1 Emakhosi 20:20 - Siswati 1996 Bible

²⁰ ngulowo nalowo wabulala leyo ndvodza labelwa nayo. Atsi nakubona loko emaSiriya abaleka, ema-Israyeli awalandzela ngemuva awacosha. Kodvwa Bheni Hadadi, inkhosi yemaSiriya, wagibela lihhashi wabaleka nalamanye emadvodza akakhe nawo labegibele akawo.

1 Emakhosi 20:20 ပူးပေါင်းရင်းမြစ်များ

2 Samuweli 2:16

Lelo nalelo jaha labamba lelo lelicondzene nalo ngenhloko laligwaza ngenkemba emhlubulweni, awa phansi kanyekanye. Ngako lendzawo yaseGibeyoni yetsiwa libito kwatsiwa yiHelkathi Hasurimu.

1 Emakhosi 15:18

Asa wase utsatsa yonkhe isiliva negolide leyayisele engcebeni yaSimakadze ethempelini nasesigodlweni sakhe. Wayiniketela etandleni tetinceku takhe watitfumela kuBheni Hadadi, umsa waThabrimoni, umsa waHeziyoni, inkhosi yaseSiriya leyayihlala eDamaseko.

1 Emakhosi 20:19

Tindvuna letincane letingaphansi kwetindvuna tetifundza taphumela ngephandle kwelidolobha tilandzelwa ngemabutfo,

1 Emakhosi 20:21

Inkhosi yaka-Israyeli yasondzela yabhubhisa lamahhashi kanye netincola, yawashaya yawabhuca emaSiriya.

2 Emakhosi 19:36

Ngako Senaheribi, inkhosi yase-Asiriya, wadzilita inkambu yakhe, wahamba wabuyela eNineve, wayawuhlala khona.

Tihlabelelo 33:16

Kute inkhosi lencoba sitsa ngobe inemabutfo lamanyenti, nesichwaga asincobi ngebunyenti bemandla aso.

Tihlabelelo 46:6

Tive tiyavungama, imibuso iyatamatama; uvakalisa livi lakhe, umhlaba uncibilike.

Umshumayeli 9:11

Kukhona lokunye lengikubonile lapha ngaphansi kwemtfunti welilanga: Ematubane lamakhulu akusiwo lenta umuntfu aphumelele emncintiswaneni, nemandla akusiwo lenta uncobe ekulweni, kantsi nekudla akutfolwa ngulabahlakaniphile bodvwa, nebunjinga abusibo balabakhaliphe ngengcondvo kuphela, nemphumelelo ayisiyo yalabanelikhono; kodvwa sikhatsi nematfuba kubehlela bonkhe.

Jeremiya 41:15

Kodvwa Ishmayeli, umsa waNethaniya, kanye nalamadvodza akakhe lasiphohlongo babalekela Johanani, bacondza ngesheya eveni lema-Amoni.

Levithikusi 26:8

Labasihlanu benu bayawuba nemandla ekwehlula likhulu lato, nelikhulu lenu liyawuba nemandla ekwehlula titsa leti-10 000; yebo, titsa tenu niyawutehlula niticotfule ngenkemba.

Tikhulu 7:23

Ema-Israyeli akaNaftali, newaka-Asheri, nawo onkhe akaManase amenyetwa, acosha emaMidiyani.