1 Emakhosi 22:36 - Siswati 1996 Bible

³⁶ Latsi lilanga nalishonako, kwamenyetelwa kuyo yonkhe inkambu, kutsiwa: “Ngulowo nalowo akabuyele ekhaya lakhe, ngulowo eveni lakubo.”

1 Emakhosi 22:36 ပူးပေါင်းရင်းမြစ်များ

2 Samuweli 19:8

Ngako inkhosi yavuka yahlala esihlalweni sayo ngasekungeneni kwelisango. Emabutfo atsi kube atjelwe kwatsiwa: “Inkhosi seyihleti esangweni,” onkhe eta embikwayo. Ngaleso sikhatsi onkhe ema-Israyeli aka-Absalomu abesabaleke atindvumbeka emathendeni awo.

1 Emakhosi 12:16

Sonkhe sive sema-Israyeli satsi kube sibone kutsi inkhosi ayisilaleli sicelo saso, sakhuluma enkhosini satsi: “Sinabudlelwane buni naDavide? Sinasabelo sini nemsa waJese? Emathendeni enu, ma-Israyeli! Tibone kucedza, wena mndeni waDavide!” Ngako ema-Israyeli esuka lapho abuyela emathendeni awo.

1 Emakhosi 12:24

‘Nako lokushiwo nguSimakadze, utsi: “Ningakhuphuki kuyakulwa nabomnakenu, ema-Israyeli. Hambani niye emakhaya enu nonkhe, ngobe loku kungumuno wami.” ’ ” Ngako balilalela livi laSimakadze babuyela emakhaya abo, njengobe abeshito.

1 Emakhosi 22:17

Mikhaya wase uyaphendvula, watsi: “Ngibone onkhe ema-Israyeli ahlakatekile etintsabeni njengetimvu letite umelusi; Simakadze watsi: ‘Labantfu abanamelusi. Nguloyo akatibuyelele ekhaya lakhe ngekuthula.’ ”

1 Emakhosi 22:31

Inkhosi yaseSiriya beyiyale tindvuna tayo tetincola temphi letingema-32, yatsi: “Nine ningalwi namuntfu lomunye, nome mncane nome mkhulu, nicondzane kuphela nenkhosi yaka-Israyeli Ahabi.”

1 Emakhosi 22:35

Lonkhe lelo langa imphi yayibambene etulu, inkhosi yasekelwa encoleni yayo, ibhekene nemaSiriya. Linceba layo lopha ingati yaze yageletela phansi encoleni, kwatsi kusihlwa inkhosi Ahabi yafa.

1 Emakhosi 22:37

Wafa kanjalo-ke Ahabi, inkhosi, watsatfwa wayiswa eSamariya, bafike bamfihla khona.

2 Emakhosi 14:12

Juda weyiswa baka-Israyeli, kwaba nguleyo naleyo ndvodza yabalekela ekhaya kayo.

Tikhulu 21:24

Ngaleso sikhatsi onkhe ema-Israyeli esuka kuleyo ndzawo abuyela emakhaya, ngulowo nalowo wabuyela esiveni sakubo naselusendvweni lwakhe, efeni lakabo.

1 Samuweli 4:10

Ngako emaFilisti alwa, ema-Israyeli ehlulwa, kwaba nguleyo ndvodza yabaleka yayakutindvumbeka ethendeni layo. Kwaba nekubulawa lokukhulu, kwafa emabutfo ema-Israyeli labeti-30 000.