1 Emakhosi 20:21 - Siswati 1996 Bible

²¹ Inkhosi yaka-Israyeli yasondzela yabhubhisa lamahhashi kanye netincola, yawashaya yawabhuca emaSiriya.

1 Emakhosi 20:21 ပူးပေါင်းရင်းမြစ်များ

1 Emakhosi 20:20

ngulowo nalowo wabulala leyo ndvodza labelwa nayo. Atsi nakubona loko emaSiriya abaleka, ema-Israyeli awalandzela ngemuva awacosha. Kodvwa Bheni Hadadi, inkhosi yemaSiriya, wagibela lihhashi wabaleka nalamanye emadvodza akakhe nawo labegibele akawo.

1 Emakhosi 20:22

Emvakwaloko, umphrofethi waphindze wabuyela enkhosini yaka-Israyeli, wafike watsi: “Cinisa emabutfo akho, ubone kutsi kufanele wenteni, ngobe kulentfwasahlobo letako inkhosi yaseSiriya itawuphindze ibuye itekuhlasela futsi.”

2 Emakhosi 3:18

Loku yintfo lemalula kabi emehlweni aSimakadze, kantsi futsi naMowabi utamnikela etandleni tenu.

2 Emakhosi 3:24

Kodvwa atsi emaMowabi nakefika enkambu yaka-Israyeli, ema-Israyeli avumbuka, alwa nawo, aze emaMowabi abaleka. Ema-Israyeli alihlasela lelo live, agwaza emaMowabi.

Joshuwa 10:20

Ngako Joshuwa nema-Israyeli ababulala abacedza, kwacishe kwangete kwasala muntfu, kodvwa labo labambalwa labasala babalekela emadolobheni abo latinqaba.

Tikhulu 11:33

Wabhubhisa emadolobha langema-20, kusukela e-Aroyeri kuze kuyewufika emacentselweni aseMinithi nase-Abela Kheramimu; acotfula imbokodvo nesisekelo. Ayincoba kanjalo-ke ema-Israyeli i-Amoni.

Tikhulu 3:28

Wakhuluma kuwo, watsi: “Landzelani mine, ngobe Simakadze unikele Mowabi, sitsa senu, etandleni tenu.” Ngako amlandzela ehla naye, atfumba onkhe ematubuko emfula iJordane lewelela kaMowabi, avimbela bonkhe labewelako.

1 Samuweli 17:52

Emadvodza aka-Israyeli newakaJuda asondzela nawo amemeta, asacosha emaFilisti, aze ayawuwangenisa eGathi nasemasangweni ase-Ekroni. Tinkhubela temaFilisti tatisakateke nawo wonkhe umgwaco waseSharayimu loya eGathi nase-Ekroni.

1 Samuweli 19:8

Kwaphindze kwesuka imphi, naDavide waphuma wayakulwa nemaFilisti. Wawagadla kamatima, aze abaleka embikwakhe.