netihlahla temasundvu. Letihlahla tatilandzelana nemakherubhi. Likherubhi lilinye lalinebuso lobubili: