1 Emakhosi 22:11 - Siswati 1996 Bible

¹¹ Sedekiya, umsa waKhenana, yena abesente timphondvo tensimbi, wamemeta atsi: “Naku lokushiwo nguSimakadze: ‘Ngaleti utawuhlaba emaSiriya aze afe, aphele.’ ”

1 Emakhosi 22:11 ပူးပေါင်းရင်းမြစ်များ

1 Emakhosi 22:12

Bonkhe-ke nalaba labanye baphrofethi babekhuluma intfo yinye, batsi: “Hlasela iRamothi Gileyadi, uyehlule. Ngobe Simakadze utayinikela etandleni tenkhosi.”

1 Emakhosi 22:24

Sedekiya, umsa waKhenana, wasukuma wafumba Mikhaya ngemphama ebusweni, atsi: “LoMoya waSimakadze uhambe ngakuphi, nawusuka kimi uyewukhuluma kuwe?”

Jeremiya 23:16

Naku lokushiwo nguSimakadze Somandla, utsi: “Ningakulaleli lokuphrofethwa baphrofethi kini, banigcwalisa ngematsemba langemanga. Bakhuluma imibono yetingcondvo tabo, hhayi lokuphuma emlonyeni waSimakadze.

Jeremiya 23:17

Bachubeka bakhulume kulabangedzelelako batsi: ‘Simakadze utsi: Nitawuba nekuthula.’ Kubo bonkhe labalandzela inkhani yetinhlitiyo tabo, batsi: ‘Kute lokubi lokutanehlela.’

Jeremiya 23:25

“Ngikuvile loko lokushiwo baphrofethi, nabaphrofetha emanga egameni lami. Batsi: ‘Ngiphuphile! Ngiphuphile!’

Jeremiya 23:31

Simakadze utsi: “Yebo, ngimelene nebaphrofethi labajikitisa tilwimi tabo babe bakhuluma batsi: ‘Simakadze uyakhuluma.’

Jeremiya 27:2

Naku lokwashiwo nguSimakadze kimi, watsi: “Yenta emajoko ngetitilobho nemicabo, lelinye lawo ulibeke entsanyeni yakho,

Jeremiya 29:21

Naku lokushiwo nguSimakadze longuSomandla, Nkulunkulu wema-Israyeli, mayelana na-Ahabi, umsa waKholaya, nangaSedekiya, umsa waMaseya, labaphrofetha emanga kini egameni lami, utsi: ‘Ngitawubanikela kuNebukhadnezari, inkhosi yaseBhabhulona, yena uyawufike ababulale embikwemehlo enu nibuka.

Danyela 8:4

Ngasibuka lesihhanca sisahlasela sibheke ngasenshonalanga, nangasenyakatfo, nangaseningizimu. Kute ngisho nasinye silwane lesasingemelana naso, kute nalokwakungalanyulelwa emandleni aso, sasijangaza nje senta lesikutsandzako, saze saba sikhulu kakhulu.

Mikha 3:11

Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

Imisebenti yebaPhostoli 21:11

Wefika kitsi watsatsa libhande laPawula walibopha etinyaweni nasetandleni takhe watsi: “Naku lokushiwo nguMoya Longcwele: ‘Umnikati walelibhande utawuboshwa ngemaJuda kanje eJerusalema amnikele etandleni tebetive.’ ”

Dutheronomi 33:17

Litubulo lakhe lenkunzi linebukhosi, timphondvo takhe tenyatsi. Ngaletimphondvo uyawudvungulula tonkhe tive kanyekanye, kuze kufike emaphetselweni emhlaba. Banjalo baka-Efrayimu, batinkhulungwane tetinkhulungwane. Banjalo nabakaManase, batinkhulungwane.”

2 kuThimothi 3:8

Njengobe boJanesi naJambresi bamelana naMosi, nabo-ke labantfu bamelene neliciniso, babantfu labanengcondvo leyonakele netehluleki ekukholweni.