1 Emakhosi 3:28 - Siswati 1996 Bible

²⁸ Sonkhe sive sema-Israyeli satsi nasiva lesigwebo lesikhishwe yinkhosi, sacalela phansi kuyihlonipha inkhosi, ngobe sabona kahle kutsi inekuhlakanipha kwaNkulunkulu kwekuhola nekwehlulela ngekulunga.

1 Emakhosi 3:28 ပူးပေါင်းရင်းမြစ်များ

1 Emakhosi 10:9

Akadvunyiswe Simakadze Nkulunkulu wakho, lokujabulele wakubeka esihlalweni sebukhosi baka-Israyeli. Ngenca yelutsandvo lwaSimakadze lwaphakadze lanalo nga-Israyeli, ukwente waba yinkhosi, kutsi utewubusa ngekungakhetsi nangekulunga.”

1 Emakhosi 3:27

Ngako inkhosi yase ikhipha sigwebo sayo, yatsi: “Tsatsani lomntfwana lophilako nimnike lomfati wekucala, ningambulali, ngobe nguye unina walomfanyana.”

1 Emakhosi 4:1

Inkhosi Solomoni yabusa sonkhe sive sema-Israyeli.

1 Tikhronike 29:24

Tonkhe tiphatsimandla, nemachawe kanye nemadvodzana onkhe enkhosi Davide etsembisa kutfobela inkhosi Solomoni.

Ezra 7:25

“Wena, Ezra, ngenhlakanipho yakho lonikwe yona nguNkulunkulu wakho, beka bomantji nebehluleli kutsi batewuhola behlulele bonkhe labo bantfu labangasenshonalanga nemfula iYufrathe, labayatiko imitsetfo yaNkulunkulu wakho. Nine kufanele nibafundzise bonkhe labo labangayati.

Tihlabelelo 72:2

Shangatsi ingehlulela sive sakho ngekulunga, nalabamphofu ibaphatse ngebucotfo.

Tihlabelelo 72:4

Shangatsi ingabavikela bantfu labatimphofana, ikhulule labeswele, ipitjite bacindzeteli!

Eksodusi 14:31

Atsi ema-Israyeli nabona emandla lamakhulu Simakadze labewakhombise ngekubhubhisa emaGibhithe, acalela phansi kwesaba Simakadze nekubeka litsemba lawo kuye nakuMosi, inceku yakhe.

Taga 16:10

Inkhosi ikhuluma ngeligunya lasezulwini, tehlulelo tayo atikhetsi.

Taga 24:21

Ndvodzana yami, ubohlonipha Simakadze nenkhosi yeluhlanga. Ungahambisani nalabamelene naSimakadze nenkhosi,

Taga 25:2

Bukhosi baNkulunkulu bubonakala kuloko lakufihlile; kodvwa bukhosi bemakhosi busekuphenyisiseni tintfo.

Taga 8:15

Emakhosi abusa kahle ngami, nebabusi bashaya umtsetfo ngami.

Umshumayeli 7:19

Kuhlakanipha kwenta umuntfu munye abe nemandla kakhulu kunebabusi belidolobha labalishumi.

Isaya 28:6

Uyawuba ngumoya wemtsetfocotfo kulowo lohlalela kwehlulela, abe sisusa semandla kulabo labajikisa imphi esangweni.

Danyela 1:17

Lamajaha lamane Nkulunkulu wawanika lwati nekucondza kwato tonkhe tinhlobo temfundvo netetincwadzi letatibhaliwe. Danyela abesayicondza yonkhe imibono nemaphupho ato tonkhe tinhlobo.

Danyela 2:21

Ugucula tikhatsi netikhatsi temnyaka; ubeka emakhosi aphindze awehlise. Ubanika kuhlakanipha labahlakaniphile, anike lwati kulabacondzako.

Danyela 2:47

Inkhosi yakhuluma kuDanyela, yatsi: “Impela, loNkulunkulu wakho unguNkulunkulu wabo bonkhe bonkulunkulu, neNkhosi yemakhosi, neMembuli wetimfihlakalo, ngobe wena ukhonile kwembula lemfihlakalo.”

Danyela 5:11

Kukhona indvodza lapha embusweni wakho lenemoya wabonkulunkulu labangcwele. Ngesikhatsi seyihlo yatfolakala inako kubonisisa, nekucondzisisa, nekuhlakanipha lokufanana nekwabonkulunkulu. Inkhosi Nebukhadnezari, uyihlo, yambeka kutsi abe ngumphatsi wetinyanga, nebatsebuli, nabosonkhanyeti kanye netangoma.

1 kubaseKorinthe 1:24

Kodvwa kulabo lababitiwe, kumaJuda nakumaGriki, sishumayela Khristu longemandla aNkulunkulu nekuhlakanipha kwaNkulunkulu.

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

KubaseKholose 2:2

Loko ngikwentela kutsi tinhlitiyo tabo tikhutsateke tidvudvuteke, bahlanganiswe babe munye elutsandweni, babe nekuciniseka konkhe kwekwati lokuphelele, bayati kahle imfihlakalo yaNkulunkulu lenguKhristu.

KubaseKholose 2:3

Kuye kutfukuswe emagugu onkhe ekuhlakanipha newekwati.

Joshuwa 4:14

Ngalelo langa Simakadze waphakamisa Joshuwa embikwaso sonkhe sive sema-Israyeli, sive samhlonipha Joshuwa imphilo yakhe yonkhe, njengobe sasimhlonipha naMosi.

1 Samuweli 12:18

Samuweli wabita Simakadze ngalona lelo langa; Simakadze watfumela kudvuma nemvula. Sonkhe sive sema simangele ngaSimakadze nangaSamuweli.