1 Emakhosi 6:1 - Siswati 1996 Bible

¹ Emnyakeni wema-480 kusukela ema-Israyeli aphuma eGibithe, lekwakungumnyaka wesine inkhosi Solomoni yatsatsa sihlalo sebukhosi, ngenyanga yesibili lenguZivu, Solomoni wacala kwakha lithempeli laSimakadze.

1 Emakhosi 6:1 ပူးပေါင်းရင်းမြစ်များ

1 Emakhosi 6:2

Lithempeli Solomoni, inkhosi, lalakhela Simakadze lalingemamitha labengaba ngema-27 budze, nemamitha labengaba yimfica bubanti, nemamitha labengaba li-13 nesigamu kuphakama.

1 Emakhosi 6:37

Sisekelo selithempeli laSimakadze sabekwa ngemnyaka wesine enyangeni yaZivu.

1 Tikhronike 29:19

Nika Solomoni, indvodzana yami, inhlitiyo letinikele kutsi agcine imiyalo, nemitsetfo kanye netimiso takho nekutsi ente konkhe lokusemandleni akhe ekwakheni lelithempeli lesengililungiselele.”

1 Tikhronike 6:10

Johanani abenguyise wa-Azariya. Azariya abekhonta, angumphristi ethempelini lelalakhiwe nguSolomoni eJerusalema.

2 Tikhronike 3:3

Sisekelo sekwakha lithempeli laSimakadze lesabekwa nguSolomoni sasingemamitha labengaba ngema-27 budze, nemamitha labengaba yimfica bubanti.

Ezra 5:11

“Bona basiphendvule batsi: ‘Tsine sitinceku taNkulunkulu welizulu nemhlaba, silakha kabusha lelithempeli lelineminyaka leminyenti lakhiwa lacedvwa yinkhosi lenkhulu yaka-Israyeli.

Tihlabelelo 78:69

Wayakha indlu yakhe lengcwele, leyayiphakeme kakhulu njengemhlaba lawusekela, kuze kube phakadze naphakadze.

Eksodusi 12:41

Tonkhe letive tema-Israyeli taphuma eveni laseGibhithe mhlazana kuhlangana leminyaka lengema-430.

Eksodusi 12:51

Simakadze wawakhipha ngalo lelo langa ema-Israyeli eGibhithe ngetive tawo.

Hezekeli 41:1

Lendvodza yase ingingenisa endzaweni lengcwele, yakala tibhonga temnyango, bubanti bato babungemamitha labengaba matsatfu ngala nangale.

Hagayi 1:8

Khuphukelani etintsabeni niyewugawula khona tingodvo nitekwakha lendlu, kuze nami ngitewutijabulisa kuyo, ngidvunyiswe,” kusho Simakadze.

Zakhariya 6:15

“Labo labakhashane kakhulu bayakuta batewusita ngekwelekelela ekwakheni lithempeli laSimakadze; ngulapho-ke niyawukwati khona kutsi Simakadze longuSomandla ungitfumele kini. Loku kuyawukwenteka, nanimhlonipha nimlalela Simakadze longuNkulunkulu wenu.”

Numeri 1:1

Simakadze wakhuluma kuMosi asethendeni lekuhlangana eHlane laseSinayi ngelilanga lekucala, enyangeni yesibili, emnyakeni wesibili ema-Israyeli aphuma eGibhithe, watsi:

Imisebenti yebaPhostoli 13:19

Wabulala tive letisikhombisa eveni laseKhenani, walinika bona kutsi libe labo.

Imisebenti yebaPhostoli 7:47

kodvwa nguSolomoni lowaze wamakhela indlu.

1 kubaseKorinthe 6:19

Anati yini kutsi umtimba wenu ulithempeli laMoya Longcwele lohlala kini, lenamemukela kuNkulunkulu, nekutsi futsi anisibo benu? Nine nibaNkulunkulu,

2 kubaseKorinthe 6:16

Nhlanganyelo yini lesemkhatsini welithempeli laNkulunkulu netithico? Ngobe tsine silithempeli laNkulunkulu lophilako; njengobe Nkulunkulu watsi: “Ngiyawuhlala kubo, ngihambe emkhatsini wabo; ngiyawuba nguNkulunkulu wabo, bona bayawuba sive sami.”

KubaseKholose 2:7

nisime ngekugcila, futsi nakhelwe kuye, niciniswe ekukholweni, njengaloku nifundzisiwe, nivame kubonga.

KumaHebheru 11:10

ngobe Abrahama abebheke lelo khaya lelinetisekelo, lelimsunguli nemakhi walo kunguNkulunkulu.

KumaHebheru 9:11

Kodvwa Khristu sewufike waba ngumPhristi Lomkhulu wetintfo letinhle lebetiyawufika. Lelithende lekuhlangana, lakhonta kulo, likhulu, kantsi futsi liphelele, alisilo lelakhiwe ngetandla, lokusho kutsi alisilo lalomhlaba lodaliwe.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

Tikhulu 11:26

Kwaze kwaphela iminyaka lengema-300, baka-Israyeli bahlala eHeshboni, nase-Aroyeri, nasetabelweni letiyitungeletile, nakuwo onkhe emadolobha kuvundla ne-Anoni. Awuzange ubahlasele ngani-ke ngaleso sikhatsi ulidle lelive?