1 Emakhosi 22:30 - Siswati 1996 Bible

³⁰ Ahabi wakhuluma kuJehoshafati watsi: “Mine ngitawungena emkhatsini wemabutfo ngiphice umkhondvo, kodvwa wena ungatigcoka tingubo takho tebukhosi.” Ngako Ahabi, inkhosi yaka-Israyeli, wase uphica umkhondvo wangena emkhatsini wemabutfo agcoke letinye tingubo.

1 Emakhosi 22:30 ပူးပေါင်းရင်းမြစ်များ

2 Samuweli 14:2

Ngako Jowabe wabe sewutfumela umuntfu eThekhowa, kutsi alandze umfati lohlakaniphile khona. Jowabe wakhuluma kulomfati watsi: “Tentise kube shangatsi uzilile. Yembatsa inzilo, ungacali utisebentise tinongo temtimba. Ubotentisa kube shangatsi lomuntfu lofile sewumzilele sikhatsi lesidze.

1 Emakhosi 14:2

Jerobowamu wakhuluma kumkakhe, watsi: “Hamba, utifihle ngekwembatsa letinye tingubo, ungabonakali, khona bangetikubona kutsi umgumkaJerobowamu, bese uya eShilo. Umphrofethi Ahiya ukhona lapho, yena lowo lowangitjela kutsi ngitawuba yinkhosi etikwalesive.

1 Emakhosi 20:38

Lomphrofethi wahamba wayakumela inkhosi eceleni kwendlela. Waphica umkhondvo ngekufaka ingadibe leyayisitselise emehlo.

1 Emakhosi 22:10

Babegcoke imijiva yabo yebukhosi bo-Ahabi, inkhosi yaka-Israyeli, banaJehoshafati, inkhosi yakaJuda, bahleti etihlalweni tabo tebukhosi, ebaleni lekubhulela kolo, eceleni kwelisango lelingena eSamariya; bonkhe baphrofethi bebaphrofetha embikwabo.

2 Tikhronike 18:29

Ahabi wakhuluma kuJehoshafati, watsi: “Mine ngitawungena emkhatsini wemabutfo ngiphice umkhondvo, kodvwa wena ungatigcoka tingubo takho tebukhosi.” Ngako Ahabi, inkhosi yaka-Israyeli, wase uphica umkhondvo wangena emkhatsini wemabutfo agcoke letinye tingubo.

2 Tikhronike 35:22

Kodvwa Josaya akazange afune kugucuka, wesuka watigucula tembatfo takhe wangena emphini, walwa naye. Akazange alalele loko lokwakushiwo nguNekho ngekuyalwa nguNkulunkulu, kodvwa wachubeka wayakulwa naye emphini yaseMegido.

Tihlabelelo 12:2

Bantfu bayayengana la emhlabeni, tilimi tabo tisheleliswa ngemanga, inkhulumo yabo imphacambili.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Jeremiya 23:24

Ukhona yini longabhaca etindzaweni letisitsele, entele kutsi ngingamboni?” kusho Simakadze. “Angikaligcwalisi yini lizulu nemhlaba?” kusho Simakadze.

1 Samuweli 28:8

Ngako Sawula waphica umkhondvo ngekwembatsa letinye tembatfo, kwatsi ebusuku wahamba kanye nemadvodza lamabili baya kulomfati losangoma. Wafike watsi: “Ngikhulekela inhloko, ungibitele lowo lengitamusho.”