1 Emakhosi 22:19 - Siswati 1996 Bible

¹⁹ Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi nayo yonkhe imphi yasezulwini ime ngakuye imtungeletile ngesekudla sakhe nangesancele.

1 Emakhosi 22:19 ပူးပေါင်းရင်းမြစ်များ

1 Emakhosi 22:20

Simakadze watsi: ‘Ngubani lotasihungela Ahabi kutsi ayewuhlasela iRamothi Gileyadi atiyele yena ekufeni kwakhe?’ “Lomunye waphakamisa loku, lomunye waphakamisa lokwa.

Jobe 1:6

Kwatsi ngalelinye lilanga emadvodzana aNkulunkulu atsatsa tindzawo tawo embikwaSimakadze, naSathane watfolakala asemkhatsini wawo.

Jobe 2:1

Kwaphindza futsi kwatsi nangalelinye lilanga emadvodzana aNkulunkulu eta atsatsa tindzawo tawo embikwaSimakadze, naSathane watfolakala asasemkhatsini wawo.

Tihlabelelo 81:9

Ningamkhonti lomunye nkulunkulu, ningakhuleki kubonkulunkulu betive.

Eksodusi 24:10

bafike babona Nkulunkulu wema-Israyeli. Ngaphansi kwetinyawo takhe kwabonakala lokwakufanana nendlela yelitje lesafire lelalingumbala loluhlata njengesibhakabhaka.

Eksodusi 24:9

Mosi na-Aroni, naNadabi, na-Abihu kanye nebaholi bema-Israyeli lababengema-70 benyuka baya entsabeni,

Isaya 1:10

Lalelani livi laSimakadze, nine babusi baseSodoma; lalelani imfundziso yaNkulunkulu wetfu, nine bantfu baseGomora!

Isaya 28:14

Ngako-ke vanini livi laSimakadze, nine tedzeleli lenibusa lesive eJerusalema.

Jeremiya 2:4

Vanini livi laSimakadze, ninendlu yakaJakobe, nonkhe nine bantfu belusendvo lwendlu yaka-Israyeli.

Jeremiya 29:20

“Ngako-ke vanini livi laSimakadze, nonkhe nine labatfunjiwe, lengabacosha eJerusalema ngabayisa eBhabhulona.

Jeremiya 42:15

ngako vanini livi laSimakadze, nine nsali yakaJuda. Naku lokushiwo nguSimakadze longuSomandla, Nkulunkulu wema-Israyeli, utsi: ‘Nanitimisele kuhamba niye eGibhithe, bese vele niyaya nekutsi niyewuhlala khona,

Hezekeli 13:2

“Ndvodzana yemuntfu, phrofetha umelane nebaphrofethi baka-Israyeli labaphrofethako nyalo. Khuluma kulabo labaphrofetha loko labakususela emicabangweni yabo, utsi: ‘Vanini livi laSimakadze!

Hezekeli 16:35

“ ‘Ngako-ke, wena ngwababane, vani livi laSimakadze!

Amose 7:16

Manje-ke vani livi laSimakadze. Wena watsi: “ ‘Ungaphrofethi lokumelene na-Israyeli. uyekele nekushumayela umelane nendlu ya-Isaka.’

Zakhariya 1:10

Kwase kutsi lendvodza leyayime emkhatsini wetihlahla temibomvana yachaza, yatsi: “Bangulabo lababetfunywa nguSimakadze kutsi baye emhlabeni wonkhe.”

Numeri 24:3

walayetela watsi: “Umlayeto waBhalamu, umsa waBheyori, umlayeto walowo lonemehlo labona kahle konkhe.

Matewu 18:10

“Caphelani ningedzeleli ngisho namunye kulaba labancane; ngobe ngitsi kini: Tingilosi tabo ezulwini tibubona njalo buso baBabe losezulwini. [

Matewu 25:31

“INdvodzana yeMuntfu nayita ngenkhatimulo yayo netingilosi tayo tonkhe, iyawuhlala esihlalweni sayo sebukhosi,

KumaHebheru 1:14

Tiyini tona tingilosi? Tingimimoya yekusebentela Nkulunkulu, letfunyelwe kutawusita labo labayawudla lifa lensindziso.

KumaHebheru 1:7

Ngetingilosi utsi: “Nguye lowenta tingilosi takhe tibe ngimimoya, netikhonti takhe tibe ngemalangabi emlilo.”

KumaHebheru 12:22

Kodvwa, esikhundleni saloko, nite entsabeni, Siyoni, ekhaya laNkulunkulu lophilako, eJerusalema yasezulwini, esibhimbini setingilosi letingenawubalwa,

Sembulo 5:11

Ngatsi ngiyabuka, ngeva livi letingilosi letitungelete sihlalo sebukhosi netidalwa nemalunga. Letingilosi letatitinyenti titigidzi ngetigidzi netinkhulungwane ngetinkhulungwane,

1 Samuweli 16:14

Moya waSimakadze abesasukile kuSawula, umoya lomubi lowavela kuSimakadze wamkhatsata.