1 Emakhosi 20:6 - Siswati 1996 Bible

⁶ Kodvwa kusasa, ngalesikhatsi, ngitawutfumela tindvuna tami titewufunisisa lapho esigodlweni sakho nasetindlini tetindvuna takho. Titakuchwaga konkhe lokungemagugu akho, tihambe nako.’ ”

1 Emakhosi 20:6 ပူးပေါင်းရင်းမြစ်များ

Joweli 3:5

Ngobe nitsetse isiliva yami negolide yami nakwetfwala konkhe lokungemagugu nemcebo wami lomkhulu nayawukufaka emathempelini enu.

Hoseya 13:15

Ngisho nome angahluma njengembali emkhatsini wetinhlanga, umoya waSimakadze, wangasemphumalanga, uyakuta, uhhusha uchamuka ngasehlane, umtfombo waka-Efrayimu uyawuphelelwa ngemanti, nesicobho sakhe some. Likamelo lakhe lekulondvolota liyawuphangwa tonkhe tintfo talo letingemagugu.

Sililo 1:10

Sitsa sabeka tandla taso kuyo yonkhe imicebo yayo; iJerusalema yabona betive bangena ethempelini layo, labo lowabalela kutsi bangene ebandleni lakho.

Sililo 1:7

Ngemalanga ekushaywa nekundzindza kwayo iJerusalema iwakhumbula onkhe emagugu ayo labengewayo ngemalanga akadzeni. Ngaleto tikhatsi bantfu bayo nabawela etandleni tetitsa, kwabate namunye labengayilamlela. Titsa tayo tayibuka, tayihleka bulima nayibhidlika.

Jeremiya 25:34

Khalani nilile, nine belusi; gicikani elutfulini, nine baholi bemhlambi. Ngobe sikhatsi sekuhlatjwa kwenu sesifikile, niyakuwa niphihlike njengeludziwo loluhle.

Isaya 44:9

Bonkhe labenta tithico balite, naletintfo letiligugu kangaka kubo tilite. Labo lababetikhulumela batimphumphutse, futsi abati lutfo, lokulihlazo kubo.

Ezra 8:27

netitja tegolide letatingema-20 tingemakhilogremu labengaba siphohlongo nemagremu langema-500, netitja letimbili telitfusi lelilolongiwe, tiligugu njengegolide.

2 Samuweli 24:14

Davide watsi kuGadi: “Ngiselusizini lolukhulu asimane siwele etandleni taSimakadze, ngobe umusa wakhe mkhulu, kodvwa ungavumi siwele etandleni tebantfu.”

Genesisi 27:15

Rebheka watsatsa timphahla letincono kakhulu ta-Esawu letatisendlini kabo, watembatsisa Jakobe.

1 Emakhosi 20:5

Titfunywa taphindze tabuya futsi, tafike tatsi: “Inkhosi Bheni Hadadi itsi: ‘Ngitfumele ngatsi letsa isiliva yakho, negolide yakho, nebafati bakho kanye nebantfwabakho.

1 Emakhosi 20:7

Inkhosi yaka-Israyeli yabita bonkhe baholi belive layo yakhuluma kubo, yatsi: “Niyabona kambe kutsi lomuntfu ufuna kususa lutfutfuva! Utsite nakatfumela afuna bafati bami, nebantfwabami, nesiliva yami, negolide yami, mine angikamaleli.”