1 Emakhosi 20:33 - Siswati 1996 Bible

³³ Letindvuna taBheni Hadadi tashesha takutsatsa loko njengesibonakaliso sekwemukeleka, Ahabi nakatsi: “Yebo, Bheni Hadadi ungumnaketfu.” Ngako tasheshe tawaphindza lamavi latsi: “Yebo, Bheni Hadadi ungumnakenu!” Ahabi wakhuluma kuto, watsi: “Hambani nimlandze.” Watsi kube Bheni Hadadi efike, Ahabi wamcela kutsi ekhwele naye encoleni yakhe.

1 Emakhosi 20:33 ပူးပေါင်းရင်းမြစ်များ

Imisebenti yebaPhostoli 8:31

Waphendvula watsi: “Ngingeva kanjani kute longichazelako nje?” Wase ucela yena Filiphu kutsi agibele ahlale eceleni kwakhe.

Lukha 16:8

“Inkhosi yayidvumisa lendvuna lengaketsembeki ngekwenta lentfo lenebucili kangaka, ngobe bantfu balomhlaba bahlakaniphile esitukulwaneni sabo kunebantfu bekukhanya.”

Taga 25:13

Sitfunywa lesetsembekile sijabulisa lowo lositfumile, njengemanti lacandzako ehlobo; yebo, sihlumelelisa umoya wenkhosi yaso.

2 Emakhosi 10:15

Asesukile lapho, wefika kuJehonadabi, umsa waRekhabi, labesendleleni ayemhlangabeta. Jehu wambingelela watsi: “Ume ngakimi yini, njengobe nami ngibambisene nawe?” Jehonadabi wamphendvula, watsi: “Yebo.” Jehu watsi: “Nangabe kunjalo; bamba ingalo.” Ngako Jehonadabi wachawula, Jehu wamdvonsa, amgibelisa encoleni yakhe.

1 Emakhosi 15:18

Asa wase utsatsa yonkhe isiliva negolide leyayisele engcebeni yaSimakadze ethempelini nasesigodlweni sakhe. Wayiniketela etandleni tetinceku takhe watitfumela kuBheni Hadadi, umsa waThabrimoni, umsa waHeziyoni, inkhosi yaseSiriya leyayihlala eDamaseko.

1 Emakhosi 20:32

Ngako bavunula emasaka etinkhalweni tabo, babopha tinhloko tabo ngetintsambo, bahamba baya enkhosini yaka-Israyeli bafike batsi: “Inceku yakho Bheni Hadadi itsi: ‘Ngicela kutsi ungangibulali.’ ” Inkhosi yaphendvula yatsi: “Usaphila yini? Phela ungumnaketfu.”

1 Emakhosi 20:34

Bheni Hadadi wakhuluma kuye, watsi: “Ngitakuwabuyisa onkhe lamadolobha latfunjwa ngubabe kuyihlo. Nawe ungatentela timakethe edolobheni laseDamaseko, njengobe nababe atenta eSamariya.” Ahabi waphendvula watsi: “Ngitakukhululela etikwalesivumelwane.” Ngako benta leso sivumelwane, wase uyamkhulula.