1 Emakhosi 22:51 - Siswati 1996 Bible

⁵¹ Ahaziya, umsa wa-Ahabi, wabekwa waba yinkhosi yaka-Israyeli eSamariya; wabekwa ngemnyaka weli-17 wekubusa kwaJehoshafati, inkhosi yakaJuda. Ahaziya wabusa sive saka-Israyeli iminyaka lemibili.

1 Emakhosi 22:51 ပူးပေါင်းရင်းမြစ်များ

Genesisi 7:11

Ngemnyaka wema-600 ekuphila kwaNowa, enyangeni yesibili, mhlazana tili-17, tonkhe tiyalu temhlaba tabhoboka, emafasitelo asezulwini avuleka.

1 Emakhosi 15:25

Nadabi, umsa waJerobowamu, wabekwa waba yinkhosi yaka-Israyeli ngemnyaka wesibili wekubusa kwa-Asa, inkhosi yakaJuda; wabusa baka-Israyeli iminyaka lemibili.

1 Emakhosi 2:10

Davide wase uyakhotsama, wangcwatjwa eDolobheni laDavide.

1 Emakhosi 22:40

Ahabi wafa; Ahaziya, umsa wakhe, waba yinkhosi esikhundleni sakhe.

2 Emakhosi 1:17

Ngempela, Ahaziya wavele wakhotsama, kwaya njengekwelivi laSimakadze labelikhulume ku-Elija. Njengobe Ahaziya abete indvodzana, Joramu, umnakabo, waba yinkhosi emvakwa-Ahaziya, emnyakeni wesibili wekubusa kwaJehoramu, umsa waJehoshafati, inkhosi yakaJuda.

2 Emakhosi 8:16

Ngemnyaka wesihlanu wekubusa kwaJoramu, umsa wa-Ahabi inkhosi yaka-Israyeli, ngesikhatsi Jehoshafati ayinkhosi yakaJuda, Jehoramu, umsa wa-Jehoshafati wacala kuba yinkhosi yakaJuda.

1 Tikhronike 3:11

kweta Jehoramu, umsa wakhe, kweta Ahaziya, umsa wakhe, kweta Jowashi, umsa wakhe,