1 Emakhosi 21:20 - Siswati 1996 Bible

²⁰ Ahabi watsi ku-Elija: “Wo! Sewungitfolile, sitsa sami!” Elija waphendvula watsi: “Ngikutfolile, ngobe utitsengise wena ngekwenta lokubi emehlweni aSimakadze.

1 Emakhosi 21:20 ပူးပေါင်းရင်းမြစ်များ

2 Samuweli 11:27

Kwatsi nase siphelile sikhatsi sekumzilela, Davide watsi akalandvwe aletfwe kakhe. Wabe sewumenta umfati wakhe, wamtalela indvodzana. Kodvwa lentfo leyayentiwe nguDavide yaba yimbi emehlweni aSimakadze.

1 Emakhosi 16:30

Ahabi, umsa wa-Omri, wenta lokubi kakhulu emehlweni aSimakadze kwengca bonkhe lababengembili kwakhe.

1 Emakhosi 18:17

Watsi kube abone Elija, wakhuluma kuye watsi: “Nguwe yini lowo, lohlupha sive saka-Israyeli?”

1 Emakhosi 21:25

Kute indvodza lenjenga-Ahabi leyatitsengisa yona ekwenteni bubi emehlweni aSimakadze, ifucwa ngumkayo Jezebeli.

1 Emakhosi 22:8

Inkhosi Ahabi yaphendvula Jehoshafati, yatsi: “Usekhona munye lesingabuta ngaye kuSimakadze, kodvwa ngiyamenyanya, ngobe akaze nje aphrofethe lokuhle ngami, kodvwa uphrofetha lokubi kodvwa. NguMikhaya, umsa waJimla.” Jehoshafati waphendvula watsi: “Inkhosi ayikafaneli kukusho loko.”

2 Emakhosi 17:17

Benta imihlatjelo ngemadvodzana nangemadvodzakati abo bawashisa ngemlilo. Baphengula, babhula, batitsengisa ekwenteni bubi emehlweni aSimakadze, bamcunula.

2 Emakhosi 21:2

Manase wenta lokubi emehlweni aSimakadze, alandzela leto tintfo letatisinengiso letatentiwa nguleto tive Simakadze latidvungulula ngesikhatsi nakufika sive sema-Israyeli.

2 Tikhronike 18:17

Ahabi, inkhosi yaka-Israyeli, watsi kuJehoshafati: “Angikakutjeli-ke kutsi kute lokuhle langahle akuphrofethe ngami, kodvwa lokubi kuphela?”

2 Tikhronike 18:7

Inkhosi Ahabi yaphendvula Jehoshafati, yatsi: “Usekhona munye lesingabuta ngaye kuSimakadze, kodvwa ngiyamenyanya, ngobe akaze nje aphrofethe lokuhle ngami, kodvwa uphrofetha lokubi kodvwa. NguMikhaya, umsa waJimla.” Jehoshafati waphendvula watsi: “Inkhosi ayikafaneli kukusho loko.”

2 Tikhronike 33:6

Wanikela ngemadvodzana akhe kutsi ashiswe emlilweni eSigodzini sakaBheni Hinomu, wangenela bungoma, nemilingo, nebutsakatsi, watihlanganisa nalabanemadloti nalabaphengulako. Wenta lokubi kakhulu emehlweni aSimakadze, wamtfukutselisa.

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Isaya 52:3

Ngobe naku lokushiwo nguSimakadze, utsi: “Watsengiswa ngelite, uyawuhlengwa ngaphandle kwemali.”

Jeremiya 38:4

Tiphatsimandla takhuluma enkhosini, tatsi: “Lomuntfu kufanele abulawe. Utsela emanti emadvolweni emasotja lasele kulelidoloba, nakuwabo bonkhe bantfu, ngaletintfo latishoko kubo. Lomuntfu akacondzi lokuhle ngalabantfu, kodvwa ubafisela lokubi.”

Hezekeli 14:4

“Ngako-ke khuluma kuwo uwatjele, utsi: ‘Naku lokushiwo yiNkhosi Simakadze, itsi: Nome ngabe ngumuphi kuma-Israyeli lofaka tithico enhlitiyweni yakhe, emise nelitje lelibi lekukhubekisa embikwebuso bakhe, bese uya kumphrofethi, mine Simakadze ngiyakumphendvula mine cobo lwami ngangekwebukhulu bekukhonta kwakhe tithico.

Amose 5:10

Nine bantfu niyamtondza umuntfu lomelana nebubi benu, nimedzelele umuntfu lokhuluma liciniso lodvwa enkhundleni.

Makho 12:12

Betama kubamba Jesu, kodvwa besaba ticuku tebantfu, ngobe babona kahle kutsi ngalomfanekiso ukhuluma ngabo, base bayamshiya, bahamba.

KubaseRoma 7:14

Siyati kutsi umtsetfo waMoya, kodvwa mine ngingumuntfu wemhlaba, lotsengiswe esonweni.

KubaseGalathiya 4:16

Kungabe sengigucuke ngaba sitsa senu ngekunitjela liciniso yini?

Kubase-Efesu 4:19

Batsi kantsi babutfuntfu, batinikela emanyaleni, basebenta kungcola konkhe ngekuhungeka.

Sembulo 11:10

Bantfu labahlala emhlabeni bayawukutsakasela kufa kwabo labo bofakazi. Bayawugubha imikhosi, bephane netipho, ngobe phela labaphrofethi lababili bese babahluphile emhlabeni.