1 Emakhosi 22:16 - Siswati 1996 Bible

¹⁶ Inkhosi Ahabi yatsi kuye: “Ngitakutjela kangaki kutsi ungangitjeli lutfo lolunye ngaphandle kweliciniso egameni laSimakadze?”

1 Emakhosi 22:16 ပူးပေါင်းရင်းမြစ်များ

1 Emakhosi 22:15

Watsi kube efike, inkhosi yambuta yatsi: “Mikhaya, singaya yini kuyawuhlasela iRamothi Gileyadi, nome siyekele?” Waphendvula Mikhaya watsi: “Hlasela uncobe, ngobe Simakadze utayinikela esandleni senkhosi.”

1 Emakhosi 22:17

Mikhaya wase uyaphendvula, watsi: “Ngibone onkhe ema-Israyeli ahlakatekile etintsabeni njengetimvu letite umelusi; Simakadze watsi: ‘Labantfu abanamelusi. Nguloyo akatibuyelele ekhaya lakhe ngekuthula.’ ”

2 Tikhronike 18:15

Inkhosi Ahabi yatsi kuye: “Ngitakutjela kangaki kutsi ungangitjeli lutfo lolunye ngaphandle kweliciniso egameni laSimakadze?”

Jeremiya 23:28

Umphrofethi loneliphupho akakhulume liphupho lakhe, kodvwa lowo lonelivi lami akakhulume lona ngekwetsembeka. Ngobe empeleni emakhoba ayini nje kukolo?” kusho Simakadze.

Jeremiya 37:17

Inkhosi Sedekiya wase uyatfumela kutsi akalandvwe aletfwe kuye esigodlweni, lapho wafike wambuta ngasense, watsi: “Likhona yini livi lelivela kuSimakadze?” Jeremiya waphendvula watsi: “Yebo, likhona, litsi: Wena utawuniketelwa enkhosini yaseBhabhulona.”

Jeremiya 38:14

Inkhosi Sedekiya yase itsi akulandvwe Jeremiya, umphrofethi, yatsi akaletfwe esangweni lesitsatfu lelithempeli laSimakadze, yatsi kuJeremiya: “Ngitawubuta lutfo. Ungafihli lutfo kimi.”

Numeri 22:38

Bhalamu waphendvula watsi: “Sengikhona, kepha nginawo yini mine emandla ekukhuluma lutfo ngaphandle kwaloko lengikutjelwa nguNkulunkulu?”

Matewu 26:63

Kodvwa Jesu wabindza. Waphindze wakhuluma umPhristi Lomkhulu watsi kuye: “Egameni laNkulunkulu lophilako, sengiyakufungisa-ke manje kutsi sitjele nawunguKhristu, iNdvodzana yaNkulunkulu.”

Makho 5:7

Yamemeta ngelivi lelikhulu yatsi: “Ufunani kimi wena, Jesu, Ndvodzana yaNkulunkulu Losetikwako Konkhe? Mane ungangihluphi!”

Imisebenti yebaPhostoli 19:13

Lamanye emaJuda bekajikeleta akhipha emadimoni, nawo etama kusebentisa libito laJesu ekuwakhipheni, atsi kubomoya lababi: “Egameni laJesu loshunyayelwa nguPawula siyakukhipha.”

Joshuwa 6:26

Ngaso leso sikhatsi Joshuwa wakhipha sifungo lesimatima, watsi: “Wonkhe lowetama kuvusa lelidolobha, iJerikho, uyawucalekiswa embikwaSimakadze: “ ‘Uyawufelwa yindvodzana lelitubulo lakhe, nakabeka leto tisekelo talo; afelwe ngumntfwanakhe losemncane, nakafaka emasango alo.’ ”

1 Samuweli 14:24

Emadvodza aka-Israyeli abaselusizini ngalelo langa, ngobe Sawula abesabophe sonkhe sive ngesifungo watsi: “Akacalekiswe umuntfu lotakudla lilanga lisengakashoni, nami ngingakatiphindziseli etitseni tami!” Ngako kute nome munye lowake wanambitsa kudla kulamabutfo.