1 Emakhosi 6:27 - Siswati 1996 Bible

²⁷ Lamakherubhi Solomoni wawemisa ekhatsi nendzawo lengcwelengcwele, emaphiko awo avulekile. Luphiko lwalelinye likherubhi lwatsintsa lubondza ngala, kanjalo nelwaleli lelinye lwatsintsa lubondza lolungale, kwatsi leti letinye timphiko tawo tatsintsana ekhatsi nendzawo lengcwelengcwele.

1 Emakhosi 6:27 ပူးပေါင်းရင်းမြစ်များ

1 Emakhosi 6:26

Kuphakama kwalelo nalelo kherubhi bekungemamitha labengaba mane nesigamu.

1 Emakhosi 6:28

Lamakherubhi wawembesa ngegolide.

1 Emakhosi 8:6

Ngako-ke baphristi balingenisa libhokisi lesivumelwane saSimakadze balibeka endzaweni yalo lengekhatsi kakhulu ethempelini, indzawo lengcwelengcwele, bafike balibeka phansi kwemaphiko alamakherubhi.

1 Emakhosi 8:7

Emakherubhi abelulele timphiko tawo etikwalendzawo yelibhokisi lesivumelwane alisitsa kanye netimboko talo tekuletfwala.

2 Tikhronike 3:11

Budze betimphiko talamakherubhi ngekweluleka kwato babungemamitha labengaba yimfica. Luphiko lulunye lwelikherubhi lekucala lwalungemamitha labengaba mabili nencenye yesine yelimitha budze, lona lwalutsintsa lubondza lwelithempeli, kantsi lolu lolunye luphiko lwalo lwalungemamitha labengaba mabili nencenye yesine yelimitha budze, lutsintsa lolu lolunye luphiko lwaleli lelinye likherubhi.

2 Tikhronike 5:8

Emakherubhi abelulele timphiko tawo etikwalendzawo yelibhokisi lesivumelwane alisitsa kanye netimboko talo tekuletfwala.

Eksodusi 25:20

Lamakherubhi kufanele avule emaphiko awo engamele lesihlalo semusa abukane, abheke lesihlalo semusa.

Eksodusi 37:9

Lamakherubhi abebhekene, abuka leso simbonyo, avule timphiko tawo engamele sihlalo semusa.