1 Emakhosi 20:22 - Siswati 1996 Bible

²² Emvakwaloko, umphrofethi waphindze wabuyela enkhosini yaka-Israyeli, wafike watsi: “Cinisa emabutfo akho, ubone kutsi kufanele wenteni, ngobe kulentfwasahlobo letako inkhosi yaseSiriya itawuphindze ibuye itekuhlasela futsi.”

1 Emakhosi 20:22 ပူးပေါင်းရင်းမြစ်များ

2 Samuweli 11:1

Kwatsi entfwasahlobo lelandzelako, ngesikhatsi emakhosi laphuma ngaso timphi, Davide yena watfumela Jowabe, wamkhipha kanye netindvuna takhe kanye nayo yonkhe imphi yema-Israyeli. Bafike babhubhisa ema-Amoni, bavimbetela lidolobha laseRabha. Davide yena abesele eJerusalema.

1 Emakhosi 19:10

Elija waphendvula watsi: “Benginenshisekelo lenkhulu yekukhonta wena Simakadze, Nkulunkulu Somandla. Kodvwa sive saka-Israyeli sisilahlile sivumelwane sakho, sabhidlita emalati akho, sabulala baphrofethi bakho ngenkemba. Ngimi ngedvwa losasele, kodvwa nami sebafuna kungibulala.”

1 Emakhosi 20:13

Ngasona leso sikhatsi kwefika umphrofethi enkhosini Ahabi, watsi: “Simakadze utsi: ‘Uyayibona yini lemphi lenkhulu kangaka? Ngitayinikela esandleni sakho, kuze wati kutsi mine nginguSimakadze.’ ”

1 Emakhosi 20:21

Inkhosi yaka-Israyeli yasondzela yabhubhisa lamahhashi kanye netincola, yawashaya yawabhuca emaSiriya.

1 Emakhosi 20:26

Entfwasahlobo lelandzelako Bheni Hadadi wahlomisa emaSiriya enyuka aya e-Afeki kuyakulwa nema-Israyeli.

1 Emakhosi 20:38

Lomphrofethi wahamba wayakumela inkhosi eceleni kwendlela. Waphica umkhondvo ngekufaka ingadibe leyayisitselise emehlo.

1 Emakhosi 22:8

Inkhosi Ahabi yaphendvula Jehoshafati, yatsi: “Usekhona munye lesingabuta ngaye kuSimakadze, kodvwa ngiyamenyanya, ngobe akaze nje aphrofethe lokuhle ngami, kodvwa uphrofetha lokubi kodvwa. NguMikhaya, umsa waJimla.” Jehoshafati waphendvula watsi: “Inkhosi ayikafaneli kukusho loko.”

2 Emakhosi 6:12

Lenye yaletindvuna tayo yaphendvula, yatsi: “Kute namunye lapha kitsi, nkhosi yami, nkhosi, kute loyimpimpi. Kodvwa ngu-Elisha, umphrofethi waka-Israyeli, lotjela inkhosi yema-Israyeli onkhe emagama lowakhuluma usendlini yakho yekulala.”

1 Tikhronike 20:1

Kwatsi entfwasahlobo, ngesikhatsi emakhosi laphuma ngaso imphi, Jowabe waphuma nemasotja wayakulwa. Wahlasela live lema-Amoni wendlula wayakuvimbetela iRabha, kodvwa Davide wasala eJerusalema. Jowabe wahlasela iRabha wayehlula, wayibhidlita wayishiya itindzala.

2 Tikhronike 25:11

Amasiya waticinisa emandla, wahola emabutfo akhe wacondza eSigodzini Seluswayi, lapho afike wabulala emadvodza aseSeyiri lati-10 000.

2 Tikhronike 25:8

Nome bewungahamba uyewuhlasela ngesibindzi emphini, Nkulunkulu uyawukwehlula embikwetitsa takho, ngobe Nkulunkulu unemandla ekusita newekwehlulekisa.”

Tihlabelelo 27:14

Tsemba kuSimakadze, cina ungadzangali, ube nesibindzi. Yebo, tsemba kuSimakadze.

Taga 18:10

Libito laSimakadze liyinqaba lecinile, lapho kungabalekela khona bantfu labalungile basindze.

Taga 20:18

Yenta tinhloso takho ngekutfola teluleko letilungile; ungacali uhlasele emphini ungenamasu.

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Isaya 42:8

“NginguSimakadze; lelo libito lami! Inkhatimulo yami ngingeke ngiyinike lomunye, nome-ke ludvumo lwami etithicweni.

Isaya 8:9

Hlabani inyandzaleyo, nine tive, nitfutfumele! Lalelani, nine nonkhe mave lakhashane. Tilungiseleleni kulwa imphi, nesabe! Tilungiseleleni kulwa imphi, nehlulwe!

Kubase-Efesu 6:10

Kwekugcina, cinani eNkhosini nasemandleni ayo lamakhulu.