1 Emakhosi 21:4 - Siswati 1996 Bible

⁴ Ngako Ahabi wabuyela ekhaya ahluneme atfukutsele, ngobe Nabothi waseJezreyeli atsite: “Ngingeke ngikunike lifa labobabemkhulu.” Wafike walala embhedzeni wakhe, acumbelene; wadvuba nekudla kudla.

1 Emakhosi 21:4 ပူးပေါင်းရင်းမြစ်များ

2 Samuweli 13:2

Amnoni wakhatsateka emphefumulweni wakhe, waze wefika ezingeni lekugula ngenca yalodzadzewabo Thamari, ngobe abeyintfombi leyayingayati indvodza, noko kwabonakala kulukhuni kutsi kungaba khona langakwenta kuye.

2 Samuweli 13:4

Wabuta Amnoni watsi: “Kwentiwa yini wena, ungumntfwanenkhosi, ubukeke uwombile onkhe emalanga? Ase ungitjele, kwente njani?” Amnoni watsi kuye: “Ngitsandza dzadzewetfu Thamari, wakabomnaketfu Absalomu.”

1 Emakhosi 20:43

Inkhosi yabuyela esigodlweni sayo eSamariya idvubutekile, ikhubekile.

1 Emakhosi 21:1

Emvakwaloko kwase kuba nesehlakalo lesenteka ngenca yesivini saNabothi waseJezreyeli. Lesivini sasiseJezreyeli eceleni kwesigodlo senkhosi Ahabi, inkhosi yaseSamariya.

1 Emakhosi 21:3

Kodvwa Nabothi wamphendvula, watsi: “Simakadze akasungivumela kutsi ngikunike lifa labobabemkhulu.”

1 Emakhosi 21:5

Umkakhe Jezebeli wangena wambuta, watsi: “Uhlunemeleni kanjena? Awudli ngani?”

Esta 5:13

Kodvwa nome kunjalo, konkhe loko kuye kwakungasho lutfo inkhani nakasabona leliJuda lelinguModekhayi lisahlala lapha emphundvwini yasendlunkhulu.

Jobe 5:2

Silima siyafa sibulawe tinhlungu tekutfukutsela kwaso, nemona uyababulala labanengcondvo yebuntfwana.

Umshumayeli 6:9

Kuncono kweneliswa nguloko lokubona ngemehlo akho kunekushangashangiswa lutsandvo lwekudla. Nako loko kulite, kufanana nekucosha umoya.

Jona 4:1

Kwamkhuba kakhulu loko Jona, ngako watfukutsela kakhulu.

Jona 4:4

Simakadze wamphendvula watsi: “Unalungelo lini lekutfukutsela?”

Jona 4:8

Nakuphuma lilanga, Nkulunkulu walungisa umoya loshisako wasemphumalanga; lilanga lashaya enhloko yaJona, wadzimate waba nesiyeti, wafisa kufa; wase utsi: “Kuncono ngimane ngife kunekutsi ngiphile.”

Jona 4:9

Kodvwa Nkulunkulu watsi kuJona: “Unalungelo lini lekutfukutselela lomhlafutfo?” Yena-ke watsi: “Ngenta kahle kutsi ngitfukutsele; ngitfukutsele kutsi angife ngitsi saka!”

Kubase-Efesu 4:27

Ningamniki Sathane litfuba.

YaJakobe 1:14

Kepha ngulowo nalowo ulingwa ahuhwe tinkhanuko takhe, adudeke.

1 Samuweli 28:23

Sawula wala, watsi: “Ngingeke ngidle.” Kodvwa lamadvodza labehamba naye asita lesangoma, amncenga ngekumcindzetela, waze wavuma. Wavuka wahlala etikwembhedze.