1 Emakhosi 6:20 - Siswati 1996 Bible

²⁰ Lendzawo yayingemamitha labengaba yimfica budze, nemamitha labengaba yimfica bubanti, nemamitha labengaba yimfica kuphakama. Lonkhe lingekhatsi walembesa ngegolide lecengekile. Lilati nalo walembesa ngemsedari yonkhe indzawo.

1 Emakhosi 6:20 ပူးပေါင်းရင်းမြစ်များ

1 Emakhosi 6:19

Lingekhatsi lelingemuva ethempelini walenta indzawo lengcwelengcwele, lapho bekutawubekwa khona libhokisi lesivumelwane saSimakadze.

1 Emakhosi 6:21

Lingekhatsi lelithempeli Solomoni walembesa ngegolide lecengekile, wavundlisa tinketane tegolide emnyango wendzawo lengcwelengcwele, kantsi nayo futsi yayembeswe ngegolide.

1 Emakhosi 6:22

Ngako lonkhe lingekhatsi lelithempeli walembesa ngegolide, nelilati lelalisendzaweni lengcwelengcwele nalo lembeswa ngegolide.

1 Emakhosi 7:48

Solomoni wabuye wenta tonkhe timphahla letatilapho ethempelini laSimakadze: lilati legolide; nelitafula legolide, lapho kwakuhlala khona sinkhwa sebukhona;

2 Tikhronike 3:7

Solomoni wasebentisa igolide ekwembeseni tibondza talelithempeli, nemishayo, neminyango, netivalo. Kuletibondza lababati bacopha imihlobiso yemakherubhi.

Eksodusi 26:29

Tinsikabhaluko ubotembesa ngegolide, ushayele kuto emajiva egolide ekufaka lamakabha; nawo kufanele embeswe ngegolide.

Hezekeli 41:22

Bekunelilati letigodvo lelalingaba limitha nesigamu kuphakama, nelimitha budze nebubanti; emakona alo, nesisekelo salo, nemihlubulo yalo kwakukwetigodvo. Lendvodza yatsi kimi: “Leli litafula lelisembikwaSimakadze.”

Hezekeli 41:4

Yabe seyikala lendzawo lengcwele yangekhatsi, yayingemamitha labengaba lishumi budze, nemamitha labengaba lishumi bubanti. Yakhuluma kimi yatsi: “Lena yindzawo lengcwelengcwele.”